ਨਵੀਂ ਦਿੱਲੀ- ਭਾਰਤ ਦੇ ਏਵੀਏਸ਼ਨ ਰੈਗੂਲੇਟਰ, ਡਾਇਰੈਕਟੋਰੇਟ ਜਨਰਲ ਆਫ ਸਿਵਲ ਐਵੀਏਸ਼ਨ (DGCA) ਨੇ ਐਤਵਾਰ ਨੂੰ ਜਾਣਕਾਰੀ ਦਿੱਤੀ ਹੈ ਕਿ ਭਾਰਤੀ ਏਅਰਲਾਈਨ ਕੰਪਨੀਆਂ ਨੇ ਏਅਰਬੱਸ A320 ਫਲੀਟ ਦੇ ਜ਼ਿਆਦਾਤਰ ਪ੍ਰਭਾਵਿਤ ਜਹਾਜ਼ਾਂ ਵਿੱਚ ਫਲਾਈਟ ਕੰਟਰੋਲ ਨਾਲ ਜੁੜੇ ਜ਼ਰੂਰੀ ਸਾਫਟਵੇਅਰ ਅਪਗ੍ਰੇਡ ਦਾ ਕੰਮ ਪੂਰਾ ਕਰ ਲਿਆ ਹੈ।
ਡੀ.ਜੀ.ਸੀ.ਏ. ਨੇ ਕਿਹਾ ਕਿ ਦੇਸ਼ ਦੇ 338 ਪ੍ਰਭਾਵਿਤ ਜਹਾਜ਼ਾਂ ਵਿੱਚੋਂ 323 ਜਹਾਜ਼ਾਂ ਵਿੱਚ ਸਾਫਟਵੇਅਰ ਅਪਗ੍ਰੇਡ ਦਾ ਕੰਮ ਪੂਰਾ ਹੋ ਚੁੱਕਾ ਹੈ। ਇਹ ਅਪਗ੍ਰੇਡ ਇਸ ਲਈ ਜ਼ਰੂਰੀ ਸੀ ਕਿਉਂਕਿ ਏਅਰਬੱਸ ਨੇ ਚੇਤਾਵਨੀ ਦਿੱਤੀ ਸੀ ਕਿ ਤੇਜ਼ ਸੋਲਰ ਰੇਡੀਏਸ਼ਨ ਕਾਰਨ A320 ਕਲਾਸ ਦੇ ਕਾਫੀ ਜਹਾਜ਼ਾਂ ਵਿੱਚ ਫਲਾਈਟ ਕੰਟਰੋਲ ਲਈ ਜ਼ਰੂਰੀ ਡਾਟਾ ਖਰਾਬ ਹੋ ਸਕਦਾ ਹੈ। DGCA ਨੇ ਏਅਰਲਾਈਨਾਂ ਨੂੰ ਲਾਜ਼ਮੀ ਸੁਰੱਖਿਆ ਸੋਧਾਂ ਪੂਰੀਆਂ ਹੋਣ ਤੱਕ Airbus A320 ਫਲੀਟ ਦੇ ਜਹਾਜ਼ਾਂ ਦੀਆਂ ਉਡਾਣਾਂ ਨੂੰ ਤੁਰੰਤ ਰੋਕਣ ਦਾ ਹੁਕਮ ਦਿੱਤਾ ਸੀ।
ਜਾਣਕਾਰੀ ਅਨੁਸਾਰ ਇੰਡੀਗੋ ਨੇ ਆਪਣੇ A320 ਫਲੀਟ ਦੇ ਸਾਰੇ 200 ਜਹਾਜ਼ਾਂ 'ਤੇ ਸਾਫਟਵੇਅਰ ਅਪਗ੍ਰੇਡ ਦਾ ਕੰਮ ਪੂਰੀ ਤਰ੍ਹਾਂ ਪੂਰਾ ਕਰ ਲਿਆ ਹੈ, ਜਦਕਿ ਏਅਰ ਇੰਡੀਆ ਨੇ ਆਪਣੇ 113 ਪ੍ਰਭਾਵਿਤ ਜਹਾਜ਼ਾਂ ਵਿੱਚੋਂ 100 ਆਪਰੇਟਿੰਗ ਜਹਾਜ਼ਾਂ ਦਾ ਅਪਗ੍ਰੇਡ ਪੂਰਾ ਕਰ ਲਿਆ ਹੈ। ਬਾਕੀ 4 ਜਹਾਜ਼ ਬੇਸ ਮੇਨਟੇਨੈਂਸ ਵਿੱਚ ਹਨ, ਜਦਕਿ 9 ਜਹਾਜ਼ਾਂ ਨੂੰ ਅਪਗ੍ਰੇਡ ਦੀ ਲੋੜ ਨਹੀਂ ਪਈ। ਉੱਥੇ ਹੀ ਏਅਰ ਇੰਡੀਆ ਐਕਸਪ੍ਰੈਸ ਨੇ ਆਪਣੇ 25 A320 ਜਹਾਜ਼ਾਂ ਵਿੱਚੋਂ 23 ਦਾ ਸਾਫਟਵੇਅਰ ਅਪਗ੍ਰੇਡ ਪੂਰਾ ਕਰ ਲਿਆ ਹੈ। ਡੀ.ਜੀ.ਸੀ.ਏ. ਨੇ ਸਖ਼ਤ ਹਦਾਇਤ ਦਿੱਤੀ ਹੈ ਕਿ ਲੋੜੀਂਦੇ ਸੁਰੱਖਿਆ ਮਾਪਦੰਡਾਂ ਨੂੰ ਪੂਰਾ ਕੀਤੇ ਬਿਨਾਂ ਕੋਈ ਵੀ ਜਹਾਜ਼ ਨਹੀਂ ਉੱਡਣਾ ਚਾਹੀਦਾ।
ਤੇਜ਼ ਰਫ਼ਤਾਰ ਤੇ ਧੁੰਦ ਕਾਰਨ ਵਾਪਰਿਆ ਹਾਦਸਾ! ਦੋ SUVs ਦੀ ਭਿਆਨਕ ਟੱਕਰ 'ਚ ਚਾਰ ਲੋਕਾਂ ਦੀ ਮੌਤ
NEXT STORY 
