ਸੁਪੌਲ : ਬਿਹਾਰ ਦੇ ਸੁਪੌਲ ਜ਼ਿਲ੍ਹੇ ਦੇ ਵੱਖ-ਵੱਖ ਥਾਣਾ ਖੇਤਰਾਂ ਵਿੱਚ ਬੁੱਧਵਾਰ ਨੂੰ ਭਿਆਨਕ ਅੱਗ ਲੱਗਣ ਕਾਰਨ ਲਗਭਗ 50 ਘਰ ਸੜ ਕੇ ਸੁਆਹ ਹੋ ਗਏ। ਪੁਲਸ ਸੂਤਰਾਂ ਅਨੁਸਾਰ ਇਨ੍ਹਾਂ ਅੱਗ ਦੀਆਂ ਘਟਨਾਵਾਂ ਵਿੱਚ ਲਗਭਗ 1 ਕਰੋੜ ਰੁਪਏ ਦੀ ਜਾਇਦਾਦ ਦਾ ਭਾਰੀ ਨੁਕਸਾਨ ਹੋਇਆ ਹੈ। ਅੱਗ ਵਿੱਚ ਝੁਲਸਣ ਕਾਰਨ ਇੱਕ ਮਹਿਲਾ ਸਮੇਤ ਦੋ ਵਿਅਕਤੀ ਜ਼ਖ਼ਮੀ ਹੋਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਪੁਲਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਵੀਰਪੁਰ ਥਾਣਾ ਖੇਤਰ ਦੇ ਕੋਚਗਾਮਾ ਪਿੰਡ (ਵਾਰਡ ਨੰਬਰ 14) ਵਿੱਚ ਅੱਗ ਲੱਗਣ ਨਾਲ 13 ਪਰਿਵਾਰਾਂ ਦੇ 30 ਘਰ ਸੜ ਗਏ। ਤੇਜ਼ ਹਵਾਵਾਂ ਕਾਰਨ ਅੱਗ ਨੇ ਤੇਜ਼ੀ ਨਾਲ ਭਿਆਨਕ ਰੂਪ ਧਾਰਨ ਕਰ ਲਿਆ, ਜਿਸ ਕਾਰਨ ਘਰਾਂ ਵਿੱਚ ਰੱਖਿਆ ਅਨਾਜ, ਕੱਪੜੇ, ਨਕਦੀ ਅਤੇ ਹੋਰ ਕੀਮਤੀ ਸਾਮਾਨ ਸੜ ਕੇ ਨਸ਼ਟ ਹੋ ਗਿਆ।
ਦੂਜੇ ਪਾਸੇ, ਜਦੀਆ ਥਾਣਾ ਖੇਤਰ ਦੇ ਬਘੈਲੀ ਪਿੰਡ (ਵਾਰਡ ਨੰਬਰ 1) ਵਿੱਚ ਵੀ ਅੱਗ ਲੱਗਣ ਨਾਲ 6 ਘਰ ਸੜ ਕੇ ਸੁਆਹ ਹੋ ਗਏ। ਇਸ ਹਾਦਸੇ ਵਿੱਚ ਨਕਦੀ, ਗਹਿਣਿਆਂ ਅਤੇ ਸਮਾਨ ਦੇ ਨਾਲ-ਨਾਲ ਦੋ ਗਾਵਾਂ ਅਤੇ ਦੋ ਬੱਕਰੀਆਂ ਦੀ ਵੀ ਜ਼ਿੰਦਾ ਸੜਨ ਕਾਰਨ ਮੌਤ ਹੋ ਗਈ। ਇਸੇ ਤਰ੍ਹਾਂ ਛਾਤਾਪੁਰ ਥਾਣਾ ਖੇਤਰ ਦੀ ਛਾਤਾਪੁਰ ਪੰਚਾਇਤ (ਵਾਰਡ ਨੰਬਰ 13) ਵਿੱਚ 3 ਪਰਿਵਾਰਾਂ ਦੇ 4 ਘਰ ਅਤੇ ਕਟਹਰਾ ਪੰਚਾਇਤ (ਵਾਰਡ ਨੰਬਰ 11) ਵਿੱਚ 8 ਪਰਿਵਾਰਾਂ ਦੇ 10 ਘਰ ਅੱਗ ਦੀ ਲਪੇਟ ਵਿੱਚ ਆ ਕੇ ਪੂਰੀ ਤਰ੍ਹਾਂ ਤਬਾਹ ਹੋ ਗਏ।
Nestle, Abbott ਅਤੇ Complan 'ਤੇ FSSAI ਦੀ ਸਖ਼ਤੀ, ਬੱਚਿਆਂ ਦੀ ਗ੍ਰੋਥ ਤੇ Immunity ਦੇ ਦਾਅਵਿਆਂ 'ਤੇ ਮੰਗੇ ਸਬੂਤ
NEXT STORY 
