ਵੈੱਬ ਡੈਸਕ- ਇੰਡੀਅਨ ਡਰੈੱਸ ਦੀ ਦੁਨੀਆ ’ਚ ਲਹਿੰਗਾ ਚੋਲੀ ਦਾ ਕ੍ਰੇਜ਼ ਕਦੇ ਘੱਟ ਨਹੀਂ ਹੁੰਦਾ। ਮੁਟਿਆਰਾਂ ਅਤੇ ਔਰਤਾਂ ਦੀ ਫੇਵਰੇਟ ਇਸ ਡਰੈੱਸ ’ਚ ਸਮੇਂ ਦੇ ਨਾਲ ਨਵੇਂ-ਨਵੇਂ ਬਦਲਾਅ ਆਉਂਦੇ ਰਹੇ ਹਨ। ਅੱਜ ਮਾਰਕੀਟ ’ਚ ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨ, ਕੱਟ ਅਤੇ ਵਰਕ ਵਾਲੇ ਲਹਿੰਗੇ ਮਿਲ ਰਹੇ ਹਨ ਪਰ ਹੈਵੀ ਵਰਕ ਵਾਲੇ ਲਹਿੰਗਾ ਚੋਲੀ ਦਾ ਜਾਦੂ ਸਭ ਤੋਂ ਵੱਖਰਾ ਹੈ। ਇਹੀ ਵਜ੍ਹਾ ਹੈ ਕਿ ਬਦਲਦੇ ਫੈਸ਼ਨ ਦਰਮਿਆਨ ਵੀ ਮੁਟਿਆਰਾਂ ਲਹਿੰਗਾ ਚੋਲੀ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕਰਦੀਆਂ ਹਨ। ਹੈਵੀ ਵਰਕ ਵਾਲੇ ਲਹਿੰਗੇ ਨਾ ਸਿਰਫ਼ ਉਨ੍ਹਾਂ ਨੂੰ ਅਟ੍ਰੈਕਟਿਵ ਅਤੇ ਸਟਾਈਲਿਸ਼ ਬਣਾਉਂਦੇ ਹਨ, ਸਗੋਂ ਰਾਇਲ ਲੁੱਕ ਵੀ ਦਿੰਦੇ ਹਨ।
ਅੱਜਕੱਲ ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਆਫ਼ਿਸ ’ਚ ਕੰਮ ਕਰਨ ਵਾਲੀਆਂ ਮੁਟਿਆਰਾਂ ਤੱਕ ’ਚ ਹੈਵੀ ਵਰਕ ਲਹਿੰਗੇ ਦਾ ਕ੍ਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਮਾਰਕੀਟ ’ਚ ਗੋਲਡਨ ਵਰਕ, ਸਿਲਵਰ ਵਰਕ, ਮਿਰਰ ਵਰਕ, ਸਟੋਨ ਵਰਕ, ਬੀਡਸ ਅਤੇ ਐਂਬ੍ਰਾਇਡਰੀ ਵਾਲੇ ਲਹਿੰਗੇ ਧੁੰਮਾਂ ਮਚਾ ਰਹੇ ਹਨ। ਕੁਝ ਲਹਿੰਗਿਆਂ ’ਤੇ ਜ਼ਰੀ ਦਾ ਬਾਰੀਕ ਵਰਕ ਹੁੰਦਾ ਹੈ ਤੇ ਕੁਝ ’ਤੇ ਮਲਟੀਕਲਰ ਥ੍ਰੈੱਡ ਵਰਕ ਨਾਲ ਪੂਰੀ ਕਹਾਣੀ ਬੁਣੀ ਜਾਂਦੀ ਹੈ। ਥ੍ਰੈੱਡ ਵਰਕ ਵਾਲੇ ਲਹਿੰਗੇ ਵੀ ਅੱਜਕੱਲ ਖ਼ੂਬ ਟ੍ਰੈਂਡ ’ਚ ਹਨ ਕਿਉਂਕਿ ਇਹ ਲੁੱਕ ਨੂੰ ਐਲੀਗੈਂਟ ਅਤੇ ਗ੍ਰੇਸਫੁਲ ਬਣਾਉਂਦੇ ਹਨ। ਰੈੱਡ, ਮਰੂਨ, ਪਿੰਕ, ਬੌਟਲ ਗ੍ਰੀਨ, ਰਾਇਲ ਬਲਿਊ ਵਰਗੇ ਰੰਗਾਂ ’ਚ ਗੋਲਡਨ-ਸਿਲਵਰ ਵਰਕ ਵਾਲੇ ਲਹਿੰਗੇ ਸਭ ਤੋਂ ਜ਼ਿਆਦਾ ਵਿਕ ਰਹੇ ਹਨ।
