ਲੰਡਨ- ਕੋਰੋਨਾਵਾਇਰਸ ਨਾਲ ਦੁਨੀਆ ਭਰ ਵਿਚ ਹੁਣ ਤੱਕ 1.6 ਲੱਖ ਤੋਂ ਵਧੇਰੇ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਜਦਕਿ 20 ਲੱਖ ਤੋਂ ਵਧੇਰੇ ਲੋਕ ਇਸ ਵੇਲੇ ਇਸ ਵਾਇਰਸ ਨਾਲ ਇਨਫੈਕਟਡ ਹਨ। ਇਸ ਖਤਰਨਾਕ ਵਾਇਰਸ ਨੇ ਚੀਨ ਵਿਚ ਤਕਰੀਬਨ ਪੰਜ ਮਹੀਨੇ ਪਹਿਲਾਂ ਦਸਤਕ ਦਿੱਤੀ ਸੀ। ਪਰ ਅਜੇ ਤੱਕ ਦੁਨੀਆ ਦੇ ਕਿਸੇ ਵੀ ਵਿਗਿਆਨੀ ਨੂੰ ਦਵਾਈ ਬਣਾਉਣ ਵਿਚ ਸਫਲਤਾ ਨਹੀਂ ਮਿਲੀ ਹੈ। ਇਸ ਵਿਚਾਲੇ ਕੋਰੋਨਾਵਾਇਰਸ ਦੇ ਖਿਲਾਫ ਲੜਾਈ ਵਿਚ ਵਿਗਿਆਨੀਆਂ ਨੂੰ ਵਿਟਾਮਿਨ ਡੀ ਦੀ ਵਰਤੋਂ ਦੇ ਕੁਝ ਚੰਗੇ ਨਤੀਜੇ ਮਿਲੇ ਹਨ।
ਵਿਟਾਮਿਨ ਡੀ ਨਾਲ ਹੋ ਰਿਹੈ ਫਾਇਦਾ?
ਬ੍ਰਿਟਿਸ਼ ਅਖਬਾਰ ਡੇਲੀ ਮੇਲ ਦੇ ਮੁਤਾਬਕ ਸਪੇਨ ਦੇ ਵਿਗਿਆਨੀ ਇਹਨੀਂ ਦਿਨੀਂ ਵਿਟਾਮਿਨ ਡੀ ਨੂੰ ਲੈ ਕੇ ਰਿਸਰਚ ਕਰ ਰਹੇ ਹਨ। ਇਥੇ ਇਹ ਪਤਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਕੀ ਅਸਲ ਵਿਚ ਵਿਟਾਮਿਨ ਡੀ ਦੀ ਵਰਤੋਂ ਨਾਲ ਕੋਰੋਨਾਵਾਇਰਸ ਨੂੰ ਮਾਤ ਦਿੱਤੀ ਜਾ ਸਕਦੀ ਹੈ। 10 ਹਫਤਿਆਂ ਦਾ ਇਕ ਟ੍ਰਾਇਲ ਕੋਰੋਨਾਵਾਇਰਸ ਦੇ 200 ਮਰੀਜ਼ਾਂ 'ਤੇ ਕੀਤਾ ਜਾ ਰਿਹਾ ਹੈ। ਵਿਟਾਮਿਨ ਡੀ ਸੂਰਜ ਦੀ ਰੌਸ਼ਣੀ ਤੋਂ ਪੈਦਾ ਹੁੰਦਾ ਹੈ। ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇਸ ਨਾਲ ਇਨਸਾਨ ਦੀ ਇਮਿਊਨਿਟੀ ਦਾ ਪੱਧਰ ਬਹੁਤ ਵਧਦਾ ਹੈ।
