ਪੰਜਾਬ ਡੈਸਕ- ਸੀ.ਟੀ. ਯੂਨੀਵਰਸਿਟੀ ਦਾ ਸਾਲਾਨਾ ਓਰੀਐਂਟੇਸ਼ਨ ਪ੍ਰੋਗਰਾਮ “ਨਿਰਮਾਣ – ਇਕ ਨਵੀਂ ਸ਼ੁਰੂਆਤ, ਇਕ ਨਵਾਂ ਇਰਾਦਾ” 4 ਦਿਨਾਂ ਤੱਕ ਬਹੁਤ ਉਤਸ਼ਾਹ ਤੇ ਜੋਸ਼ ਨਾਲ ਮਨਾਇਆ ਗਿਆ, ਜਿਸ ਵਿੱਚ 3500 ਤੋਂ ਵੱਧ ਨਵੇਂ ਵਿਦਿਆਰਥੀਆਂ ਦਾ ਯੂਨੀਵਰਸਿਟੀ ਪਰਿਵਾਰ ਵਿੱਚ ਸਵਾਗਤ ਕੀਤਾ ਗਿਆ।
ਇਸ ਸਾਲ ਦੇ ਨਵੇਂ ਬੈਚ ਵਿੱਚ ਹੋਟਲ ਮੈਨੇਜਮੈਂਟ, ਲਾਅ, ਫਾਰਮੇਸੀ ਅਤੇ ਇੰਜੀਨੀਅਰਿੰਗ ਵਰਗੇ ਵੱਖ-ਵੱਖ ਕੋਰਸਾਂ ਦੇ ਵਿਦਿਆਰਥੀ ਸ਼ਾਮਲ ਹੋਏ, ਜੋ ਆਪਣੇ-ਆਪਣੇ ਹੁਨਰ ਤੇ ਸੁਪਨੇ ਲੈ ਕੇ ਆਏ ਹਨ। ਇਸ ਪ੍ਰੋਗਰਾਮ ਦਾ ਮਕਸਦ ਨਵੇਂ ਵਿਦਿਆਰਥੀਆਂ ਨੂੰ ਯੂਨੀਵਰਸਿਟੀ ਦੀ ਸੋਚ, ਮੌਕਿਆਂ ਅਤੇ ਰੰਗੀਂ ਕੈਂਪਸ ਜ਼ਿੰਦਗੀ ਨਾਲ ਜਾਣੂ ਕਰਵਾਉਣਾ ਸੀ।
ਉਦਘਾਟਨ ਸਮਾਰੋਹ ਵਿੱਚ ਚਾਂਸਲਰ ਸ. ਚਰਨਜੀਤ ਸਿੰਘ ਚੰਨੀ, ਪ੍ਰੋ-ਚਾਂਸਲਰ ਡਾ. ਮਨਬੀਰ ਸਿੰਘ, ਵਾਈਸ ਚੇਅਰਮੈਨ ਹਰਪ੍ਰੀਤ ਸਿੰਘ, ਵਾਈਸ ਚਾਂਸਲਰ ਡਾ. ਨਿਤਿਨ ਟੰਡਨ, ਪ੍ਰੋ ਵਾਈਸ ਚਾਂਸਲਰ ਡਾ. ਸਿਮਰਨ ਗਿੱਲ ਅਤੇ ਡਾ. ਅਵਿਨਾਸ਼ ਸ਼ਰਮਾ ਅਤੇ ਡੀਐਸਡਬਲਯੂ ਡਾਇਰੈਕਟਰ ਇਰ. ਦਵਿੰਦਰ ਸਿੰਘ ਮੌਜੂਦ ਰਹੇ ਅਤੇ ਵਿਦਿਆਰਥੀਆਂ ਨਾਲ ਪ੍ਰੇਰਕ ਵਿਚਾਰ ਸਾਂਝੇ ਕੀਤੇ।