ਹੈਵੀ ਵਰਕ ਵਾਲੇ ਲਹਿੰਗੇ ਹਰ ਮੌਕੇ ’ਤੇ ਪਰਫੈਕਟ ਲੱਗਦੇ ਹਨ। ਵਿਆਹ, ਮੰਗਣੀ, ਸੰਗੀਤ, ਰਿਸੈਪਸ਼ਨ, ਵੈਡਿੰਗ ਪਾਰਟੀ ਜਾਂ ਬਰਥਡੇ ਸੈਲੀਬ੍ਰੇਸ਼ਨ ਹਰ ਜਗ੍ਹਾ ਇਹ ਰਾਇਲ ਵਾਈਬ ਦਿੰਦੇ ਹਨ। ਵਿਆਹ ਦੇ ਸੀਜ਼ਨ ’ਚ ਤਾਂ ਮੁਟਿਆਰਾਂ ਚੋਲੀ ’ਤੇ ਡੀਪ ਨੈੱਕ, ਬੈਕਲੈੱਸ ਜਾਂ ਫੁੱਲ ਸਲੀਵਜ਼ ਪੈਟਰਨ ਦੇ ਨਾਲ ਹੈਵੀ ਘੇਰੇ ਵਾਲੇ ਲਹਿੰਗੇ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕਰ ਰਹੀਆਂ ਹਨ। ਲਹਿੰਗੇ ਦਾ ਘੇਰਾ ਜਿੰਨਾ ਜ਼ਿਆਦਾ ਹੋਵੇ, ਉਹ ਓਨੀ ਹੀ ਰਾਇਲ ਲੁੱਕ ਦਿੰਦਾ ਹੈ।
ਸਟਾਈਲਿੰਗ ਦੀ ਗੱਲ ਕਰੀਏ ਤਾਂ ਲਹਿੰਗਾ ਚੋਲੀ ਦੇ ਨਾਲ ਜਿਊਲਰੀ ਦਾ ਰੋਲ ਸਭ ਤੋਂ ਅਹਿਮ ਹੈ। ਕੋਈ ਮੁਟਿਆਰ ਲਾਈਟ ਕੁੰਦਨ ਸੈੱਟ ਦੇ ਨਾਲ ਲੁੱਕ ਕੰਪਲੀਟ ਕਰ ਰਹੀ ਹੈ ਤਾਂ ਕੋਈ ਹੈਵੀ ਚੋਕਰ, ਝੁਮਕੇ ਅਤੇ ਮਾਂਗਟਿੱਕਾ ਦੇ ਨਾਲ ਰਾਇਲ ਅੰਦਾਜ਼ ਅਪਣਾ ਰਹੀ ਹੈ। ਅਸੈਸਰੀਜ਼ ’ਚ ਪੋਟਲੀ ਬੈਗ ਅਤੇ ਕਲੱਚ ਅੱਜਕੱਲ ਲਹਿੰਗੇ ਦੇ ਨਾਲ ਮਸਟ ਹੈ। ਗੋਲਡਨ, ਸਿਲਵਰ ਜਾਂ ਲਹਿੰਗੇ ਨਾਲ ਮੈਚ ਕਰਦਾ ਪੋਟਲੀ ਬੈਗ ਪੂਰੀ ਲੁੱਕ ਨੂੰ ਬੈਲੈਂਸ ਕਰਦਾ ਹੈ। ਫੁੱਟਵੀਅਰ ’ਚ ਮੁਟਿਆਰਾਂ ਸਿਲਵਰ ਅਤੇ ਗੋਲਡਨ ਹਾਈ ਹੀਲਜ਼ ਸੈਂਡਲ ਨੂੰ ਚੁਣ ਰਹੀਆਂ ਹਨ, ਜੋ ਹਾਈਟ ਦੇ ਨਾਲ-ਨਾਲ ਗ੍ਰੇਸ ਵੀ ਵਧਾਉਂਦੇ ਹਨ। ਹੇਅਰ ਸਟਾਈਲ ਵੀ ਲਹਿੰਗੇ ਦੀ ਲੁੱਕ ਨੂੰ ਨਿਖਾਰਦੀ ਹੈ। ਕੋਈ ਜੂੜਾ ਬਣਾ ਕੇ ਟ੍ਰੈਡੀਸ਼ਨਲ ਲੁੱਕ ਲੈ ਰਹੀ ਹੈ ਤੇ ਕੋਈ ਓਪਨ ਵੇਵਜ਼ ਜਾਂ ਸਾਈਡ ਬ੍ਰੇਡ ਦੇ ਨਾਲ ਮਾਡਰਨ ਟੱਚ ਦੇ ਰਹੀ ਹੈ। ਮੱਥੇ ’ਤੇ ਛੋਟੀ ਬਿੰਦੀ ਅਤੇ ਹਲਕਾ ਮੇਕਅੱਪ ਲੁੱਕ ਨੂੰ ਹੋਰ ਕੰਪਲੀਟ ਕਰਦਾ ਹੈ। ਫੈਸ਼ਨ ਬਦਲਦਾ ਹੈ, ਟ੍ਰੈਂਡ ਬਦਲਦੇ ਹਨ ਪਰ ਲਹਿੰਗਾ ਚੋਲੀ ਦੀ ਖਿੱਚ ਉਹੀ ਰਹਿੰਦੀ ਹੈ। ਖ਼ਾਸ ਕਰ ਕੇ ਹੈਵੀ ਵਰਕ ਵਾਲੇ ਲਹਿੰਗੇ ਮੁਟਿਆਰਾਂ ਨੂੰ ਹਰ ਮੌਕੇ ’ਤੇ ਕੁਈਨ ਵਰਗਾ ਫੀਲ ਕਰਵਾਉਂਦੇ ਹਨ, ਇਸ ਲਈ ਮਾਰਕੀਟ ’ਚ ਨਵੀਆਂ-ਨਵੀਆਂ ਡਿਜ਼ਾਈਨਰ ਡਰੈੱਸਾਂ ਆਉਣ ਤੋਂ ਬਾਅਦ ਵੀ ਲਹਿੰਗਾ ਚੋਲੀ ਦਾ ਕ੍ਰੇਜ਼ ਬਰਕਰਾਰ ਹੈ ਅਤੇ ਅੱਗੇ ਵੀ ਰਹੇਗਾ।
ਗੰਦੇ Hairbrush ਦੀ ਵਰਤੋਂ ਕਰਨਾ ਪੈ ਸਕਦੈ ਭਾਰੀ! ਜਾਣੋ ਕਿੰਨੇ ਬਾਅਦ ਕੰਗੀ ਨੂੰ ਧੋਣਾ ਚਾਹੀਦੈ
NEXT STORY 
