ਵਾਸ਼ਿੰਗਟਨ: ਅਮਰੀਕੀ ਜਲ ਸੈਨਾ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਗਲੋਬਲ ਵਪਾਰ ਲਈ ਮਹੱਤਵਪੂਰਨ ਜਲ ਮਾਰਗ 'ਤੇ ਯਮਨ ਦੇ ਹੂਤੀ ਬਾਗੀਆਂ ਦੇ ਕਈ ਹਮਲਿਆਂ ਦੇ ਮੱਦੇਨਜ਼ਰ ਸਹਿਯੋਗੀ ਦੇਸ਼ਾਂ ਦੇ ਨਾਲ ਲਾਲ ਸਾਗਰ ਵਿੱਚ ਗਸ਼ਤ ਕਰਨ ਲਈ ਇੱਕ ਨਵੀਂ ਟਾਸਕ ਫੋਰਸ ਬਣਾਏਗੀ। ਜਲ ਸੈਨਾ ਦੇ ਮੱਧ ਪੂਰਬ-ਅਧਾਰਤ 5ਵੇਂ ਫਲੀਟ ਦੀ ਨਿਗਰਾਨੀ ਕਰਨ ਵਾਲੇ ਵਾਈਸ ਐਡਮਿਰਲ ਬ੍ਰੈਡ ਕੂਪਰ ਨੇ ਟਾਸਕ ਫੋਰਸ ਦੀ ਘੋਸ਼ਣਾ ਬਾਰੇ ਆਪਣੀ ਟਿੱਪਣੀ ਵਿੱਚ ਸਿੱਧੇ ਤੌਰ 'ਤੇ ਈਰਾਨ-ਸਮਰਥਿਤ ਹੋਤੀ ਬਾਗੀਆਂ ਦਾ ਨਾਮ ਨਹੀਂ ਲਿਆ।
ਹਾਲਾਂਕਿ, ਹੂਤੀ ਬਾਗੀਆਂ ਨੇ ਲਾਲ ਸਾਗਰ ਵਿੱਚ ਵਿਸਫੋਟਕਾਂ ਨਾਲ ਭਰੀਆਂ ਡਰੋਨ ਕਿਸ਼ਤੀਆਂ ਨੂੰ ਉਤਾਰ ਦਿੱਤਾ ਹੈ। ਇਹ ਸਾਗਰ ਉੱਤਰ ਵਿੱਚ ਮਿਸਰ ਦੀ ਸੁਏਜ਼ ਨਹਿਰ ਵਿੱਚੋਂ ਦੱਖਣ ਦੀ ਜ਼ਿਆਦਾ ਤੰਗ ਬਾਬ ਅਲ-ਮੰਡੇਬ ਜਲਡਮਰੂ ’ਚੋਂ ਹੋ ਕੇ ਲੰਘਦਾ ਹੈ, ਜੋ ਅਫ਼ਰੀਕਾ ਨੂੰ ਅਰਬ ਪ੍ਰਾਇਦੀਪ ਤੋਂ ਵੱਖ ਕਰਦਾ ਹੈ।
‘ਕੰਬਾਈਨਡ ਮੈਰੀਟਾਈਮ ਫੋਰਸਿਜ਼ ਕਮਾਂਡ’ 34 ਦੇਸ਼ਾਂ ਦੀ ਭਾਗੀਦਾਰੀ ਵਾਲੀ ਸੰਸਥਾ ਹੈ। ਕੂਪਰ ਬਹਿਰੀਨ ਵਿੱਚ ਇੱਕ ਮਿਲਟਰੀ ਬੇਸ ਤੋਂ ਇਸ ਸੰਗਠਨ ਦੇ ਕਾਰਜਾਂ ’ਤੇ ਨਜ਼ਰ ਰੱਖਦਾ ਹੈ। ਇਸ ਕਮਾਨ ਦੇ ਤਹਿਤ ਪਹਿਲਾਂ ਤੋਂ ਤਿੰਨ ਟਾਸਕ ਫੋਰਸ ਹਨ, ਜੋ ਫਾਰਸ ਦੀ ਖਾੜੀ ਦੇ ਅੰਦਰ ਅਤੇ ਬਾਹਰ ਦੋਵੇਂ ਜਗ੍ਹਾਂ ਸਮੁੰਦਰੀ ਡਾਕੂ ਅਤੇ ਸੁਰੱਖਿਆ ਮੁੱਦਿਆਂ ਨਾਲ ਨਜਿੱਠਦੀਆਂ ਹਨ। ਕੂਪਰ ਨੇ ਕਿਹਾ ਕਿ ਉਸਨੂੰ ਉਮੀਦ ਹੈ ਕਿ ਇੱਕ ਸਮੇਂ ਵਿੱਚ ਦੋ ਤੋਂ ਅੱਠ ਸਮੁੰਦਰੀ ਜਹਾਜ਼ਾਂ ਦੇ ਕਰਮਚਾਰੀ ਕੋਲੇ, ਨਸ਼ੀਲੇ ਪਦਾਰਥਾਂ ਅਤੇ ਹਥਿਆਰਾਂ ਦੀ ਜਲਮਾਰਗ ਵਿੱਚ ਤਸਕਰੀ ਕਰਨ ਵਾਲੇ ਲੋਕਾਂ 'ਤੇ ਨਜ਼ਰ ਰੱਖਣਗੇ।
ਆਸਟ੍ਰੇਲੀਆ 'ਚ ਵਾਪਰਿਆ ਸੜਕ ਹਾਦਸਾ, 4 ਦੱਖਣੀ ਕੋਰੀਆਈ ਔਰਤਾਂ ਦੀ ਮੌਤ
NEXT STORY 
