ਮਾਨਸਾ, (ਸੰਦੀਪ ਮਿੱਤਲ)- ਭਾਰਤੀ ਜਨਤਾ ਪਾਰਟੀ ਨੇ ਭਾਜਪਾ ਲੋਕ ਸਭਾ ਹਲਕਾ ਬਠਿੰਡਾ ਦੇ ਇੰਚਾਰਜ਼ ਪਰਮਪਾਲ ਕੌਰ ਮਲੂਕਾ ਦੇ ਪਤੀ ਗੁਰਪ੍ਰੀਤ ਸਿੰਘ ਮਲੂਕਾ ਨੂੰ ਦਿਹਾਤੀ ਜ਼ਿਲ੍ਹਾ ਪ੍ਰਧਾਨ ਬਠਿੰਡਾ ਨਿਯੁਕਤ ਕੀਤਾ ਗਿਆ ਹੈ। ਜਿਸ ਨੂੰ ਲੈ ਕੇ ਪਾਰਟੀ ਖੇਮਿਆਂ ਵਿੱਚ ਖੁਸ਼ੀ ਪਾਈ ਜਾ ਰਹੀ ਹੈ।
ਭਾਜਪਾ ਜ਼ਿਲ੍ਹਾ ਮਾਨਸਾ ਦੇ ਮੀਤ ਪ੍ਰਧਾਨ ਕਾਕਾ ਅਮਰਿੰਦਰ ਸਿੰਘ ਦਾਤੇਵਾਸ, ਭਾਜਪਾ ਯੂਥ ਆਗੂ ਅਮਨਦੀਪ ਗੁਰੂ, ਭਾਜਪਾ ਹਿੰਦੂ ਯੁਵਾ ਵਾਹਿਨੀ ਪੰਜਾਬ ਦੇ ਪ੍ਰਧਾਨ ਤੇਜਿੰਦਰ ਸਿੰਘ ਗੋਰਾ, ਭਾਜਪਾ ਦੇ ਸੀਨੀਅਰ ਆਗੂ ਅਮਰਜੀਤ ਸਿੰਘ ਕਟੋਦੀਆ, ਭਾਜਪਾ ਦੇ ਸੀਨੀਅਰ ਆਗੂ ਮੁਨੀਸ਼ ਬੱਬੀ ਦਾਨੇਵਾਲੀਆ ਦਾ ਕਹਿਣਾ ਹੈ ਕਿ ਗੁਰਪ੍ਰੀਤ ਸਿੰਘ ਮਲੂਕਾ ਸਿਆਸਤ ਦੇ ਤਜ਼ਰਬੇਕਾਰ, ਮਿਹਨਤੀ, ਲੋਕਾਂ ਅਤੇ ਜ਼ਮੀਨ ਨਾਲ ਜੁੜੇ ਹੋਏ ਨੇਤਾ ਹਨ। ਜੋ ਧਰਾਤਲ ਦੀ ਸਿੰਚਾਈ, ਲੋਕਾਂ ਦੀਆਂ ਦੁੱਖ-ਤਕਲੀਫਾਂ ਤੋਂ ਇਲਾਵਾ ਉਨ੍ਹਾਂ ਦੀਆਂ ਮੰਗਾਂ, ਸਮੱਸਿਆਵਾਂ ਅਤੇ ਉਮੀਦਾਂ ਤੋਂ ਜਾਣੂ ਹਨ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਗੁਰਪ੍ਰੀਤ ਸਿੰਘ ਮਲੂਕਾ ਨੂੰ ਇਹ ਵੱਡੀ ਜ਼ਿੰਮੇਵਾਰੀ ਦੇ ਕੇ ਪੰਜਾਬ ਭਾਜਪਾ ਨੇ ਇੱਕ ਸਮਝਦਾਰੀ ਅਤੇ ਦੂਰ-ਅੰਦੇਸ਼ੀ ਦਿਖਾਈ ਹੈ। ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਗੁਰਪ੍ਰੀਤ ਸਿੰਘ ਮਲੂਕਾ ਨੂੰ ਰਾਜ ਭਰ ਵਿੱਚੋਂ ਭਾਜਪਾ ਵੱਲੋਂ ਬਠਿੰਡਾ ਦਾ ਜ਼ਿਲ੍ਹਾ ਦਿਹਾਤੀ ਪ੍ਰਧਾਨ ਲਗਾਇਆ ਗਿਆ ਹੈ। ਹਾਲੇ ਤੱਕ ਅਜਿਹੀ ਨਿਯੁਕਤੀ ਸੂਬੇ ਭਰ ਵਿੱਚ ਨਹੀਂ ਹੋਈ। ਉਨ੍ਹਾਂ ਭਾਜਪਾ ਪੰਜਾਬ ਦੀ ਹਾਈ-ਕਮਾਂਡ, ਭਾਜਪਾ ਪੰਜਾਬ ਦੇ ਕਾਰਜਕਾਰੀ ਪ੍ਰਧਾਨ ਅਸਵਨੀ ਸ਼ਰਮਾ, ਮੰਥਰੀ ਸ਼੍ਰੀਨਿਵਾਸਲੂ ਅਤੇ ਸਮੁੱਚੀ ਬਠਿੰਡਾ ਲੀਡਰਸ਼ਿੱਪ, ਅਬਜਰਵਰ ਅਤੇ ਆਰ.ਓਜ ਦਾ ਇਸ ਨਿਯੁਕਤੀ ਤੇ ਧੰਨਵਾਦ ਕੀਤਾ।
ਗੁਰਪ੍ਰੀਤ ਸਿੰਘ ਮਲੂਕਾ ਨੇ ਕਿਹਾ ਕਿ ਭਾਜਪਾ ਹਾਈ-ਕਮਾਂਡ ਨੇ ਉਨ੍ਹਾਂ ਦੇ ਵਿੱਚ ਜੋ ਭਰੋਸਾ ਦਿਖਾਇਆ ਹੈ। ਉਹ ਭਰੋਸੇ ਨੂੰ ਹੋਰ ਵੱਡਾ ਕਰਦੇ ਹੋਏ ਭਾਜਪਾ ਲਈ ਬਠਿੰਡਾ ਹੀ ਨਹੀਂ ਬਲਕਿ ਪੂਰੇ ਸੂਬੇ ਭਰ ਵਿੱਚ ਕੰਮ ਕਰਨਗੇ ਅਤੇ ਭਾਜਪਾ ਦੀਆਂ ਨੀਤੀਆਂ, ਕੇਂਦਰ ਸਰਕਾਰ ਦੀਆਂ ਲੋਕ ਹਿੱਤ ਸਕੀਮਾਂ ਅਤੇ ਗਰੀਬਾਂ ਦੇ ਹਿੱਤ ਲਈ ਬਣਾਈਆਂ ਯੋਜਨਾਵਾਂ ਲੋਕਾਂ ਵਿੱਚ ਲੈ ਕੇ ਜਾਣਗੇ, ਜਿਸ ਨਾਲ ਪਾਰਟੀ ਅਤੇ ਕੇਂਦਰ ਸਰਕਾਰ ਦਾ ਲੋਕਾਂ ਵਿੱਚ ਵੱਕਾਰ ਵਧੇਗਾ।
ਤੰਬਾਕੂ ਖਾਣ ਤੇ ਵੇਚਣ ਵਾਲੇ ਨੂੰ ਹੋਵੇਗਾ 11000 ਰੁਪਏ ਜੁਰਮਾਨਾ, ਦੱਸਣ ਵਾਲੇ ਨੂੰ ਵੀ ਮਿਲੇਗਾ ਇਨਾਮ
NEXT STORY 
