ਮੁੰਬਈ— ਸਸਤੀ ਉਡਾਨ ਸੇਵਾ ਦੇਣ ਵਾਲੀ ਨਿਜੀ ਏਅਰਲਾਈਨ ਗੋ ਏਅਰ ਨੇ ਛੋਟੀ ਮਿਆਦ ਲਈ ਵਿਸ਼ੇਸ਼ ਯੋਜਨਾ ਤਹਿਤ 1,299 ਰੁਪਏ ਦੀ ਹਵਾਈ ਯਾਤਰਾ ਦੀ ਪੇਸ਼ਕਸ਼ ਕੀਤੀ ਹੈ। 24 ਜੂਨ ਤੋਂ 30 ਸਤੰਬਰ ਵਿਚਾਲੇ ਇਸ ਯੋਜਨਾ ਅਧੀਨ ਯਾਤਰਾ ਕੀਤੀ ਜਾ ਸਕੇਗੀ।
ਅੱਜ ਤੋਂ ਸ਼ੁਰੂ ਹੋਵੇਗਾ ਮਾਨਸੂਨ ਸੇਲ
ਕੰਪਨੀ ਨੇ ਇਕ ਨੋਟਿਸ 'ਚ ਦੱਸਿਆ ਕਿ ਉਸ ਦੀ 3 ਦਿਨ ਦੀ 'ਮਾਨਸੂਨ ਸੇਲ' ਸੋਮਵਾਰ ਦੇਰ ਰਾਤ ਸ਼ੁਰੂ ਹੋਈ। ਇਸ ਦੇ ਅਧੀਨ ਉਸ ਦੇ ਨੈੱਟਵਰਕ 'ਚ ਕਿਸੇ ਲਈ ਵੀ ਇਕ ਇਕ ਪਾਸੇ ਦੀ ਯਾਤਰਾ ਦਾ ਟਿਕਟ ਬੁੱਕ ਕਰਾਇਆ ਜਾ ਸਕਦਾ ਹੈ। ਜੁਲਾਈ ਮਹੀਨੇ 'ਚ ਲੋਕ ਯਾਤਰਾ ਘੱਟ ਕਰਦੇ ਹਨ ਇਸ ਲਈ ਇਸ ਨੂੰ ਕਾਰੋਬਾਰ ਦ੍ਰਿਸ਼ਟੀ ਤੋਂ ਹਲਕਾ ਮੌਸਮ ਮੰਨਿਆ ਜਾਂਦਾ ਹੈ। ਅਜਿਹੇ 'ਚ ਘਰੇਲੂ ਜਹਾਜ਼ ਕੰਪਨੀਆਂ ਸਸਤੇ ਕਿਰਾਏ 'ਤੇ ਯਾਤਰਾ ਦੀ ਪੇਸ਼ਕਸ਼ ਕਰਦੀਆਂ ਹਨ।
ਵੱਖਰੇ-ਵੱਖਰੇ ਰੂਟ 'ਤੇ ਅਲੱਗ ਕਿਰਾਇਆ
ਇਸ ਦੇ ਅਧੀਨ ਕੰਪਨੀ ਦੇ ਸੰਚਾਲਨ 'ਚ ਟਿਕਟ ਬੁਕ ਕਰਾਈ ਜਾ ਸਕਦੀ ਹੈ। ਕੰਪਨੀ ਨੇ ਕਿਹਾ ਕਿ ਇਸ ਪੇਸ਼ਕਸ਼ ਅਧੀਨ ਉਸ ਦੇ ਨੈੱਟਵਰਕ 'ਤੇ ਸਾਰੇ ਮਾਰਗਾਂ 'ਤੇ ਰੁਕ ਕੇ ਜਾਣ ਵਾਲੀਆਂ ਉਡਾਨਾਂ ਲਈ ਟਿਕਟ ਬੁਕ ਕਰਾਈ ਜਾ ਸਕਦੀ ਹੈ। ਹਾਲਾਂਕਿ ਇਸ ਪੇਸ਼ਕਸ਼ ਅਧੀਨ ਬੁਕ ਕੀਤੀਆਂ ਜਾਣ ਵਾਲੀਆਂ ਟਿਕਟਾਂ ਨੂੰ ਰੱਦ ਕਰਨ 'ਤੇ ਟੈਕਸ ਅਤੇ ਫੀਸ ਛੱਡ ਕੇ ਕੁੱਝ ਹੋਰ ਵਾਪਸ ਨਹੀਂ ਹੋਵੇਗਾ। ਹਾਲਾਂਕਿ ਕਿਰਾਏ 'ਚ ਥੋੜਾ ਅੰਤਰ ਹੋ ਸਕਦਾ ਹੈ।
ਕਾਰ ਤੇ ਟਰੈਕਟਰ-ਟਰਾਲੀ ’ਚ ਟੱਕਰ, 4 ਜ਼ਖ਼ਮੀ
NEXT STORY 
