ਲੰਡਨ (ਭਾਸ਼ਾ): ਬ੍ਰਿਟੇਨ ਦੀ ਮੈਡੀਕਲ ਰੈਗੁਲੇਟਰੀ ਏਜੰਸੀ ਨੇ ਮਲੇਰੀਆ ਦੀ ਦਵਾਈ ਹਾਈਡ੍ਰੋਕਸੀਕਲੋਰੋਕਵਿਨ ਦਾ ਕੋਵਿਡ-19 ਦੇ ਲਈ ਪਰੀਖਣ ਬਹਾਲ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਪਰੀਖਣ ਵਿਚ ਇਹ ਦੇਖਿਆ ਜਾਵੇਗਾ ਕਿ ਇਹ ਦਵਾਈ ਲੈਣ 'ਤੇ ਸਿਹਤ ਕਰਮੀਆਂ ਦਾ ਕੋਰੋਨਾਵਾਇਰਸ ਇਨਫੈਕਸ਼ਨ ਤੋਂ ਬਚਾਅ ਹੁੰਦਾ ਹੈ ਜਾਂ ਨਹੀਂ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੀ ਇਸ ਦਵਾਈ ਦੇ ਫਾਇਦਿਆਂ ਦੀ ਗਿਣਤੀ ਕਰਵਾ ਚੁੱਕੇ ਹਨ। ਦਵਾਈ ਅਤੇ ਸਿਹਤ ਵਿਭਾਗ ਉਤਪਾਦ ਰੈਗੂਲੇਟਰੀ ਏਜੰਸੀ ਨੇ ਪਿਛਲੇ ਮਹੀਨੇ ਵੱਕਾਰੀ ਪੱਤਰਿਕਾ 'ਲਾਂਸੇਟ' ਇਕ ਸ਼ੋਧ ਦੇ ਛੱਪਣ ਦੇ ਬਾਅਦ ਇਸ ਦਵਾਈ ਦੇ ਪਰੀਖਣ 'ਤੇ ਰੋਕ ਲਗਾ ਦਿੱਤੀ ਸੀ।
ਸ਼ੋਧ ਵਿਚ ਕਿਹਾ ਗਿਆ ਸੀ ਕਿ ਦਵਾਈ ਦੀ ਵਰਤੋਂ ਨਾਲ ਮੌਤ ਦਾ ਖਤਰਾ ਵੱਧ ਜਾਂਦਾ ਹੈ। ਪਤਾ ਚੱਲਿਆ ਕਿ ਇਸ ਸ਼ੋਧ ਲਈ ਜਿਹਨਾਂ ਅੰਕੜਿਆਂ ਦੀ ਵਰਤੋਂ ਹੋਈ ਉਹ ਸਹੀ ਨਹੀਂ ਸਨ। ਪੂਰਬ ਵਿਚ ਬ੍ਰਿਟੇਨ ਵਿਚ ਵੱਡੇ ਪੱਧਰ 'ਤੇ ਪਰੀਖਣ ਵਿਚ ਪਾਇਆ ਗਿਆ ਕਿ ਹਾਈਡ੍ਰੋਕਸੀਕਲੋਰੋਕਵਿਨ ਕੋਵਿਡ-19 ਮਰੀਜ਼ਾਂ ਦੀ ਮੌਤ ਨੂੰ ਰੋਕਣ ਵਿਚ ਅਸਰਦਾਰ ਸਾਬਤ ਨਹੀਂ ਹੋਈ। ਵਿਸ਼ਵ ਸਿਹਤ ਸੰਗਠਨ ਨੇ ਵੀ ਬ੍ਰਿਟੇਨ ਅਤੇ ਦੂਜੇ ਸਥਾਨਾਂ ਦੇ ਉਪਲਬਧ ਅੰਕੜਿਆਂ ਦੇ ਆਧਾਰ 'ਤੇ ਦਵਾਈ 'ਤੇ ਆਪਣੇ ਪਰੀਖਣ ਨੂੰ ਮੁਲਤਵੀ ਕਰ ਦਿੱਤਾ ਸੀ। ਪਰ ਵਿਸ਼ਵ ਸਿਹਤ ਸੰਗਠਨ ਨੇ ਕਿਹਾ ਸੀ ਕਿ ਸਾਵਧਾਨੀ ਤੌਰ 'ਤੇ ਪਹਿਲਾਂ ਹੀ ਹਾਈਡ੍ਰੋਕਸੀਕਲੋਰੋਕਵਿਨ ਦਵਾਈ ਦਿੱਤੀ ਜਾਵੇ ਤਾਂ ਇਨਫੈਕਸ਼ਨ ਤੋਂ ਬਚਾਅ ਹੋਵੇਗਾ ਜਾਂ ਨਹੀਂ ਇਸ ਦਾ ਪਤਾ ਹਾਲੇ ਨਹੀਂ ਲੱਗ ਪਾਇਆ ਹੈ।
ਰੈਗੂਲੇਟਰੀ ਏਜੰਸੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਸਿਹਤ ਕਰਮੀਆਂ ਵਿਚ ਦਵਾਈ ਦੀ ਵਰਤੋਂ 'ਤੇ ਮੌਜੂਦ ਪਰੀਖਣ ਨੂੰ ਜਾਰੀ ਰੱਖਣ ਦੀ ਉਸ ਨੇ ਇਜਾਜ਼ਤ ਦੇ ਦਿੱਤੀ ਹੈ। ਆਕਸਫੋਰਡ ਯੂਨੀਵਰਸਿਟੀ ਦਾ ਬੈਂਕਾਕ ਸਥਿਤ ਟ੍ਰਾਪੀਕਲ ਰਿਸਰਚ ਸੈਂਟਰ ਇਕ ਪਰੀਖਣ ਕਰਨ ਵਾਲਾ ਹੈ ਜਿਸ ਵਿਚ 40,000 ਤੋਂ ਵਧੇਰੇ ਸਿਹਤ ਕਰਮੀਆਂ ਅਤੇ ਜ਼ੋਖਮ ਵਾਲੇ ਕਰਮੀਆਂ ਨੂੰ ਸ਼ਾਮਲ ਕੀਤਾ ਜਾਵੇਗਾ। ਪਰੀਖਣ ਵਿਚ ਦੇਖਿਆ ਜਾਵੇਗਾ ਕਿ ਹਾਈਡ੍ਰੋਕਸੀਕਲੋਰੋਕਵਿਨ ਦਵਾਈ ਉਹਨਾਂ ਨੂੰ ਇਨਫੈਕਸ਼ਨ ਤੋਂ ਬਚਾਉਂਦੀ ਹੈ ਜਾਂ ਨਹੀਂ।
ਟਰੰਪ ਦਾ ਨਵਾਂ ਵਿਵਾਦ, ਕਈ ਉੱਘੀਆਂ ਆਗੂ ਬੀਬੀਆਂ ਨਾਲ ਫ਼ੋਨ 'ਤੇ ਕੀਤੀ ਸੀ ਬਦਤਮੀਜ਼ੀ
NEXT STORY