ਜਲੰਧਰ - ਚੀਨ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ਜਿਓਨੀ ਨੇ ਨਵਾਂ S6 Pro ਸਮਾਰਟਫੋਨ ਇਸ ਸਾਲ ਜੂਨ ਦੇ ਮਹੀਨੇ ਚੀਨ 'ਚ ਲਾਂਚ ਕੀਤਾ ਸੀ ਜਿਸ ਦੀ ਕੀਮਤ 1999 Yuan (ਕਰੀਬ 20,007 ਰੁਪਏ) ਦਸੀ ਗਈ ਸੀ। ਜਾਣਕਾਰੀ ਦੇ ਮੁਤਾਬਕ ਇਹ ਸਮਾਰਟਫੋਨ ਹੁਣ ਭਾਰਤ 'ਚ ਉਪਲੱਬਧ ਕਰ ਦਿੱਤਾ ਗਿਆ ਹੈ ਪਰ ਇਸ ਦੀ ਕੀਮਤ ਚੀਨ 'ਚ ਮਿਲਣ ਵਾਲੇ ਮਾਡਲ ਤੋਂ 5792 ਰੁਪਏ ਜ਼ਿਆਦਾ ਹੈ।
ਫੀਚਰਸ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਫੋਨ 'ਚ 5.5-ਇੰਚ iPS 2.54 (1920x1080 ਪਿਕਸਲਸ) ਸਕ੍ਰੀਨ ਦੇ ਨਾਲ 1.8 GHz ਆਕਟਾ-ਕੋਰ ਮੀਡੀਆਟੈੱਕ ਹੈਲਿਓ P10(MT 6755M) ਪ੍ਰੋਸੈਸਰ ਦਿੱਤਾ ਗਿਆ ਹੈ ਜੋ ਗੇਮਸ ਖੇਡਣ ਅਤੇ ਐਪਸ ਚਲਾਉਣ 'ਚ ਮਦਦ ਕਰੇਗਾ। ਐਂਡ੍ਰਾਇਡ 6.0 ਮਾਰਸ਼ਮੈਲੌ 'ਤੇ ਆਧਾਰਿਤ ਇਸ ਸਮਾਰਟਫੋਨ 'ਚ 4GB RAM ਦੇ ਨਾਲ 64 ਜੀ. ਬੀ ਇੰਟਰਨਲ ਸਟੋਰੇਜ਼ ਦਿੱਤੀ ਗਈ ਹੈ ਜਿਸ ਨੂੰ ਮਾਇਕ੍ਰੋ SD ਕਾਰਡ ਦੇ ਜ਼ਰੀਏ 128 ਜੀ. ਬੀ ਤੱਕ ਵਧਾਇਆ ਜਾ ਸਕਦਾ ਹੈ।
ਕੈਮਰੇ ਦੀ ਗੱਲ ਕੀਤੀ ਜਾਵੇ ਤਾਂ LED ਫਲੈਸ਼ ਨਾਲ ਇਸ 'ਚ 13-ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਅਤੇ 8-ਮੈਗਾਪਿਕਸਲ ਫ੍ਰੰਟ ਕੈਮਰਾ ਮੌਜੂਦ ਹੈ। ਇਸ ਸਮਾਰਟਫੋਨ ਨੂੰ 3130 m1h ਦੀ ਬੈਟਰੀ ਪਾਵਰ ਦੇਵੇਗੀ। ਇਸ ਡਿਊਲ ਸਿਮ ਫੋਨ 'ਚ 4G, WiFi (802.11b/g/n) ਡਿਊਲ-ਬੈਂਡ, WiFi ਡਾਇਰੈਕਟ, ਬਲੂਟੁੱਥ 4.1, GPS, ਇਕ ਮਾਇਕ੍ਰੋ USB 2.0 ਪੋਰਟ ਅਤੇ ਫਿੰਗਰਪ੍ਰਿੰਟ ਸੈਂਸਰ ਦਿੱਤਾ ਹੈ।
3,999 ਰੁਪਏ 'ਚ ਲਾਂਚ ਹੋਇਆ Intex ਦਾ ਇਹ ਸ਼ਾਨਦਾਰ ਸਮਾਰਟਫੋਨ
NEXT STORY