ਸਾਹਨੇਵਾਲ (ਜਗਰੂਪ)-ਥਾਣਾ ਸਾਹਨੇਵਾਲ ਦੀ ਪੁਲਸ ਨੇ ‘ਯੁੱਧ ਨਸ਼ਿਆਂ ਵਿਰੁੱਧ’ ਮੁਹਿੰਮ ਦੇ ਤਹਿਤ ਵੱਡੀ ਸਫ਼ਲਤਾ ਪ੍ਰਾਪਤ ਕਰਦੇ ਹੋਏ ਦੋ ਸ਼ਰਾਬ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕਰਦੇ ਹੋਏ ਵੱਡੀ ਮਾਤਰਾ ’ਚ ਨਾਜਾਇਜ਼ ਸ਼ਰਾਬ ਬਰਾਮਦ ਕੀਤੀ ਹੈ। ਪਹਿਲੇ ਮਾਮਲੇ ’ਚ ਐਕਸਾਈਜ਼ ਵਿਭਾਗ ਦੇ ਇੰਸਪੈਕਟਰ ਨਵਨੀਸ਼ ਐਰੀ ਦੀ ਸ਼ਿਕਾਇਤ ’ਤੇ ਕਾਰਵਾਈ ਕਰਦੇ ਹੋਏ ਥਾਣਾ ਪੁਲਸ ਨੇ ਜ਼ਿੰਮੀਦਾਰਾ ਢਾਰੇ ਦੇ ਨੇੜੇ ਨਾਕਾਬੰਦੀ ਕਰਕੇ ਇਕ ਇਨੋਵਾ ਚਾਲਕ ਨੂੰ ਸ਼ਰਾਬ ਲੋਡ ਕਰਕੇ ਸਪਲਾਈ ਕਰਨ ਲਈ ਜਾਂਦੇ ਹੋਏ ਗ੍ਰਿਫ਼ਤਾਰ ਕੀਤਾ। ਜਿਸ ਕੋਲੋਂ ਪੁਲਸ ਨੇ 73 ਪੇਟੀਆਂ ਸ਼ਰਾਬ ਮਾਰਕਾ ਡਾਲਰ ਰਮ ਦੀਆਂ ਬਰਾਮਦ ਕਰਨ ਦੇ ਨਾਲ ਹੀ ਇਨੋਵਾ ਕਾਰ ਨੂੰ ਵੀ ਕਬਜ਼ੇ ’ਚ ਲੈ ਲਿਆ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਵੱਡਾ ਹਾਦਸਾ! ਪ੍ਰਸਿੱਧ ਫੁੱਟਬਾਲ ਖਿਡਾਰੀ ਦੀ ਮੌਤ, ਮੈਚ ਖੇਡ ਕੇ ਜਾ ਰਿਹਾ ਸੀ ਘਰ
ਪੁਲਸ ਨੇ ਇਨੋਵਾ ਚਾਲਕ ਸੁਰੇਸ਼ ਕੁਮਾਰ ਪੁੱਤਰ ਸੁੱਚਾ ਰਾਮ ਵਾਸੀ ਛੋਛੇਵਾਲ, ਨਵਾਂਸ਼ਹਿਰ ਖ਼ਿਲਾਫ਼ ਐਕਸਾਈਜ਼ ਐਕਟ ਤਹਿਤ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕੀਤੀ ਹੈ। ਇਕ ਹੋਰ ਮਾਮਲੇ ’ਚ ਹੌਲਦਾਰ ਇਕਬਾਲ ਸਿੰਘ ਦੀ ਪੁਲਸ ਟੀਮ ਨੇ ਗੁਪਤ ਸੂਚਨਾ ਦੇ ਬਾਅਦ ਮੁਹੱਲਾ ਪ੍ਰੀਤਮ ਕਾਲੋਨੀ ਦੇ ਖਾਲੀ ਪਲਾਟਾਂ ’ਚ ਰੱਖ ਕੇ ਸ਼ਰਾਬ ਵੇਚਦੇ ਹੋਏ ਟੂੰਨਟੂੰਨ ਕੁਮਾਰ ਪੁੱਤਰ ਮੋਤੀ ਲਾਲ ਵਾਸੀ ਗਰਚਾ ਕਾਲੋਨੀ, ਢੰਡਾਰੀ ਕਲਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਸ ਨੇ ਟੂੰਨਟੂੰਨ ਕੁਮਾਰ ਕੋਲੋਂ 36 ਬੋਤਲਾਂ (ਤਿੰਨ ਪੇਟੀਆਂ) ਸ਼ਰਾਬ ਮਾਰਕਾ ਪੰਜਾਬ ਟ੍ਰਿਪਲ ਐਕਸ ਡਾਲਰ ਰੰਮ ਬਰਾਮਦ ਕੀਤੀ। ਪੁਲਸ ਨੇ ਐਕਸਾਈਜ਼ ਐਕਟ ਦੇ ਤਹਿਤ ਕੇਸ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕੀਤੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਮਸ਼ਹੂਰ ਮਠਿਆਈ ਕਾਰੋਬਾਰੀ ਦਾ ਪਾਕਿ ਕੁਨੈਕਸ਼ਨ ਆਇਆ ਸਾਹਮਣੇ! ਹੋਇਆ ਵੱਡਾ ਖ਼ੁਲਾਸਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੰਜਾਬ 'ਚ ਵੱਡਾ ਹਾਦਸਾ! ਪ੍ਰਸਿੱਧ ਫੁੱਟਬਾਲ ਖਿਡਾਰੀ ਦੀ ਮੌਤ, ਮੈਚ ਖੇਡ ਕੇ ਜਾ ਰਿਹਾ ਸੀ ਘਰ
NEXT STORY 
