ਨਵੀਂ ਦਿੱਲੀ - ਦਿੱਲੀ ਤੋਂ 15 ਜੋੜੀ ਵਿਸ਼ੇਸ਼ ਟਰੇਨਾਂ ਦੇ ਸ਼ੁਰੂ ਹੋਣ ਤੋਂ ਬਾਅਦ ਹੁਣ ਦਿੱਲੀ ਮੈਟਰੋ ਦੀਆਂ ਸੇਵਾਵਾਂ ਵੀ ਜਲਦ ਸ਼ੁਰੂ ਹੋ ਸਕਦੀਆਂ ਹਨ। ਦਿੱਲੀ ਮੈਟਰੋ ਨੇ ਅਜਿਹੇ ਸੰਕੇਤ ਦਿੱਤੇ ਹਨ। ਦਿੱਲੀ ਮੈਟਰੋ ਨੇ ਇੱਕ ਟਵੀਟ 'ਚ ਕਿਹਾ ਹੈ ਕਿ ਮੈਟਰੋ ਸਟੇਸ਼ਨਾਂ 'ਚ ਵਿਸ਼ੇਸ਼ ਰੂਪ ਨਾਲ ਸਿਖਿਅਤ ਹਾਉਸਕੀਪਿੰਗ ਸਟਾਫ ਰੱਖੇ ਗਏ ਹਨ ਜੋ ਪੈਸੇਂਜਰ ਮੂਵਮੈਂਟ ਏਰੀਆ ਨੂੰ ਸਾਫ਼ ਕਰਣਗੇ। ਡੀ.ਐਮ.ਆਰ.ਸੀ. ਮੁਤਾਬਕ ਮੈਟਰੋ ਦੀਆਂ ਸੇਵਾਵਾਂ ਸ਼ੁਰੂ ਹੋਣ 'ਤੇ ਸੁਰੱਖਿਅਤ ਮੂਵਮੈਂਟ ਲਈ ਮੈਟਰੋ ਪਰਿਸਰ 'ਚ ਮੌਜੂਦ ਮਸ਼ੀਨਾਂ ਜਿਵੇਂ ਏ.ਐਫ.ਸੀ. ਗੇਟ, ਲਿਫਟ, ਐਸਕਲੇਟਰਸ ਆਦਿ ਦੀ ਸਫਾਈ ਲਈ ਵੀ ਵਿਸ਼ੇਸ਼ ਸਟਾਫ ਨਿਯੁਕਤ ਕੀਤੇ ਗਏ ਹਨ।
22 ਮਾਰਚ ਤੋਂ ਬੰਦ ਹੈ ਦਿੱਲੀ ਮੈਟਰੋ
ਦਿੱਲੀ 'ਚ 22 ਮਾਰਚ ਤੋਂ ਹੀ ਮੈਟਰੋ ਸੇਵਾਵਾਂ ਬੰਦ ਹਨ। 22 ਮਾਰਚ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਨਤਾ ਕਰਫਿਊ ਦਾ ਐਲਾਨ ਕੀਤਾ ਸੀ। ਇਸ ਦੇ ਨਾਲ ਹੀ ਮੈਟਰੋ ਸੇਵਾਵਾਂ ਦਾ ਸੰਚਾਲਨ ਬੰਦ ਕਰ ਦਿੱਤਾ ਸੀ। ਇਸ ਦੇ ਬਾਅਦ 25 ਮਾਰਚ ਨੂੰ ਪੀ.ਐਮ. ਮੋਦੀ ਨੇ 3 ਹਫ਼ਤੇ ਲਈ ਲਾਕਡਾਊਨ ਦਾ ਐਲਾਨ ਕੀਤਾ ਸੀ। ਇਸ ਤੋਂ ਬਾਅਦ ਹੁਣ ਤੱਕ ਦਿੱਲੀ ਮੈਟਰੋ ਪੂਰੀ ਤਰ੍ਹਾਂ ਠੱਪ ਹੈ। ਦਿੱਲੀ ਮੈਟਰੋ ਦੀ ਆੲਾਜਾਈ ਵਿਵਸਥਾ ਰਾਜਧਾਨੀ ਲਈ ਲਾਈਫਲਾਈਨ ਮੰਨੀ ਜਾਂਦੀ ਹੈ। ਹੁਣ ਜਦੋਂ ਲਾਕਡਾਊਨ 'ਚ ਹੌਲੀ-ਹੌਲੀ ਢਿੱਲ ਦਿੱਤੀ ਜਾ ਰਹੀ ਹੈ ਤਾਂ ਮੈਟਰੋ ਦੀਆਂ ਸੇਵਾਵਾਂ ਵੀ ਖੋਲ੍ਹਣ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਪੈਦਲ ਘਰ ਨਾ ਜਾਣ ਪ੍ਰਵਾਸੀ, ਰੇਲਵੇ ਹੁਣ ਰੋਜ ਚਲਾਵੇਗਾ 100 'ਮਜ਼ਦੂਰ ਸਪੈਸ਼ਲ ਟਰੇਨ' : ਕੇਂਦਰ
NEXT STORY 