ਓਰੀਐਂਟੇਸ਼ਨ ਵਿੱਚ ਸੱਭਿਆਚਾਰਕ ਰੰਗ ਤੇ ਜਾਣਕਾਰੀ ਭਰੇ ਸੈਸ਼ਨ ਦਾ ਸੁੰਦਰ ਮਿਲਾਪ ਵੇਖਣ ਨੂੰ ਮਿਲਿਆ, ਜਿਸ ਵਿੱਚ ਸ਼ਾਨਦਾਰ ਡਾਂਸ ਪ੍ਰਸਤੁਤੀਆਂ, ਫੈਸ਼ਨ ਵਾਕ, ਭੰਗੜਾ, ਐਂਟੀ-ਰੈਗਿੰਗ ਜਾਗਰੂਕਤਾ ਨਾਟਕ, ਮਨੋਰੰਜਕ ਗਤੀਵਿਧੀਆਂ ਅਤੇ ਬੱਚਿਆਂ ਦੇ ਮਨਪਸੰਦ ਕਾਰਟੂਨ ਕਿਰਦਾਰ ਮੋਟੂ-ਪਤਲੂ ਦੀ ਸਰਪ੍ਰਾਈਜ਼ ਐਂਟਰੀ ਵੀ ਸ਼ਾਮਲ ਸੀ, ਜਿਸ ਨਾਲ ਵਿਦਿਆਰਥੀਆਂ ਦੇ ਚਿਹਰਿਆਂ ’ਤੇ ਮੁਸਕਾਨ ਖਿੜ ਗਈ।
ਚਾਂਸਲਰ ਸ. ਚਰਨਜੀਤ ਸਿੰਘ ਚੰਨੀ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰਦੇ ਹੋਏ ਕਿਹਾ, “ਯੂਨੀਵਰਸਿਟੀ ਦੀ ਜ਼ਿੰਦਗੀ ਤੁਹਾਡੇ ਜੀਵਨ ਦਾ ਸੋਨੇ ਵਰਗਾ ਅਧਿਆਇ ਹੈ, 'ਸਿੱਖੋ, ਨਵੀਂ ਸੋਚ ਲਿਆਓ ਤੇ ਹਰ ਮੌਕੇ ਦਾ ਲਾਭ ਲਵੋ।” ਉਹਨਾਂ ਨੇ ਆਤਮ-ਅਨੁਸ਼ਾਸਨ, ਜਿਗਿਆਸਾ ਅਤੇ ਮਿਹਨਤ ਦੀ ਅਹਿਮੀਅਤ ’ਤੇ ਜ਼ੋਰ ਦਿੱਤਾ।
ਪ੍ਰੋ ਚਾਂਸਲਰ ਡਾ. ਮਨਬੀਰ ਸਿੰਘ ਨੇ ਕਿਹਾ, “ਸੀ.ਟੀ. ਯੂਨੀਵਰਸਿਟੀ ਸਿਰਫ਼ ਇਕ ਸੰਸਥਾ ਨਹੀਂ, ਇਹ ਤੁਹਾਡੇ ਸੁਪਨਿਆਂ ਲਈ ਲਾਂਚਪੈਡ ਹੈ। ਅਸੀਂ ਇੱਥੇ ਤੁਹਾਡੀ ਯੋਗਤਾ ਨੂੰ ਨਿਖਾਰਨ ਅਤੇ ਤੁਹਾਨੂੰ ਗਲੋਬਲ ਸਫਲਤਾ ਵੱਲ ਲੈ ਜਾਣ ਲਈ ਹਾਂ।”
ਇਹ ਚਾਰ ਦਿਨਾਂ ਦਾ ਪ੍ਰੋਗਰਾਮ ਵਿਦਿਆਰਥੀਆਂ ਵਿੱਚ ਨਵਾਂ ਜੋਸ਼ ਅਤੇ ਆਤਮ-ਵਿਸ਼ਵਾਸ ਭਰ ਗਿਆ। ਅਕਾਦਮਿਕ ਜਾਣਕਾਰੀ, ਸੱਭਿਆਚਾਰਕ ਪ੍ਰੋਗਰਾਮ ਅਤੇ ਨੇਤ੍ਰਿਤਵ ਨਾਲ ਮੁਲਾਕਾਤਾਂ ਨੇ ਨਿਰਮਾਣ 2025 ਨੂੰ ਨਵੇਂ ਸੈਸ਼ਨ ਦੀ ਸ਼ਾਨਦਾਰ ਸ਼ੁਰੂਆਤ ਬਣਾ ਦਿੱਤਾ।
ਪ੍ਰੇਮਿਕਾ ਨੂੰ ਲੈ ਕੇ ਘਰ ਆ ਵੜਿਆ ਨਸ਼ੇੜੀ ਪੁੱਤ ਤੇ ਫ਼ਿਰ...
NEXT STORY 
