ਲੁਧਿਆਣਾ,(ਰਿਸ਼ੀ)— ਇੰਡਸਟਰੀ ਏਰੀਆ-ਏ 'ਚ ਰਹਿਣ ਵਾਲਾ 2 ਬੱਚਿਆਂ ਦਾ ਪਿਤਾ ਅਜਮਲ ਆਲਮ (30) ਖੁਦ ਨੂੰ ਕੁਆਰਾ ਦੱਸ ਕੇ 7 ਸਾਲ ਤਕ ਗੁਆਂਢ 'ਚ ਰਹਿਣ ਵਾਲੀ 20 ਸਾਲਾ ਲੜਕੀ ਨਾਲ ਕੁਕਰਮ ਕਰਦਾ ਰਿਹਾ। ਜਦੋਂ ਲੜਕੀ ਨੂੰ ਉਸ ਦੇ ਵਿਆਹੁਤਾ ਹੋਣ ਦਾ ਪਤਾ ਲੱਗਾ ਤਾਂ ਉਸ ਨੇ ਗਾਲ੍ਹਾ ਕੱਢ ਕੇ ਉਸ ਨੂੰ ਮੁਹੱਲੇ 'ਚੋਂ ਕਢਵਾ ਦਿੱਤਾ। ਉਕਤ ਦੋਸ਼ੀ ਕੈਥਲ ਚਲਾ ਗਿਆ ਸੀ ਪਰ ਉਹ ਪ੍ਰੇਮਿਕਾ ਤੋਂ ਬਦਲਾ ਲੈਣ ਲਈ ਡੇਢ ਮਹੀਨੇ ਬਾਅਦ ਵਾਪਸ ਆ ਗਿਆ ਅਤੇ ਦੋਸ਼ੀ ਨੇ 27 ਜੁਲਾਈ ਨੂੰ ਆਪਣੀ ਪ੍ਰੇਮਿਕਾ ਦੇ ਚੌਥੀ ਜਮਾਤ 'ਚ ਪੜਨ ਵਾਲੇ 11 ਸਾਲਾਂ ਭਰਾ ਲੱਲੂ ਨੂੰ ਘੁੰਮਾਉਣ ਦੇ ਬਹਾਨੇ ਆਪਣੇ ਨਾਲ ਸਤਲੁਜ ਦਰਿਆ 'ਤੇ ਲਿਜਾ ਕੇ ਉਸ ਦਾ ਕਤਲ ਕਰ ਦਿੱਤਾ।
ਹੱਤਿਆ ਕਰਨ ਦੇ 9 ਦਿਨ ਬਾਅਦ 4 ਅਗਸਤ ਨੂੰ ਲੱਲੂ ਦੇ ਪਿਤਾ ਕੁੰਨੇ ਲਾਲ ਦੇ ਮੋਬਾਈਲ 'ਤੇ ਫੋਨ ਕਰ ਕੇ ਦੋਸ਼ੀ ਨੇ 2 ਲੱਖ ਰੁਪਏ ਦੀ ਮੰਗ ਕੀਤੀ ਅਤੇ ਆਪਣਾ ਨੰਬਰ ਬੰਦ ਕਰ ਦਿੱਤਾ। ਬਾਅਦ 'ਚ ਏ. ਡੀ. ਸੀ. ਪੀ. ਵਨ ਗੁਰਪ੍ਰੀਤ ਸਿੰਘ ਦੀ ਸੁਪਰਵਿਜਨ 'ਚ ਬਣੀ ਟੀਮ ਨੇ 3 ਦਿਨ 'ਚ ਕੇਸ ਨੂੰ ਹੱਲ ਕਰਦੇ ਹੋਏ ਕਾਤਲ ਅਜਮਲ ਨੂੰ ਦਿੱਲੀ ਤੋਂ ਫੜ ਲਿਆ ਹੈ। 13 ਦਿਨ ਬੀਤ ਜਾਣ ਤੋਂ ਬਾਅਦ ਹੁਣ ਪੁਲਸ ਉਸ ਦੀ ਨਿਸ਼ਾਨਦੇਹੀ 'ਤੇ ਲੱਲੂ ਦੀ ਲਾਸ਼ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਏ. ਡੀ. ਸੀ. ਪੀ. ਗੁਰਪ੍ਰੀਤ ਸਿੰਘ ਅਤੇ ਏ. ਸੀ. ਪੀ. ਵਰਿਆਮ ਸਿੰਘ ਨੇ ਦੱਸਿਆ ਕਿ ਪੁਲਸ ਨੂੰ 27 ਜੁਲਾਈ ਨੂੰ ਲਗਭਗ 3 ਵਜੇ ਲੱਲੂ ਦੇ ਪਿਤਾ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸ ਦਾ ਪੁੱਤਰ ਘਰ ਦੇ ਬਾਹਰ ਖੇਡਣ ਗਿਆ ਸੀ ਪਰ ਅਚਾਨਕ ਗਾਇਬ ਹੋ ਗਿਆ।
ਥਾਣਾ ਡਿਵੀਜਨ ਨੰਬਰ 2 ਦੀ ਪੁਲਸ ਨੇ ਧਾਰਾ-346 ਦੇ ਤਹਿਤ ਕੇਸ ਦਰਜ ਕਰ ਲਿਆ ਸੀ। ਬਾਅਦ 'ਚ ਲੱਲੂ ਦੇ ਪਿਤਾ ਨੇ ਪੁਲਸ ਨੂੰ ਦੱਸਿਆ ਕਿ 4 ਅਗਸਤ ਨੂੰ ਦੋਸ਼ੀ ਦਾ ਫੋਨ ਆਇਆ,ਜੋ 2 ਲੱਖ ਰੁਪਏ ਦੀ ਮੰਗ ਕਰ ਰਿਹਾ ਹੈ। ਪੁਲਸ ਨੇ ਪਹਿਲਾਂ ਦਰਜ ਮਾਮਲੇ 'ਚ ਧਾਰਾ 384 ਵੀ ਜੋੜ ਦਿੱਤੀ ਅਤੇ ਜਾਂਚ ਵਧਾਉਂਦੇ ਹੋਏ 3 ਦਿਨ 'ਚ ਕੇਸ ਹੱਲ ਕਰ ਲਿਆ। ਪੁਲਸ ਵੀਰਵਾਰ ਨੂੰ ਦੋਸ਼ੀ ਨੂੰ ਅਦਾਲਤ 'ਚ ਪੇਸ਼ ਕਰ ਕੇ ਰਿਮਾਂਡ 'ਤੇ ਲੈ ਕੇ ਪੁੱਛ ਗਿੱਛ ਕਰੇਗੀ।
ਸਰਕਾਰੀ ਹਾਈ ਸਕੂਲ, ਦੋਦੜਾ ਵਿਖੇ ਸਾਇੰਸ ਮੇਲੇ ਦਾ ਆਯੋਜਨ
NEXT STORY 
