ਵੈੱਬ ਡੈਸਕ - ਅਜੋਕੇ ਸਮੇਂ 'ਚ ਪ੍ਰਦੂਸ਼ਣ ਅਤੇ ਵਿਗੜਦੀ ਜੀਵਨਸ਼ੈਲੀ ਕਾਰਨ ਚਿਹਰੇ ਦੀ ਕੁਦਰਤੀ ਚਮਕ ਗਾਇਬ ਹੁੰਦੀ ਜਾ ਰਹੀ ਹੈ। ਬਾਜ਼ਾਰ 'ਚ ਮਿਲਣ ਵਾਲੇ ਮਹਿੰਗੇ ਅਤੇ ਕੈਮੀਕਲ ਯੁਕਤ ਪ੍ਰੋਡਕਟਸ ਕਈ ਵਾਰ ਫਾਇਦੇ ਦੀ ਬਜਾਏ ਨੁਕਸਾਨ ਪਹੁੰਚਾਉਂਦੇ ਹਨ। ਅਜਿਹੇ 'ਚ 'ਐਲੋਵੇਰਾ ਜੈੱਲ' ਇਕ ਅਜਿਹਾ ਕੁਦਰਤੀ ਤੋਹਫ਼ਾ ਹੈ, ਜੋ ਤੁਹਾਡੀ ਸਕਿਨ ਦੀਆਂ ਕਈ ਸਮੱਸਿਆਵਾਂ ਨੂੰ ਜੜ੍ਹ ਤੋਂ ਖਤਮ ਕਰਕੇ ਬੇਦਾਗ ਨਿਖਾਰ ਲਿਆ ਸਕਦਾ ਹੈ।
ਸਕਿਨ ਲਈ ਐਲੋਵੇਰਾ ਦੇ ਬੇਮਿਸਾਲ ਫਾਇਦੇ :-
ਕੁਦਰਤੀ ਮਾਇਸਚੁਰਾਈਜ਼ਰ
- ਐਲੋਵੇਰਾ 'ਚ ਭਰਪੂਰ ਮਾਤਰਾ 'ਚ ਪਾਣੀ ਹੁੰਦਾ ਹੈ, ਜੋ ਸਕਿਨ ਨੂੰ ਬਿਨਾਂ ਚਿਪਚਿਪਾ ਕੀਤੇ ਹਾਈਡ੍ਰੇਟ ਰੱਖਦਾ ਹੈ। ਇਹ ਖੁਸ਼ਕ ਅਤੇ ਤੇਲਯੁਕਤ (Oily), ਦੋਵਾਂ ਤਰ੍ਹਾਂ ਦੀ ਸਕਿਨ ਲਈ ਬਹੁਤ ਫਾਇਦੇਮੰਦ ਹੈ।
ਕਿੱਲ-ਮੁਹਾਂਸਿਆਂ ਤੋਂ ਛੁਟਕਾਰਾ
- ਐਲੋਵੇਰਾ 'ਚ ਐਂਟੀ-ਬੈਕਟੀਰੀਅਲ ਅਤੇ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ। ਇਹ ਚਿਹਰੇ 'ਤੇ ਹੋਣ ਵਾਲੇ ਕਿੱਲ-ਮੁਹਾਂਸਿਆਂ ਨੂੰ ਘੱਟ ਕਰਦਾ ਹੈ ਅਤੇ ਉਨ੍ਹਾਂ ਦੇ ਦਾਗ-ਧੱਬਿਆਂ ਨੂੰ ਮਿਟਾਉਣ 'ਚ ਮਦਦ ਕਰਦਾ ਹੈ।
ਵਧਦੀ ਉਮਰ ਦੇ ਪ੍ਰਭਾਵ ਨੂੰ ਰੋਕਣਾ
- ਇਸ 'ਚ ਵਿਟਾਮਿਨ C ਅਤੇ E ਭਰਪੂਰ ਹੁੰਦੇ ਹਨ, ਜੋ ਚਿਹਰੇ ਦੀਆਂ ਝੁਰੜੀਆਂ ਨੂੰ ਘਟਾਉਂਦੇ ਹਨ ਅਤੇ ਚਮੜੀ 'ਚ ਲਚਕੀਲਾਪਣ ਬਣਾਏ ਰੱਖਦੇ ਹਨ।
ਸਨਬਰਨ ਅਤੇ ਜਲਣ ਤੋਂ ਰਾਹਤ
- ਧੁੱਪ ਕਾਰਨ ਝੁਲਸੀ ਹੋਈ ਚਮੜੀ 'ਤੇ ਐਲੋਵੇਰਾ ਜੈੱਲ ਲਗਾਉਣ ਨਾਲ ਤੁਰੰਤ ਠੰਢਕ ਮਿਲਦੀ ਹੈ ਅਤੇ ਲਾਲੀ ਦੂਰ ਹੁੰਦੀ ਹੈ।
ਲਗਾਉਣ ਦਾ ਸਹੀ ਤਰੀਕਾ :-
ਰਾਤ ਨੂੰ ਸੌਣ ਵੇਲੇ
- ਰਾਤ ਨੂੰ ਚਿਹਰਾ ਧੋ ਕੇ ਐਲੋਵੇਰਾ ਜੈੱਲ ਦੀ ਹਲਕੀ ਪਰਤ ਲਗਾਓ। ਸਵੇਰੇ ਉੱਠ ਕੇ ਸਾਦੇ ਪਾਣੀ ਨਾਲ ਧੋ ਲਓ, ਇਸ ਨਾਲ ਚਿਹਰੇ 'ਤੇ ਗਲੋਅ ਆਵੇਗਾ।
ਫੇਸ ਪੈਕ ਵਜੋਂ
- ਐਲੋਵੇਰਾ ਜੈੱਲ 'ਚ ਇਕ ਚੁਟਕੀ ਹਲਦੀ ਜਾਂ ਗੁਲਾਬ ਜਲ ਮਿਲਾ ਕੇ 15 ਮਿੰਟ ਲਈ ਲਗਾਓ ਅਤੇ ਫਿਰ ਧੋ ਲਓ।
ਸਾਵਧਾਨੀ :-
- ਹਾਲਾਂਕਿ ਐਲੋਵੇਰਾ ਕੁਦਰਤੀ ਹੈ, ਪਰ ਸਿੱਧਾ ਪੌਦੇ ਤੋਂ ਜੈੱਲ ਵਰਤਣ ਸਮੇਂ ਇਸ ਦਾ ਪੀਲਾ ਹਿੱਸਾ (ਲੇਟੈਕਸ) ਕੱਢ ਦਿਓ, ਕਿਉਂਕਿ ਇਸ ਨਾਲ ਖਾਰਸ਼ ਹੋ ਸਕਦੀ ਹੈ। ਵਰਤੋਂ ਤੋਂ ਪਹਿਲਾਂ 'ਪੈਚ ਟੈਸਟ' ਜ਼ਰੂਰ ਕਰੋ।
ਘਰ 'ਚ ਟਮਾਟਰ ਦੀ ਚਟਨੀ ਬਣਾਉਣ ਦਾ ਕੀ ਹੈ ਸਹੀ ਤਰੀਕਾ
NEXT STORY 
