ਨਵੀਂ ਦਿੱਲੀ—ਪਨੀਰ ਖਾਣਾ ਸਭ ਨੂੰ ਪਸੰਦ ਹੁੰਦਾ ਹੈ। ਖ਼ਾਸ ਕਰਕੇ ਬੱਚੇ ਇਸ ਨੂੰ ਬਹੁਤ ਖ਼ੁਸ ਹੋ ਕੇ ਖਾਂਦੇ ਹਨ। ਪਨੀਰ ਨੂੰ ਕਈ ਤਰੀਕਿਆਂ ਨਾਲ ਬਣਾਇਆ ਜਾਂਦਾ ਹੈ ਜਿਵੇਂ ਕਿ ਸ਼ਾਹੀ ਪਨੀਰ, ਮਟਰ ਪਨੀਰ ਅਤੇ ਪਨੀਰ ਦੀ ਭੁਰਜੀ। ਪਨੀਰ ਦੀ ਭੁਰਜੀ ਖਾਣ ਵਿਚ ਬੇਹੱਦ ਸੁਆਦ ਹੁੰਦੀ ਹੈ ਅਤੇ ਇਸ ਨੂੰ ਬਣਾਉਣ ਵਿਚ ਜ਼ਿਆਦਾ ਸਮਾਂ ਵੀ ਨਹੀਂ ਲੱਗਦਾ ਤਾਂ ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਵਿਧੀ ਦੇ ਬਾਰੇ 'ਚ...
ਇਹ ਵੀ ਪੜ੍ਹੋ:Beauty Tips: ਚਿਹਰੇ ਦੀ ਖ਼ੂਬਸੂਰਤੀ ਵਧਾਉਣ ਦੇ ਨਾਲ-ਨਾਲ ਵਾਲ਼ਾਂ ਲਈ ਵੀ ਲਾਹੇਵੰਦ ਹੈ ਗੁਲਾਬ ਜਲ
ਸਮਗੱਰੀ
ਪਨੀਰ- 200 ਗ੍ਰਾਮ
ਤੇਲ- 1 ਚਮਚਾ
ਜੀਰਾ- 1 ਚਮਚਾ
ਗੰਢੇ- 50 ਗ੍ਰਾਮ (ਕੱਟੇ ਹੋਏ)
ਅਦਰਕ ਅਤੇ ਲਸਣ ਪੇਸਟ - 1 ਚਮਚਾ
ਹਲਦੀ- 1/2 ਚਮਚਾ
ਲੂਣ- 1/2 ਚਮਚਾ
ਲਾਲ ਮਿਰਚ- 3/4 ਚਮਚਾ
ਟਮਾਟਰ- 100 ਗ੍ਰਾਮ (ਕੱਟੇ ਹੋਏ)
ਹਰੀ ਮਿਰਚ- 1 ਚਮਚਾ
ਗਰਮ ਮਸਾਲਾ- 1 ਚਮਚਾ
ਬਣਾਉਣ ਦੀ ਵਿਧੀ
1. ਸਭ ਤੋਂ ਪਹਿਲਾਂ ਇਕ ਕੌਲੀ 'ਚ ਵਿਚ ਪਨੀਰ ਪਾ ਕੇ ਉਸ ਨੂੰ ਕਦੂਕਸ ਕਰ ਲਓ।
2. ਫਿਰ ਇਕ ਪੈਨ ਵਿਚ ਤੇਲ ਪਾ ਕੇ ਘੱਟ ਗੈਸ 'ਤੇ ਗਰਮ ਕਰੋ। ਉਸ ਵਿਚ ਜੀਰਾ, ਅਦਰਕ-ਲਸਣ ਪੇਸਟ ਪਾ ਕੇ ਫ੍ਰਾਈ ਕਰੋ।
3. ਫਿਰ ਇਸ ਵਿਚ ਗੰਢੇ ਪਾਓ ਅਤੇ ਭੂਰੇ ਹੋਣ ਤੱਕ ਫਰਾਈ ਕਰੋ। ਗੰਢੇ ਦਾ ਰੰਗ ਭੂਰਾ ਹੋਣ 'ਤੇ ਇਸ ਵਿਚ ਲੂਣ, ਹਲਦੀ ਅਤੇ ਲਾਲ ਮਿਰਚ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਲਾਓ।
4. ਇਸ ਵਿਚ ਫਿਰ ਟਮਾਟਰ, ਹਰੀ ਮਿਰਚ ਅਤੇ ਗਰਮ ਮਸਾਲਾ ਪਾ ਕੇ ਚੰਗੀ ਤਰ੍ਹਾਂ ਨਾਲ ਪਕਾਓ। ਫਿਰ ਇਸ ਵਿਚ ਕਦੂਕਸ ਕੀਤੇ ਹੋਏ ਪਨੀਰ ਨੂੰ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰੋ।
5. ਪਨੀਰ ਭੁਰਜੀ ਬਣ ਕੇ ਤਿਆਰ ਹੈ। ਇਸ ਨੂੰ ਧਨੀਏ ਨਾਲ ਗਾਰਨਿਸ਼ ਕਰੋ ਅਤੇ ਰੋਟੀ ਜਾਂ ਨਾਨ ਨਾਲ ਖਾਓ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
Beauty Tips : ‘ਫਟੀਆਂ ਅੱਡੀਆਂ’ ਤੋਂ ਪਰੇਸ਼ਾਨ ਲੋਕਾਂ ਲਈ ਖ਼ਾਸ ਖ਼ਬਰ, ਘਰੇਲੂ ਨੁਸਖ਼ਿਆਂ ਰਾਹੀਂ ਇੰਝ ਪਾਓ ਰਾਹਤ
NEXT STORY 
