ਗੁਰਦਾਸਪੁਰ(ਵਿਨੋਦ): ਜ਼ਿਲ੍ਹਾ ਗੁਰਦਾਸਪੁਰ ਜੁਗਾੜੂ ਵਾਹਨਾਂ ਦਾ ਰੁਝਾਨ ਬਹੁਤ ਹੀ ਜ਼ੋਰਾਂ ’ਤੇ ਹੈ। ਜੇਕਰ ਸਵੇਰੇ ਸਥਾਨਕ ਸਬਜ਼ੀ ਮੰਡੀ ਦਾ ਹੀ ਦੌਰਾ ਕੀਤਾ ਜਾਵੇ ਤਾਂ ਉਥੇ 100 ਤੋਂ ਜ਼ਿਆਦਾ ਜੁਗਾੜੂ ਵਾਹਨ ਖੜ੍ਹੇ ਮਿਲ ਜਾਂਦੇ ਹਨ, ਜਦਕਿ ਸ਼ਹਿਰ ਗੁਰਦਾਸਪੁਰ ’ਚ ਹੀ 50 ਤੋਂ ਜ਼ਿਆਦਾ ਜੁਗਾੜੂ ਵਾਹਨ ਸੜਕਾਂ ’ਤੇ ਖੜ੍ਹੇ ਮਿਲਦੇ ਹਨ ਪਰ ਹੁਣ ਪੁਲਸ ਨੇ ਇਹ ਜੁਗਾੜੂ ਵਾਹਨ ਬਣਾਉਣ ਵਾਲਿਆਂ ਅਤੇ ਚਲਾਉਣ ਵਾਲਿਆਂ ’ਤੇ ਆਪਣਾ ਸ਼ਿਕੰਜ਼ਾ ਕੱਸਣਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਜੁਗਾੜੂ ਵਾਹਨ ਬਣਾਉਣ ਵਾਲੇ ਲੋਕ ਕਿਤੋਂ ਇਕ ਪੁਰਾਣਾ ਮੋਟਰਸਾਈਕਲ ਲੈ ਲੈਂਦੇ ਹਨ, ਜੋ 10 ਤੋਂ 15 ਸਾਲ ਪੁਰਾਣਾ ਹੁੰਦਾ ਹੈ ਜਾਂ ਇਕ ਲਕੜੀ ਦਾ ਰੇਹੜਾ ਬਣਾ ਕੇ ਉਸ ’ਤੇ ਇਕ ਪੁਰਾਣਾ ਜਨਰੇਟਰ ਫਿੱਟ ਕਰ ਦਿੱਤਾ ਜਾਂਦਾ ਹੈ। ਇਹ ਦੋਵੇਂ ਹੀ ਜੁਗਾੜੂ ਵਾਹਨਾਂ ’ਤੇ 5 ਤੋਂ 10 ਕੁਇੰਟਲ ਤੱਕ ਸਾਮਾਨ ਢੋਇਆ ਜਾ ਸਕਦਾ ਹੈ ਪਰ ਇਨ੍ਹਾਂ ਜੁਗਾੜੂ ਵਾਹਨਾਂ ਦੀ ਨਾ ਤਾਂ ਰਜਿਸ਼ਟ੍ਰੇਸ਼ਨ ਹੁੰਦੀ ਹੈ ਅਤੇ ਨਾ ਹੀ ਇਨ੍ਹਾਂ ਦੀ ਇੰਸ਼ੋਰੈਂਸ ਹੁੰਦੀ ਹੈ। ਇਥੋਂ ਤੱਕ ਕਿ ਇਹ ਬਿਨਾਂ ਕਿਸੇ ਟੈਕਸ ਅਦਾ ਕੀਤੇ ਸੜਕਾਂ ’ਤੇ ਮੌਤ ਬਣ ਕੇ ਘੁੰਮਦੇ ਦਿਖਾਈ ਦਿੰਦੇ ਹਨ।
ਇਹ ਵੀ ਪੜ੍ਹੋ- ਗੁਰਦਾਸਪੁਰ ਦੀ SDM ਡਾ. ਅਨੁਪ੍ਰੀਤ ਕੌਰ ਗ੍ਰਿਫਤਾਰ, ਜਾਣੋ ਮਾਮਲਾ
ਇਹ ਨਹੀਂ ਕਿ ਪੁਲਸ ਜਾਂ ਟ੍ਰੈਫਿਕ ਪੁਲਸ ਨੂੰ ਇਸ ਸਬੰਧੀ ਜਾਣਕਾਰੀ ਨਹੀਂ ਹੈ। ਪੁਲਸ ਕਰਮਚਾਰੀਆਂ ਦੇ ਸਾਹਮਣਿਓਂ ਇਹ ਜੁਗਾੜੂ ਵਾਹਨ ਆਉਦੇ-ਜਾਂਦੇ ਹਨ। ਜਦਕਿ ਪੰਜਾਬ ਹਾਈ ਕੋਰਟ ਨੇ ਹੁਕਮ ਜਾਰੀ ਕਰ ਰੱਖਿਆ ਹੈ ਕਿ ਜਿਥੇ ਵੀ ਇਹ ਜੁਗਾੜੂ ਵਾਹਨ ਦਿਖਾਈ ਦੇਵੇ, ਪੁਲਸ ਉਸ ਨੂੰ ਆਪਣੇ ਕਬਜ਼ੇ ’ਚ ਲੈ ਕੇ ਉਸ ਨੂੰ ਪੂਰੀ ਤਰ੍ਹਾਂ ਨਾਕਾਰਾ ਦਿੱਤਾ ਜਾਵੇ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ ’ਚ ਵਧਿਆ ਡੇਂਗੂ ਦਾ ਖ਼ਤਰਾ, ਸਿਹਤ ਵਿਭਾਗ ਵੱਲੋਂ ਚੇਤਾਵਨੀ ਜਾਰੀ, ਲਾਪ੍ਰਵਾਹੀ ਪੈ ਸਕਦੀ ਭਾਰੀ
