ਵਾਸ਼ਿੰਗਟਨ (ਭਾਸ਼ਾ) - ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਲਈ ਰਿਪਬਲਿਕਨ ਪਾਰਟੀ ਦੇ ਉਮੀਦਵਾਰ ਡੋਨਾਲਡ ਟਰੰਪ ਨੇ ਸ਼ੁੱਕਰਵਾਰ ਨੂੰ ਆਪਣੇ ਨਾਲ ਜੁੜੀਆਂ ਖਬਰਾਂ ਅਤੇ ਤਸਵੀਰਾਂ 'ਤੇ ਪਾਬੰਦੀ ਲਗਾਉਣ ਦੀਆਂ ਖਬਰਾਂ ਨੂੰ ਲੈ ਕੇ ਗੂਗਲ 'ਤੇ ਨਿਸ਼ਾਨਾ ਸਾਧਿਆ ਹੈ। 'ਫਾਕਸ ਨਿਊਜ਼' ਨੂੰ ਦਿੱਤੇ ਇੰਟਰਵਿਊ 'ਚ ਟਰੰਪ ਨੇ ਕਿਹਾ, ''ਗੂਗਲ ਦਾ ਰਵੱਈਆ ਬਹੁਤ ਖਰਾਬ ਰਿਹਾ ਹੈ। ਉਹ ਬਹੁਤ ਗੈਰ-ਜ਼ਿੰਮੇਵਾਰ ਰਹੇ ਹਨ ਅਤੇ ਮੈਨੂੰ ਲੱਗਦਾ ਹੈ ਕਿ ਗੂਗਲ ਬੰਦ ਹੋਣ ਦੀ ਕਗਾਰ 'ਤੇ ਪਹੁੰਚਣ ਵਾਲਾ ਹੈ, ਕਿਉਂਕਿ ਮੈਨੂੰ ਨਹੀਂ ਲੱਗਦਾ ਕਿ ਕਾਂਗਰਸ(ਅਮਰੀਕੀ ਸੰਸਦ) ਇਸ ਨੂੰ ਸਵੀਕਾਰ ਕਰੇਗੀ। ਮੈਨੂੰ ਸੱਚਮੁੱਚ ਅਜਿਹਾ ਨਹੀਂ ਲੱਗਦਾ। ਗੂਗਲ ਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।''
ਹਫਤੇ ਦੇ ਸ਼ੁਰੂ ਵਿਚ, ਟਰੰਪ ਨੇ ਦੋਸ਼ ਲਗਾਇਆ ਸੀ ਕਿ 13 ਜੁਲਾਈ ਨੂੰ ਪੈਨਸਿਲਵੇਨੀਆ ਵਿਚ ਇਕ ਚੋਣ ਰੈਲੀ ਦੌਰਾਨ ਉਸ 'ਤੇ ਹੋਏ ਘਾਤਕ ਹਮਲੇ ਨਾਲ ਸਬੰਧਤ ਕੋਈ ਫੋਟੋ ਜਾਂ ਹੋਰ ਸਮੱਗਰੀ ਲੱਭਣਾ ਗੂਗਲ 'ਤੇ ਲਗਭਗ ਅਸੰਭਵ ਹੈ। ਹਾਲਾਂਕਿ ਗੂਗਲ ਨੇ ਸਾਬਕਾ ਰਾਸ਼ਟਰਪਤੀ ਦੇ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ ਹੈ। ਕੰਪਨੀ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਕਿਹਾ ਸੀ, “ਪਿਛਲੇ ਕੁਝ ਦਿਨਾਂ ਵਿੱਚ, 'X' 'ਤੇ ਕੁਝ ਲੋਕਾਂ ਨੇ ਦਾਅਵਾ ਕੀਤਾ ਹੈ ਕਿ ਸਰਚ ਇੰਜਣ ਚੋਣਵੇਂ ਸ਼ਬਦਾਂ ਨੂੰ 'ਸੈਂਸਰ' ਕਰ ਰਿਹਾ ਹੈ ਜਾਂ 'ਬੈਨ' ਕਰ ਰਿਹਾ ਹੈ। ਅਜਿਹਾ ਨਹੀਂ ਹੋ ਰਿਹਾ ਹੈ। ਅਸੀਂ ਇਹ ਸਪੱਸ਼ਟ ਕਰਨਾ ਚਾਹੁੰਦੇ ਹਾਂ। "
