ਨਵੀਂ ਦਿੱਲੀ— ਜਨਮ ਦੇ ਬਾਅਦ ਬੱਚਾ 6 ਮਹੀਨਿਆਂ ਤਕ ਮਾਂ ਦੇ ਦੁੱਧ 'ਤੇ ਹੀ ਨਿਰਭਰ ਹੁੰਦਾ ਹੈ ਪਰ ਨਵੀਂ ਮਾਂਵਾ ਨੂੰ ਬ੍ਰੈਸਟਫੀਡਿੰਗ ਦੇ ਸਮੇਂ ਕਈ ਸਮੱਸਿਆਵਾਂ ਆਉਂਦੀਆਂ ਹਨ ਕਿਉਂਕਿ ਉਨ੍ਹਾਂ ਨੂੰ ਇਸ ਨਾਲ ਜੁੜੀਆਂ ਕਈ ਗੱਲਾਂ ਬਾਰੇ ਜਾਣਕਾਰੀ ਨਹੀਂ ਹੁੰਦੀ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਬ੍ਰੈਸਟਫੀਡਿੰਗ ਨਾਲ ਜੁੜੇ ਕੁੱਝ ਸਵਾਲਾਂ ਦੇ ਜਵਾਬ ਦੇਣ ਜਾ ਰਹੇ ਹਾਂ, ਜੋ ਅਕਸਰ ਨਵੀਂਆਂ ਮੰਮੀਆਂ ਦੇ ਦਿਮਾਗ 'ਚ ਆਉਂਦੇ ਹਨ। ਚਲੋ ਜਾਣਦੇ ਹਾਂ ਬ੍ਰੈਸਟਫੀਡਿੰਗ ਨਾਲ ਜੁੜੀਆਂ ਕੁੱਝ ਖਾਸ ਗੱਲਾਂ।
1. ਬ੍ਰੈਸਟਫੀਡਿੰਗ ਕਿਉਂ ਜ਼ਰੂਰੀ ਹੈ?
ਮਾਂ ਦੇ ਦੁੱਧ 'ਚ ਅਜਿਹੇ ਕਈ ਫਾਇਦੇ ਹਨ ਜੋ ਕਿਸੇ ਵੀ ਫਾਰਮੂਲੇ ਨਾਲ ਬਣੇ ਬਾਜ਼ਾਰੀ ਦੁੱਧ 'ਚ ਨਹੀਂ ਮਿਲ ਸਕਦੇ। ਮਾਂ ਦੇ ਦੁੱਧ ਨਾਲ ਨਾ ਸਿਰਫ ਬੱਚਿਆਂ ਦਾ ਵਿਕਾਸ ਚੰਗੀ ਤਰ੍ਹਾਂ ਨਾਲ ਹੁੰਦਾ ਹੈ ਸਗੋਂ ਇਹ ਉਨ੍ਹਾਂ ਨੂੰ ਕਈ ਬੀਮਾਰੀਆਂ ਤੋਂ ਵੀ ਬਚਾਉਂਦਾ ਹੈ। ਇਸ ਲਈ ਬੱਚੇ ਨੂੰ ਬ੍ਰੈਸਟਫੀਡਿੰਗ ਕਰਵਾਉਣਾ ਬਹੁਤ ਜ਼ਰੂਰੀ ਹੁੰਦਾ ਹੈ।
2. ਬ੍ਰੈਸਟਫੀਡਿੰਗ 'ਤੇ ਦਵਾਈਆਂ ਦਾ ਸਾਈਡ ਇਫੈਕਟ
ਕੁੱਝ ਔਰਤਾਂ ਨੂੰ ਲੱਗਦਾ ਹੈ ਕਿ ਸਿਜ਼ੇਰੀਅਨ ਡਲਿਵਰੀ ਦੇ ਬਾਅਦ ਦਿੱਤੀਆਂ ਜਾਣ ਵਾਲੀਆਂ ਦਵਾਈਆਂ ਦੇ ਸਾਈਡ ਇਫੈਕਟ ਨਾਲ ਦੁੱਧ ਬਣਨ ਦੀ ਪ੍ਰਕਿਰਿਆ ਰੁਕ ਜਾਂਦੀ ਹੈ। ਇਹ ਧਾਰਨਾਂ ਬਿਲਕੁਲ ਗਲਤ ਹੈ ਕਿਉਂਕਿ ਸਿਜ਼ੇਰੀਅਨ ਡਲਿਵਰੀ ਦਾ ਲੈਕਟੇਸ਼ਨ ਨਾਲ ਕੋਈ ਸੰਬੰਧ ਨਹੀਂ ਹੈ। ਸਿਰਫ ਤੁਹਾਨੂੰ ਆਪਣੀ ਡਾਈਟ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
3. ਕੀ ਜਨਮ ਦੇ ਤੁਰੰਤ ਬਾਅਦ ਬ੍ਰੈਸਟਫੀਡਿੰਗ ਕਰਵਾਉਣਾ ਸਹੀ ਹੈ?
