ਸ਼ਾਹਜਹਾਂਪੁਰ - ਫ਼ੌਜ ਦੀ ਵਰਦੀ ਪਾ ਕੇ ਖ਼ੁਦ ਨੂੰ ਬ੍ਰਿਗੇਡੀਅਰ ਦੱਸਣ ਵਾਲੇ 21 ਸਾਲਾ ਨੌਜਵਾਨ ਆਰੀਅਨ ਵਰਮਾ ਨੂੰ ਮਿਲਟਰੀ ਪੁਲਸ ਨੇ ਹਿਰਾਸਤ ਵਿਚ ਲਿਆ ਹੈ। ਉਹ ਕਥਿਤ ਤੌਰ ’ਤੇ ਬ੍ਰਿਗੇਡੀਅਰ ਦੀ ਵਰਦੀ ਪਾ ਕੇ ਲਗਜ਼ਰੀ ਕਾਰ ਵਿਚ ਆਰਮੀ ਦਾ ਝੰਡਾ, ਸਾਇਰਨ ਅਤੇ ਲਾਲ-ਨੀਲੀ ਬੱਤੀ ਲਗਾ ਕੇ ਘੁੰਮ ਰਿਹਾ ਸੀ। ਮਾਮਲੇ ਦੀ ਜਾਂਚ ਲਈ ਫ਼ੌਜ ਅਤੇ ਸਥਾਨਕ ਪੁਲਸ ਨੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
ਜਾਂਚ ਦੌਰਾਨ ਨੌਜਵਾਨ ਦੇ ਕਬਜ਼ੇ ਵਿਚੋਂ ਕਥਿਤ ਫਰਜ਼ੀ ਬ੍ਰਿਗੇਡੀਅਰ ਪਛਾਣ ਪੱਤਰ, ਪਿਸਤੌਲ ਵਰਗਾ ਹਥਿਆਰ, ਏ. ਐੱਮ. ਸੀ. ਰੈਜੀਮੈਂਟਲ ਛੜੀ ਅਤੇ ਫ਼ੌਜ ਨਾਲ ਸਬੰਧਤ ਹੋਰ ਸਮੱਗਰੀ ਬਰਾਮਦ ਹੋਣ ਦੀ ਗੱਲ ਸਾਹਮਣੇ ਆਈ ਹੈ। ਉਸ ਦੇ ਮੋਬਾਈਲ ਫ਼ੋਨ, ਸੋਸ਼ਲ ਮੀਡੀਆ ਦੀਆਂ ਗਤੀਵਿਧੀਆਂ ਅਤੇ ਸੰਪਰਕਾਂ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਉਹ ਸਿਰਫ਼ ਫਰਜ਼ੀ ਪਛਾਣ ਦੀ ਵਰਤੋਂ ਕਰ ਰਿਹਾ ਸੀ ਜਾਂ ਇਸ ਦੇ ਪਿੱਛੇ ਕੋਈ ਹੋਰ ਮਕਸਦ ਸੀ।
ਫ਼ੌਜ ਦੀ ਖੁਫੀਆ ਟੀਮ ਨੇ ਉਸ ਦੇ ਘਰ ਦੀ ਵੀ ਤਲਾਸ਼ੀ ਲਈ, ਜਿੱਥੇ ‘ਡਾ. ਆਰੀਅਨ ਵਰਮਾ, ਬ੍ਰਿਗੇਡੀਅਰ ਏ. ਐੱਮ. ਸੀ., ਪੰਚਕੂਲਾ’ ਦੇ ਨਾਂ ਦੀ ਨੇਮ ਪਲੇਟ ਲੱਗੀ ਮਿਲੀ। ਫਿਲਹਾਲ ਏਜੰਸੀਆਂ ਇਹ ਪਤਾ ਲਗਾਉਣ ਵਿਚ ਜੁਟੀਆਂ ਹੋਈਆਂ ਹਨ ਕਿ ਨੌਜਵਾਨ ਕਦੋਂ ਤੋਂ ਖ਼ੁਦ ਨੂੰ ਬ੍ਰਿਗੇਡੀਅਰ ਦੱਸ ਕੇ ਲੋਕਾਂ ਨੂੰ ਪ੍ਰਭਾਵਿਤ ਕਰ ਰਿਹਾ ਸੀ ਅਤੇ ਕੀ ਉਸ ਨੇ ਇਸ ਪਛਾਣ ਦੀ ਵਰਤੋਂ ਕਿਸੇ ਗ਼ੈਰ-ਕਾਨੂੰਨੀ ਗਤੀਵਿਧੀ ਲਈ ਕੀਤੀ ਸੀ।
ਸ਼ਿਮਲਾ ਦੇ ਨਿੱਜੀ ਸਕੂਲ 'ਚ ਅੰਨ੍ਹੇਵਾਹ ਫਾਇਰਿੰਗ, ਸਕੂਲ ਦੀ ਡਾਇਰੈਕਟਰ ਦਾ ਗੋਲੀਆਂ ਮਾਰ ਕੇ ਕਤਲ
NEXT STORY 