ਇਹ ਪੋਸਟਾਂ ਸਾਡੀ 'ਆਟੋਕੰਪਲੀਟ' ਵਿਸ਼ੇਸ਼ਤਾ ਨਾਲ ਸਬੰਧਤ ਹਨ, ਜੋ ਤੁਹਾਡੇ ਸਮੇਂ ਦੀ ਬਚਤ ਕਰਨ ਲਈ ਤੁਹਾਡੇ ਮਨ ਵਿੱਚ ਸਵਾਲਾਂ ਦਾ ਅਨੁਮਾਨ ਲਗਾਉਂਦੀ ਹੈ।"
ਗੂਗਲ ਨੇ ਦਿੱਤਾ ਇਹ ਸਪੱਸ਼ਟੀਕਰਣ
ਗੂਗਲ ਨੇ ਸਪੱਸ਼ਟ ਕੀਤਾ ਸੀ ਕਿ 'ਆਟੋਕੰਪਲੀਟ' ਸਾਬਕਾ ਰਾਸ਼ਟਰਪਤੀ ਟਰੰਪ 'ਤੇ ਹੋਏ ਜਾਨਲੇਵਾ ਹਮਲੇ ਨਾਲ ਜੁੜੇ ਸਵਾਲਾਂ ਨੂੰ ਲੈ ਕੇ ਕੋਈ ਅੰਦਾਜ਼ਾ ਨਹੀਂ ਲਗਾ ਰਿਹਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਸਿਆਸੀ ਹਿੰਸਾ ਨਾਲ ਸਬੰਧਤ ਸਮੱਗਰੀ ਨੂੰ ਫਿਲਟਰ ਕਰਨ ਲਈ ਇੱਕ ਸਿਸਟਮ ਬਣਾਇਆ ਗਿਆ ਹੈ ਅਤੇ ਇਹ ਪ੍ਰਣਾਲੀ ਪੁਰਾਣੀ ਹੈ।
ਕੰਪਨੀ ਨੇ ਕਿਹਾ ਸੀ ਕਿ ਪੈਨਸਿਲਵੇਨੀਆ 'ਚ ਹੋਈ ਭਿਆਨਕ ਘਟਨਾ ਤੋਂ ਬਾਅਦ 'ਸਰਚ' ਆਪਸ਼ਨ 'ਚ ਇਸ ਨਾਲ ਜੁੜੇ ਸੰਭਾਵੀ ਸਵਾਲ ਆਉਣੇ ਚਾਹੀਦੇ ਸਨ, ਪਰ ਅਜਿਹਾ ਨਹੀਂ ਹੋਇਆ। ਗੂਗਲ ਨੇ ਕਿਹਾ ਸੀ, "ਸਾਡੇ ਧਿਆਨ 'ਚ ਸਮੱਸਿਆ ਆਉਣ ਤੋਂ ਬਾਅਦ, ਇਸ ਨੇ ਸੁਧਾਰਾਂ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਨਵੇਂ ਫੀਚਰ ਜਾਰੀ ਕੀਤੇ ਜਾ ਰਹੇ ਹਨ।"
ਫਲਾਈਟ ’ਚ ਏਅਰ ਹੋਸਟੈੱਸ ਨਾਲ ‘ਜ਼ਬਰਦਸਤੀ’ ਕਰਨ ਦੀ ਕੋਸ਼ਿਸ਼, ਜਹਾਜ਼ ਦੀ ਕਰਨੀ ਪਈ ਐਮਰਜੈਂਸੀ ਲੈਂਡਿੰਗ
NEXT STORY 