ਮਾਂ ਦਾ ਪਹਿਲਾ ਦੁੱਧ ਪੀਲਾ ਅਤੇ ਗਾੜਾ ਹੁੰਦਾ ਹੈ ਇਸ ਲਈ ਔਰਤਾਂ ਨੂੰ ਲੱਗਦਾ ਹੈ ਕਿ ਜਨਮ ਦੇ ਤੁਰੰਤ ਬਾਅਦ ਬੱਚੇ ਨੂੰ ਫੀਡ ਨਹੀਂ ਕਰਨਾ ਚਾਹੀਦਾ ਪਰ ਤੁਹਾਨੂੰ ਦੱਸ ਦੇਈਏ ਕਿ ਡਲਿਵਰੀ ਦੇ ਬਾਅਦ ਦਾ ਦੁੱਧ ਬੱਚੇ ਲਈ ਸਭ ਤੋਂ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। ਇਸ 'ਚ ਮੌਜੂਦ ਕੋਲੋਸਟ੍ਰਮ ਨਾਂ ਦਾ ਤੱਤ ਬੱਚੇ ਦੇ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਬਣਾਉਂਦਾ ਹੈ।
4. ਮਾਂ ਨੂੰ ਕਿਸ ਸਮੇਂ 'ਤੇ ਬ੍ਰੈਸਟਫੀਡਿੰਗ ਕਰਵਾਉਣੀ ਚਾਹੀਦਾ ਹੈ?
ਮਾਂ ਨੂੰ ਬੱਚੇ ਨੂੰ ਦੁੱਧ ਉਦੋਂ ਪਿਲਾਉਣਾ ਚਾਹੀਦਾ ਹੈ ਜਦੋਂ ਬੱਚੇ ਨੂੰ ਜ਼ਰੂਰਤ ਹੋਵੇ। ਸ਼ੁਰੂਆਤੀ ਹਫਤਿਆਂ 'ਚ ਬੱਚੇ ਨੂੰ ਹਰ ਦਿਨ ਇਕ ਤੋਂ ਦੋ ਘੰਟਿਆਂ ਤਕ ਬ੍ਰੈਸਟਫੀਡਿੰਗ ਕਰਵਾਉਣੀ ਚਾਹੀਦੀ ਹੈ। ਹੌਲੀ-ਹੌਲੀ ਬੱਚੇ ਨੂੰ ਤਿੰਨ ਘੰਟੇ ਬਾਅਦ ਦੁੱਧ ਪਿਲਾਉਣਾ ਸ਼ੁਰੂ ਕਰ ਦਿਓ।
5. ਬ੍ਰੈਸਟ ਫੀਡਿੰਗ ਵਧਾਉਣ ਲਈ ਕੀ ਕਰੀਏ?
ਬ੍ਰੈਸਟ ਮਿਲਕ ਵਧਾਉਣ ਲਈ ਸਭ ਤੋਂ ਪਹਿਲਾਂ ਤਾਂ ਤੁਹਾਨੂੰ ਪੂਰੀ ਤਰ੍ਹਾਂ ਨਾਲ ਆਰਾਮ ਕਰਨਾ ਚਾਹੀਦਾ ਹੈ ਜ਼ਿਆਦਾ ਤੋਂ ਜ਼ਿਆਦਾ ਪਾਣੀ ਪੀਓ ਅਤੇ ਨਾਰਮਲ ਡਾਈਟ ਲਓ। ਇਸ ਤੋਂ ਇਲਾਵਾ ਬੱਚੇ ਨੂੰ ਥੋੜ੍ਹੇ-ਥੋੜ੍ਹੇ ਸਮੇਂ 'ਤੇ ਫੀਡ ਕਰਵਾਉਂਦੇ ਰਹੋ ਕਿਉਂਕਿ ਬ੍ਰੈਸਟ ਜਿੰਨੀ ਜ਼ਿਆਦਾ ਖਾਲੀ ਹੋਵੇਗੀ ਓਨਾ ਹੀ ਜ਼ਿਆਦਾ ਬ੍ਰੈਸਟਮਿਲਕ ਬਣੇਗਾ।
ਹਾਈ ਹੀਲਸ ਨਹੀਂ ਪਸੰਦ ਤਾਂ ਟ੍ਰਾਈ ਕਰੋਂ ਇਹ ਪੰਜਾਬੀ ਜੁੱਤੀਆਂ
NEXT STORY 
