ਨਵੀਂ ਦਿੱਲੀ- ਵਿਦੇਸ਼ਾਂ 'ਚ ਹੋਣ ਵਾਲੇ ਭਾਰਤੀ ਵਿਆਹਾਂ ਲਈ 2025 'ਚ ਸ਼੍ਰੀਲੰਕਾ ਸਭ ਤੋਂ ਤੇਜ਼ੀ ਨਾਲ ਉੱਭਰਦੇ ਸਥਾਨ ਵਜੋਂ ਸਾਹਮਣੇ ਆਇਆ ਹੈ। ਇਸ ਦੀ ਲੋਕਪ੍ਰਿਯਤਾ 'ਚ 25 ਫੀਸਦੀ ਤੱਕ ਵਾਧਾ ਹੋਇਆ ਹੈ। ਇਕ ਰਿਪੋਰਟ 'ਚ ਇਹ ਕਿਹਾ ਗਿਆ। ਉੱਥੇ ਹੀ ਪੱਛਮੀ ਏਸ਼ੀਆ 'ਚ ਜਾਰੀ ਸੰਕਟ ਦੇ ਬਾਵਜੂਦ, ਭਾਰਤੀ ਜੋੜਿਆਂ ਦੇ 2026 'ਚ ਭਾਰਤੀਆਂ ਜੋੜਿਆਂ ਦੇ ਆਪਣੀਆਂ ਵਿਸ਼ੇਸ਼ ਸਮਾਰੋਹ ਯੋਜਨਾਵਾਂ 'ਚ ਵੱਡੀ ਕਟੌਤੀ ਕਰਨ ਦੀ ਸੰਭਾਵਨਾ ਘੱਟ ਹੈ। ਵਿਆਹ ਦੀ ਯੋਜਨਾ ਬਣਾਉਣ ਵਾਲੇ ਮੰਚ 'WedMeGood' ਦੀ "ਡੈਸਟੀਨੇਸ਼ਨ ਵੈਡਿੰਗ ਰਿਪੋਰਟ 2026" ਦੇ ਅਨੁਸਾਰ, ਆਸਾਨ ਪਹੁੰਚ, ਭਾਰਤ ਨਾਲ ਨੇੜਤਾ, ਸ਼ਾਨਦਾਰ ਪਰਾਹੁਣਚਾਰੀ ਸਹੂਲਤਾਂ ਅਤੇ ਯਾਦਗਾਰੀ ਅਨੁਭਵਾਂ ਵਾਲੇ ਆਯੋਜਨਾਂ ਕਾਰਨ ਸ਼੍ਰੀਲੰਕਾ ਤੇਜ਼ੀ ਨਾਲ ਇਕ ਮੁੱਖ ਵਿਆਹ ਸਥਾਨ ਵਜੋਂ ਉਭਰ ਰਿਹਾ ਹੈ।
ਰਿਪੋਰਟ 'ਚ ਅਨੁਮਾਨ ਲਗਾਇਆ ਹੈ ਕਿ ਆਉਣ ਵਾਲੇ ਸਾਲਾਂ 'ਚ ਸ਼੍ਰੀਲੰਕਾ 'ਚ ਭਾਰਤੀ ਵਿਆਹਾਂ ਲਈ ਬੁਕਿੰਗ ਸਾਲਾਨਾ 20 ਤੋਂ 25 ਫੀਸਦੀ ਵਾਧਾ ਹੋ ਸਕਦਾ ਹੈ। ਹਾਲਾਂਕਿ, ਥਾਈਲੈਂਡ ਅਜੇ ਵੀ ਭਾਰਤੀਆਂ ਲਈ ਸਭ ਤੋਂ ਪ੍ਰਸਿੱਧ ਵਿਦੇਸ਼ੀ ਵਿਆਹ ਸਥਾਨ ਬਣਿਆ ਹੋਇਆ ਹੈ। 2025 'ਚ, ਲਗਭਗ 2.5 ਮਿਲੀਅਨ ਸੈਲਾਨੀਆਂ ਦੇ ਸ਼੍ਰੀਲੰਕਾ ਆਉਣ ਦੀ ਉਮੀਦ ਹੈ, ਜੋ ਕਿ ਪਿਛਲੇ ਸਾਲ ਨਾਲੋਂ 16 ਫੀਸਦੀ ਵੱਧ ਹੈ। ਇਹ ਰਿਪੋਰਟ 'WedMeGood' ਦੇ ਉਪਭੋਗਤਾ ਅਤੇ ਉਦਯੋਗ ਨੈੱਟਵਰਕ ਰਾਹੀਂ ਕੀਤੇ ਗਏ ਇੱਕ ਸਰਵੇਖਣ 'ਤੇ ਅਧਾਰਤ ਹੈ, ਜਿਸ 'ਚ ਲਗਭਗ 2.5 ਲੱਖ ਉਪਭੋਗਤਾਵਾਂ ਅਤੇ ਲਗਭਗ 24,000 ਵਿਆਹ ਉਦਯੋਗ ਨਾਲ ਜੁੜੇ ਪੇਸ਼ੇਵਰਾਂ ਅਤੇ ਸੇਵਾ ਪ੍ਰਦਾਤਾਵਾਂ ਨੂੰ ਸ਼ਾਮਲ ਕੀਤਾ ਗਿਆ।
