ਨੈਸ਼ਨਲ ਡੈਸਕ : ਬਿਹਾਰ ਦੇ ਮੋਤੀਹਾਰੀ ਵਿੱਚ ਇੱਕ ਰੈਸਟੋਰੈਂਟ ਮਾਲਕ ਨੂੰ ਖ਼ਰਾਬ ਚਿਲੀ ਪਨੀਰ ਵੇਚਣਾ ਮਹਿੰਗਾ ਪੈ ਗਿਆ। ਰੈਸਟੋਰੈਂਟ ਵਿੱਚ ਖਾਣਾ ਖਾਣ ਆਏ ਇੱਕ ਗਾਹਕ ਨੂੰ 150 ਰੁਪਏ ਵਿੱਚ ਚਿਲੀ ਪਨੀਰ ਦੀ ਪਲੇਟ ਪਰੋਸੀ ਗਈ ਸੀ ਪਰ ਉਹ ਚਿਲੀ ਪਨੀਰ ਖਾ ਕੇ ਗਾਹਕ ਬਿਮਾਰ ਪੈ ਗਿਆ। ਇਸ ਤੋਂ ਬਾਅਦ ਉਸ ਨੇ ਰੈਸਟੋਰੈਂਟ ਮਾਲਕ ਖ਼ਿਲਾਫ਼ ਖਪਤਕਾਰ ਫੋਰਮ ਵਿੱਚ ਸ਼ਿਕਾਇਤ ਦਰਜ ਕਰਵਾਈ। ਇਸ ਸ਼ਿਕਾਇਤ 'ਤੇ ਸੁਣਵਾਈ ਕਰਦਿਆਂ ਫੋਰਮ ਨੇ ਰੈਸਟੋਰੈਂਟ ਮਾਲਕ 'ਤੇ 1 ਲੱਖ 60 ਹਜ਼ਾਰ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।
ਇਹ ਵੀ ਪੜ੍ਹੋ : ਧਮਾਕਿਆਂ ਨਾਲ ਦਹਿਲਿਆ ਧਾਰਾਵੀ ਦਾ ਇਲਾਕਾ, ਟਰੱਕ 'ਚ ਰੱਖੇ ਗੈਸ ਸਿਲੰਡਰ ਫਟਣ ਨਾਲ ਲੱਗੀ ਭਿਆਨਕ ਅੱਗ
ਇਸ ਦੇ ਨਾਲ ਹੀ ਚਿਲੀ ਪਨੀਰ ਦੀ ਕੀਮਤ 150 ਰੁਪਏ ਹੈ ਅਤੇ ਸਾਰੀ ਰਕਮ 'ਤੇ 7 ਫੀਸਦੀ ਸਾਧਾਰਨ ਵਿਆਜ ਵੀ ਅਦਾ ਕਰਨ ਲਈ ਕਿਹਾ ਗਿਆ ਹੈ। ਮਾਮਲਾ ਮੋਤੀਹਾਰੀ ਦੇ ਵੱਕਾਰੀ ਅੰਨਪੂਰਨਾ ਰੈਸਟੋਰੈਂਟ ਦਾ ਹੈ। ਦਰਪਾ ਥਾਣਾ ਖੇਤਰ 'ਚ ਰਹਿਣ ਵਾਲੇ ਐਡਵੋਕੇਟ ਜਤਿੰਦਰ ਕੁਮਾਰ ਕੁਝ ਮਹੀਨੇ ਪਹਿਲਾਂ ਇਸ ਰੈਸਟੋਰੈਂਟ 'ਚ ਖਾਣਾ ਖਾਣ ਆਏ ਸਨ। ਉਨ੍ਹਾਂ ਰੈਸਟੋਰੈਂਟ ਦੀ ਰਾਜਾ ਬਾਜ਼ਾਰ ਸ਼ਾਖਾ ਤੋਂ ਇੱਕ ਚਿਲੀ ਪਨੀਰ ਮੰਗਵਾਇਆ ਅਤੇ ਇਸਦੇ ਲਈ 150 ਰੁਪਏ ਅਦਾ ਕੀਤੇ। ਉਹ ਖਾਣਾ ਪੈਕ ਕਰਕੇ ਆਪਣੀ ਸੀਟ 'ਤੇ ਆ ਗਿਆ, ਜਿੱਥੇ ਉਸਨੇ ਖਾਣਾ ਖਾਧਾ।
ਹਸਪਤਾਲ ਤੋਂ ਨਿਕਲ ਕੇ ਪੁੱਜੇ ਖਪਤਕਾਰ ਫੋਰਮ