ਜੁਗਾੜੂ ਵਾਹਨ ਬਣਾਉਣ ਵਾਲੇ ’ਤੇ ਕੇਸ ਦਰਜ
ਸਿਟੀ ਪੁਲਸ ਸਟੇਸ਼ਨ ਵਿਚ ਤਾਇਨਾਤ ਸਬ ਇੰਸਪੈਕਟਰ ਸੋਮ ਲਾਲ ਨੇ ਦੱਸਿਆ ਕਿ ਉਹ ਪੁਲਸ ਪਾਰਟੀ ਨਾਲ ਸਥਾਨਕ ਹਨੂਮਾਨ ਚੌਕ ਵਿਚ ਹਾਜ਼ਰ ਸਨ ਤਾਂ ਕਿਸੇ ਮੁਖ਼ਬਰ ਨੇ ਸੂਚਿਤ ਕੀਤਾ ਕਿ ਭਾਈ ਲਾਲੋ ਚੌਕ ਕੋਲ ਮੇਹਰ ਚੰਦ ਰੋਡ ’ਤੇ ਇਕ ਵਿਅਕਤੀ ਸੁਖਵਿੰਦਰ ਸਿੰਘ ਪੁੱਤਰ ਮੋਹਨ ਸਿੰਘ ਵਾਸੀ ਗੁਰਦਾਸਪੁਰ ਜੁਗਾੜੂ ਰੇਹੜੀਆਂ ਤਿਆਰ ਕਰ ਕੇ ਉਸ ਵਿਚ ਪੁਰਾਣੇ ਮੋਟਰਸਾਈਕਲ ਫਿਟ ਕਰ ਕੇ ਜੁਗਾੜੂ ਵਾਹਨ ਤਿਆਰ ਕਰਦਾ ਹੈ, ਜੋ ਕਿਸੇ ਕੰਪਨੀ ਦੇ ਨਹੀਂ ਹੁੰਦੇ ਅਤੇ ਮੋਟਰਸਾਈਕਲ ਵੀ ਬਹੁਤ ਪੁਰਾਣੇ ਹੁੰਦੇ ਹਨ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ ਤੋਂ ਨਿਊ ਜਲਪਾਈਗੁੜੀ ਲਈ ਨਵੀਂ ਅੰਮ੍ਰਿਤ ਭਾਰਤ ਐਕਸਪ੍ਰੈਸ ਸ਼ੁਰੂ, ਰਵਨੀਤ ਬਿੱਟੂ ਨੇ ਕੀਤਾ ਉਦਘਾਟਨ
ਇਸ ਸਬੰਧੀ ਜਦ ਦੱਸੀ ਦੁਕਾਨ ’ਤੇ ਛਾਪਾ ਮਾਰਿਆ ਗਿਆ ਤਾਂ ਉਥੋਂ ਜੁਗਾੜੂ ਰੇਹੜਾ ਬਰਾਮਦ ਹੋਇਆ, ਜਿਸ ’ਤੇ ਮੋਟਰਸਾਈਕਲ ਨੰਬਰ ਪੀਬੀ06 ਵਾਈ 5517 ਫਿੱਟ ਕਰ ਰੱਖਿਆ ਸੀ। ਪੁਲਸ ਨੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਕੇ ਜ਼ਮਾਨਤ ’ਤੇ ਰਿਹਾਅ ਕਰ ਦਿੱਤਾ। ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਗੁਰਦਾਸਪੁਰ ਸ਼ਹਿਰ ’ਚ ਹੁਣ ਨਾ ਤਾਂ ਕਿਸੇ ਨੂੰ ਜੁਗਾੜੂ ਵਾਹਨ ਬਣਾਉਣ ਦਿੱਤਾ ਜਾਵੇਗਾ ਅਤੇ ਨਾ ਹੀ ਚਲਾਉਣ ਦਿੱਤਾ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਅੰਮ੍ਰਿਤਸਰ ’ਚ ਵਧਿਆ ਡੇਂਗੂ ਦਾ ਖ਼ਤਰਾ, ਸਿਹਤ ਵਿਭਾਗ ਵੱਲੋਂ ਚੇਤਾਵਨੀ ਜਾਰੀ, ਲਾਪ੍ਰਵਾਹੀ ਪੈ ਸਕਦੀ ਭਾਰੀ
NEXT STORY 