ਸ਼ਾਂਗਰੀ-ਲਾ ਕੋਲੰਬੋ ਅਤੇ ਸ਼ਾਂਗਰੀ-ਲਾ ਹੰਬਨਟੋਟਾ ਲਈ ਖੇਤਰੀ ਸੰਚਾਰ ਨਿਰਦੇਸ਼ਕ, ਚੇਰੰਕਾ ਮੈਂਡਿਸ ਨੇ ਦੱਸਿਆ ਕਿ ਸ਼੍ਰੀਲੰਕਾ ਹੁਣ ਸਿਰਫ਼ ਇਕ ਉੱਭਰਦਾ ਵਿਕਲਪ ਨਹੀਂ ਰਹਿ ਗਿਆ ਹੈ, ਸਗੋਂ ਭਾਰਤੀ ਜੋੜਿਆਂ ਲਈ ਇਕ ਪ੍ਰਮੁੱਖ ਘੱਟ ਦੂਰੀ ਦੇ ਲਗਜ਼ਰੀ ਵਿਆਹ ਸਥਾਨ ਵਜੋਂ ਆਪਣੇ ਆਪ ਨੂੰ ਸਥਾਪਿਤ ਕਰ ਰਿਹਾ ਹੈ। WedMeGood ਦੇ ਅਨੁਸਾਰ, ਸ਼੍ਰੀਲੰਕਾ ਟੂਰਿਜ਼ਮ ਡਿਵੈਲਪਮੈਂਟ ਅਥਾਰਟੀ ਦੇ ਅੰਕੜਿਆਂ ਅਨੁਸਾਰ ਸ਼੍ਰੀਲੰਕਾ ਆਉਣ ਵਾਲੇ ਭਾਰਤੀ ਸੈਲਾਨੀਆਂ ਦੀ ਗਿਣਤੀ 2023 'ਚ 302,844 ਸੀ ਜੋ 2024 'ਚ ਵੱਧ ਕੇ 416,974 ਹੋ ਗਈ ਅਤੇ 2025 ਨਚ 530,000 ਤੋਂ ਵੱਧ ਪਹੁੰਚ ਗਈ।
WedMeGood ਦੇ ਅਨੁਸਾਰ, ਸ਼੍ਰੀਲੰਕਾ ਅਤੇ ਥਾਈਲੈਂਡ ਤੋਂ ਇਲਾਵਾ ਇੰਡੋਨੇਸ਼ੀਆ ਦਾ ਬਾਲੀ, ਵੀਅਤਨਾਮ ਅਤੇ ਮਲੇਸ਼ੀਆ ਭਾਰਤੀ ਵਿਆਹਾਂ ਲਈ ਚੋਟੀ ਦੇ ਅੰਤਰਰਾਸ਼ਟਰੀ ਸਥਾਨ ਸਨ। ਭਾਰਤ 'ਚ ਵਿਆਹਾਂ ਲਈ ਦੇਹਰਾਦੂਨ, ਮਸੂਰੀ, ਰਿਸ਼ੀਕੇਸ਼, ਸ਼ਿਮਲਾ ਅਤੇ ਜਿਮ ਕਾਰਬੇਟ ਚੋਟੀ ਦੇ ਪੰਜ ਸਥਾਨਾਂ 'ਚ ਸ਼ਾਮਲ ਰਹੇ। ਇਸ ਤੋਂ ਬਾਅਦ ਉਦੈਪੁਰ, ਜੈਪੁਰ, ਜੈਸਲਮੇਰ, ਜੋਧਪੁਰ ਅਤੇ ਗੋਆ ਦਾ ਸਥਾਨ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
PM ਲਈ ਹਮੇਸ਼ਾ 'ਖਾਵਾਂਗਾ, ਖਾਣ ਦੇਵਾਂਗਾ ਅਤੇ ਖੁਆਵਾਂਗਾ' ਵਾਲੀ ਸਥਿਤੀ ਰਹੀ : ਜੈਰਾਮ ਰਮੇਸ਼
NEXT STORY 