ਖਪਤਕਾਰ ਫੋਰਮ 'ਚ ਦਿੱਤੀ ਸ਼ਿਕਾਇਤ 'ਚ ਉਸ ਨੇ ਕਿਹਾ ਕਿ ਖਾਣਾ ਖਾਣ ਦੇ ਇਕ ਘੰਟੇ ਦੇ ਅੰਦਰ ਹੀ ਉਸ ਦੀ ਸਿਹਤ ਵਿਗੜ ਗਈ। ਉਸ ਨੂੰ ਪੇਟ ਵਿਚ ਭਿਆਨਕ ਦਰਦ ਹੋਣ ਲੱਗਾ। ਉਸ ਦੇ ਸਾਥੀਆਂ ਨੇ ਤੁਰੰਤ ਉਸ ਨੂੰ ਸ਼ਹਿਰ ਦੇ ਇੱਕ ਪ੍ਰਾਈਵੇਟ ਨਰਸਿੰਗ ਹੋਮ ਵਿੱਚ ਦਾਖਲ ਕਰਵਾਇਆ। ਜਿੱਥੇ ਉਹ ਦੋ ਦਿਨ ਦਾਖਲ ਰਿਹਾ। ਉਸ ਨੇ ਦੱਸਿਆ ਕਿ ਉਸ ਨੇ ਇਲਾਜ 'ਤੇ ਵੀ ਕਾਫੀ ਪੈਸਾ ਖਰਚ ਕੀਤਾ ਹੈ। ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ ਐਡਵੋਕੇਟ ਜਤਿੰਦਰ ਨੇ ਖਪਤਕਾਰ ਫੋਰਮ ਵਿੱਚ ਸ਼ਿਕਾਇਤ ਦਰਜ ਕਰਵਾਈ।
ਇਹ ਵੀ ਪੜ੍ਹੋ : ਅਹਿਮਦਾਬਾਦ ਨੇੜੇ ਬੁਲੇਟ ਟਰੇਨ ਪ੍ਰਾਜੈਕਟ ਵਾਲੀ ਥਾਂ ’ਤੇ ਹਾਦਸਾ, 25 ਟਰੇਨਾਂ ਰੱਦ
ਫੋਰਮ 'ਚ ਹਾਜ਼ਰ ਨਹੀਂ ਹੋਏ ਰੈਸਟੋਰੈਂਟ ਮਾਲਕ
ਇਸ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਖਪਤਕਾਰ ਫੋਰਮ ਨੇ ਰੈਸਟੋਰੈਂਟ ਦੇ ਮਾਲਕ ਰਾਮੇਸ਼ਵਰ ਸਾਹ ਨੂੰ ਤਲਬ ਕੀਤਾ, ਪਰ ਉਹ ਖੁਦ ਪੇਸ਼ ਨਹੀਂ ਹੋਏ। ਉਸ ਨੇ ਜੋ ਜਵਾਬ ਦਿੱਤਾ ਉਹ ਵੀ ਤਸੱਲੀਬਖਸ਼ ਨਹੀਂ ਸੀ। ਅਜਿਹੇ 'ਚ ਫੋਰਮ ਨੇ ਰੈਸਟੋਰੈਂਟ ਦੇ ਮਾਲਕ ਰਾਮੇਸ਼ਵਰ ਸਾਹ 'ਤੇ 1 ਲੱਖ 60 ਹਜ਼ਾਰ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਫੋਰਮ ਨੇ ਇਹ ਰਕਮ ਇੱਕ ਮਹੀਨੇ ਦੇ ਅੰਦਰ ਅਦਾ ਕਰਨ ਲਈ ਕਿਹਾ ਹੈ। ਭੁਗਤਾਨ ਨਾ ਕਰਨ ਦੀ ਸੂਰਤ ਵਿੱਚ ਸੱਤ ਫੀਸਦੀ ਵਿਆਜ ਦੀ ਦਰ ਨਾਲ ਸਾਰੀ ਰਕਮ ਵਸੂਲ ਕਰਨ ਦੇ ਹੁਕਮ ਵੀ ਦਿੱਤੇ ਗਏ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਧਮਾਕਿਆਂ ਨਾਲ ਦਹਿਲਿਆ ਧਾਰਾਵੀ ਦਾ ਇਲਾਕਾ, ਟਰੱਕ 'ਚ ਰੱਖੇ ਗੈਸ ਸਿਲੰਡਰ ਫਟਣ ਨਾਲ ਲੱਗੀ ਅੱਗ
NEXT STORY 