ਵਿਟਾਮਿਨ ਡੀ ਨਾਲ ਲੋਕਾਂ ਨੂੰ ਹੋਇਆ ਫਾਇਦਾ
ਹਾਲ ਹੀ ਵਿਚ ਡਬਲਿਨ ਦੇ ਟ੍ਰਿਨਿਟੀ ਕਾਲਜ ਵਿਚ ਇਕ ਅਧਿਐਨ ਵਿਚ ਪਤਾ ਲੱਗਿਆ ਹੈ ਕਿ ਵਿਟਾਮਿਨ ਡੀ ਦੇ ਸਪਲੀਮੈਂਟਸ ਲੈਣ ਨਾਲ ਚੈਸਟ ਇਨਫੈਕਸ਼ਨ ਵਿਚ 50 ਫੀਸਦੀ ਤੱਕ ਕਮੀ ਆ ਗਈ। ਯੂਨੀਵਰਸਿਟੀ ਆਫ ਸਸੈਕਸ ਦੇ ਡਾਕਟਰ ਮੈਕਿਯੋਚੀ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਇਨਸਾਨ ਵਿਚ ਵਿਟਾਮਿਨ ਡੀ ਦੀ ਕਮੀ ਹੈ ਤਾਂ ਉਸ ਨੂੰ ਜ਼ੁਕਾਮ ਹੋਣ ਦਾ ਖਤਰਾ ਤਿੰਨ ਤੋਂ ਚਾਰ ਗੁਣਾ ਵਧ ਜਾਂਦਾ ਹੈ। ਕੋਰੋਨਾਵਾਇਰਸ ਆਮ ਕਰਕੇ ਰੈਸਪਿਰੇਟ੍ਰੀ ਸਿਸਟਮ 'ਤੇ ਹਮਲਾ ਕਰਦਾ ਹੈ ਤੇ ਮਰੀਜ਼ ਨੂੰ ਸਾਹ ਲੈਣ ਵਿਚ ਦਿੱਕਤ ਹੋਣ ਲੱਗਦੀ ਹੈ।
ਵਿਟਾਮਿਨ ਡੀ ਦੇ ਕੁਝ ਹੋਰ ਫਾਇਦੇ
ਸਰੀਰ ਵਿਚ ਵਿਟਾਮਿਨ ਡੀ ਦੀ ਕਮੀ ਨਾਲ ਬਾਲ ਡ੍ਰਾਈ ਹੋ ਸਕਦੇ ਹਨ। ਬਾਲਾਂ ਨੂੰ ਮੁਲਾਇਮ ਬਣਾਉਣ ਦੇ ਲਈ ਵਿਟਾਮਿਨ ਡੀ ਦਾ ਸੇਵਨ ਬਹੁਤ ਹੀ ਜ਼ਰੂਰੀ ਹੁੰਦਾ ਹੈ। ਇਸ ਵਿਟਾਮਿਨ ਦਾ ਉਤਪਾਦਨ ਸਾਡੇ ਸਰੀਰ ਵਿਚ ਕੁਦਰਤੀ ਰੂਪ ਨਾਲ ਹੁੰਦਾ ਹੈ ਤੇ ਇਹ ਸਾਡੇ ਸਰੀਰ ਦੇ ਲਈ ਬਹੁਤ ਜ਼ਰੂਰੀ ਹੈ। ਇਸ ਦੀ ਕਮੀ ਨੂੰ ਪੂਰਾ ਕਰਨ ਦੇ ਲਈ ਅੰਡੇ ਤੇ ਮੱਛੀ ਲੋੜੀਂਦੇ ਹਨ। ਤੁਸੀਂ ਆਪਣੀ ਡਾਈਟ ਵਿਚ ਪਨੀਰ, ਟੋਫੂ, ਸੋਇਆ ਦੁੱਧ ਤੇ ਮਸ਼ਰੂਮ ਨੂੰ ਜ਼ਰੂਰ ਸ਼ਾਮਲ ਕਰੋ।
ਕੁਆਰੰਟੀਨ ਦੇ ਨਾਂ 'ਤੇ ਕੀ ਕਰ ਰਿਹੈ ਚੀਨ, ਇਨ੍ਹਾਂ ਫਾਈਟਰਜ਼ ਦਾ ਨਹੀਂ ਲੱਗਾ ਕੋਈ ਪਤਾ
NEXT STORY 
