ਇੰਟਰਨੈਸ਼ਨਲ ਡੈਸਕ : ਅਫਗਾਨਿਸਤਾਨ ’ਚ ਫੈਲੀ ਅਸ਼ਾਂਤੀ ਵਿਚਾਲੇ ਅਮਰੀਕੀ ਵਿਦੇਸ਼ ਵਿਭਾਗ ਦੇ ਇਕ ਉੱਚ ਅਧਿਕਾਰੀ ਨੇ ਕਿਹਾ ਕਿ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਅਗਲੇ ਹਫਤੇ ਭਾਰਤ ਦੀ ਲੀਡਰਸ਼ਿਪ ਨਾਲ ਪਾਕਿਸਤਾਨ ਸਪਾਂਸਰ ਅੱਤਵਾਦ, ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਅਤੇ ਅਫਗਾਨਿਸਤਾਨ ’ਚ ਸ਼ਾਂਤੀ ਅਤੇ ਸਥਿਰਤਾ ਪ੍ਰਾਪਤ ਕਰਨ ਦੇ ਤਰੀਕਿਆਂ ’ਤੇ ਚਰਚਾ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਬਲਿੰਕਨ ਅਗਲੇ ਹਫਤੇ ਆਪਣੀ ਭਾਰਤ ਯਾਤਰਾ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਵਿਦੇਸ਼ ਮੰਤਰੀ (ਐੱਸ. ਜੈਸ਼ੰਕਰ) ਨਾਲ ਮੁਲਾਕਾਤ ਕਰਨਗੇ ਅਤੇ ਭਾਰਤ-ਪ੍ਰਸ਼ਾਂਤ ਸੰਪਰਕ ਅਤੇ ਸਾਂਝੇ ਖੇਤਰੀ ਸੁਰੱਖਿਆ ਹਿੱਤਾਂ ਸਮੇਤ ਕਈ ਮੁੱਦਿਆਂ ’ਤੇ ਵਿਚਾਰ ਕਰਨਗੇ।
ਇਹ ਵੀ ਪੜ੍ਹੋ : ਅਹਿਮ ਖਬਰ : ਭਾਰਤ ਤੋਂ UAE ਜਾਣ ਵਾਲਿਆਂ ਦੀ ਉਡੀਕ ਹੋਰ ਵਧੀ, ਫਲਾਈਟਾਂ ’ਤੇ 2 ਅਗਸਤ ਤਕ ਲੱਗੀ ਪਾਬੰਦੀ
ਇਕ ਵਿਸ਼ੇਸ਼ ਪ੍ਰੈੱਸ ਬ੍ਰੀਫਿੰਗ ਦੌਰਾਨ ਦੱਖਣੀ ਅਤੇ ਮੱਧ ਏਸ਼ੀਆਈ ਮਾਮਲਿਆਂ ਦੇ ਕਾਰਜਕਾਰੀ ਸਹਾਇਕ ਸਕੱਤਰ ਡੀਨ ਥੌਮਸਨ ਨੇ ਕਿਹਾ, "ਸਾਡੇ ਭਾਰਤੀ ਭਾਈਵਾਲਾਂ ਨਾਲ ਸਾਡੀ ਦੁਵੱਲੀ ਗੱਲਬਾਤ ਸਾਡੀ ਸੁਰੱਖਿਆ, ਰੱਖਿਆ, ਸਾਈਬਰ ਅਤੇ ਅੱਤਵਾਦ ਵਿਰੋਧੀ ਸਹਿਯੋਗ ਦੇ ਵਿਸਥਾਰ ’ਤੇ ਕੇਂਦਰਿਤ ਕਰੇਗੀ।" ਉਨ੍ਹਾਂ ਕਿਹਾ ਕਿ ਖੇਤਰੀ ਮੁੱਦਿਆਂ 'ਤੇ ਅਸੀਂ ਅਫਗਾਨਿਸਤਾਨ ’ਚ ਇੱਕ ਨਿਰਪੱਖ ਅਤੇ ਟਿਕਾਊ ਸ਼ਾਂਤੀ ਦੇ ਸਮਰਥਨ ਲਈ ਆਪਣੀਆਂ ਕੋਸ਼ਿਸ਼ਾਂ ਬਾਰੇ ਵਿਚਾਰ-ਵਟਾਂਦਰੇ ਦਾ ਇਰਾਦਾ ਰੱਖਦੇ ਹਾਂ।
ਅਫਗਾਨਿਸਤਾਨ ਦੇ ਸਾਰੇ ਗੁਆਂਢੀਆਂ ਅਤੇ ਖੇਤਰ ਦੇ ਦੇਸ਼ਾਂ ਦੀ ਸ਼ਾਂਤੀਪੂਰਨ, ਸੁਰੱਖਿਅਤ ਅਤੇ ਸਥਿਰ ਅਫਗਾਨਿਸਤਾਨ ’ਚ ਦਿਲਚਸਪੀ ਹੈ, ਜਿਸ ਨੂੰ ਸਿਰਫ ਇੱਕ ਗੱਲਬਾਤ ਰਾਹੀਂ ਪੂਰਾ ਕੀਤਾ ਜਾ ਸਕਦਾ ਹੈ, ਜੋ 40 ਸਾਲਾਂ ਦੇ ਟਕਰਾਅ ਨੂੰ ਖਤਮ ਕਰਦਾ ਹੈ। ਬਿਨਾਂ ਸ਼ੱਕ ਭਾਰਤ ਇਸ ਖਿੱਤੇ ਵਿੱਚ ਇੱਕ ਮਹੱਤਵਪੂਰਣ ਭਾਈਵਾਲ ਹੈ ਅਤੇ ਅਸੀਂ ਅਫਗਾਨਿਸਤਾਨ ’ਚ ਸ਼ਾਂਤੀ ਅਤੇ ਆਰਥਿਕ ਵਿਕਾਸ ਦੇ ਸਮਰਥਨ ’ਚ ਭਾਰਤ ਦੀ ਸਾਂਝੀ ਵਚਨਬੱਧਤਾ ਦਾ ਸਵਾਗਤ ਕਰਦੇ ਹਾਂ। ਦੱਸ ਦੇਈਏ ਕਿ ਅਫਗਾਨਿਸਤਾਨ ’ਚ ਵਿਦੇਸ਼ੀ ਫੌਜਾਂ ਦੀ ਵਾਪਸੀ ਵਿਚਾਲੇ ਤਾਲਿਬਾਨ ਅੱਤਵਾਦੀ ਹਿੰਸਾ ਦੀ ਖੂਨੀ ਖੇਡ ਖੇਡ ਰਹੇ ਹਨ। ਤਾਲਿਬਾਨ ਦਾ ਦਾਅਵਾ ਹੈ ਕਿ ਇਸ ਦੇ ਲੜਾਕਿਆਂ ਨੇ ਅਫਗਾਨਿਸਤਾਨ ਦਾ 90 ਫੀਸਦੀ ਇਲਾਕਾ ਕਬਜ਼ੇ ’ਚ ਲੈ ਲਿਆ ਹੈ। ਉਧਰ ਅਫਗਾਨਿਸਤਾਨ ਦੀ ਫੌਜ ਲਗਾਤਾਰ ਆਪਣੇ ਇਲਾਕਿਆਂ ਨੂੰ ਤਾਲਿਬਾਨ ਦੇ ਚੁੰਗਲ ਤੋਂ ਮੁਕਤ ਕਰਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਅਹਿਮ ਖਬਰ : ਭਾਰਤ ਤੋਂ UAE ਜਾਣ ਵਾਲਿਆਂ ਦੀ ਉਡੀਕ ਹੋਰ ਵਧੀ, ਫਲਾਈਟਾਂ ’ਤੇ 2 ਅਗਸਤ ਤਕ ਲੱਗੀ ਪਾਬੰਦੀ
NEXT STORY 
