ਨਵੀਂ ਦਿੱਲੀ— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ 15 ਅਗਸਤ ਨੂੰ ਆਜ਼ਾਦੀ ਦਿਵਸ 'ਤੇ ਦਿੱਤਾ ਗਿਆ ਪੂਰਾ ਭਾਸ਼ਣ ਆਕਾਸ਼ਵਾਣੀ ਨੇ ਪਹਿਲੀ ਵਾਰ 15 ਵਿਦੇਸ਼ੀ ਭਾਸ਼ਾਵਾਂ 'ਚ ਅਨੁਵਾਦ ਕਰ ਕੇ ਆਪਣੇ 'ਵਿਦੇਸ਼ੀ ਸੇਵਾਵਾਂ ਡਿਵੀਜ਼ਨ' (ਐਕਸਟਰਨਲ ਸਰਵਿਸੇਜ਼ ਡਿਵੀਜ਼ਨ... ਈ.ਐੱਸ.ਡੀ) ਦੇ ਮਾਧਿਅਮ ਨਾਲ ਪ੍ਰਸਾਰਿਤ ਕੀਤਾ। ਪਿਛਲੇ ਸਾਲ ਤੱਕ ਆਕਾਸ਼ਵਾਣੀ ਦੇ ਈ.ਐੱਸ.ਡੀ. ਦਾ ਵਿਦੇਸ਼ੀ ਭਾਸ਼ਾ ਸੇਵਾਵਾਂ ਵਿਭਾਗ ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਦੀਆਂ ਸਿਰਫ਼ ਮੁੱਖ ਝਲਕੀਆਂ ਹੀ ਪ੍ਰਸਾਰਿਤ ਕਰਦਾ ਸੀ। ਈ.ਐੱਸ.ਡੀ. ਦੇ ਨਿਰਦੇਸ਼ਕ ਅਮਲਾਨ ਮਜੂਮਦਾਰ ਨੇ ਐਤਵਾਰ ਨੂੰ ਕਿਹਾ,''ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ 15 ਅਗਸਤ ਨੂੰ ਆਜ਼ਾਦੀ ਦਿਵਸ 'ਤੇ ਲਾਲ ਕਿਲੇ ਦੀ ਪ੍ਰਾਚੀਰ ਤੋਂ ਦਿੱਤਾ ਗਿਆ ਪੂਰਾ ਭਾਸ਼ਣ ਪਹਿਲੀ ਵਾਰ ਪ੍ਰਸਾਰ ਭਾਰਤੀ ਨੇ ਆਕਾਸ਼ਵਾਣੀ ਦੇ ਵਿਦੇਸ਼ੀ ਸੇਵਾਵਾਂ ਡਿਵੀਜ਼ਨ ਦੇ ਮਾਧਿਅਮ ਨਾਲ 15 ਵਿਦੇਸ਼ੀ ਭਾਸ਼ਾਵਾਂ 'ਚ ਅਨੁਵਾਦ ਕਰ ਕੇ ਪ੍ਰਸਾਰਿਤ ਕੀਤਾ।''
ਇਨ੍ਹਾਂ ਭਾਸ਼ਾਵਾਂ 'ਚ ਉਪਲੱਬਧ ਹੈ ਮੋਦੀ ਦਾ ਭਾਸ਼ਣ
ਇਹ ਭਾਸ਼ਣ ਜਾਪਾਨੀ, ਜਰਮਨ ਅਤੇ ਸਪੈਨਿਸ਼ ਵੈੱਬਸਾਈਟ 'ਤੇ ਵੀ ਉਪਲੱਬਧ ਹੈ। ਜਿਨ੍ਹਾਂ 15 ਵਿਦੇਸ਼ੀ ਭਾਸ਼ਾਵਾਂ 'ਚ ਈ.ਐੱਸ.ਡੀ. ਨੇ ਮੋਦੀ ਦੇ ਭਾਸ਼ਣ ਦਾ ਪ੍ਰਸਾਰਨ ਕੀਤਾ ਉਹ ਅਰਬੀ, ਬਲੂਚੀ, ਬਰਮੀ, ਚੀਨੀ, ਦਾਰੀ, ਫਰੈਂਚ, ਇੰਡੋਨੇਸ਼ੀਆਈ, ਪਰਸ਼ੀਅਨ, ਪਸ਼ਤੂ, ਰੂਸੀ, ਸਿੰਹਲਾ, ਸਵਾਹਿਲੀ, ਥਾਈ, ਤਿੱਬਤੀ ਅਤੇ ਅੰਗਰੇਜ਼ੀ ਹਨ। ਆਕਾਸ਼ਵਾਣੀ ਨੇ ਡਾਇਰੈਕਟਰ ਜਨਰਲ ਐੱਫ. ਸ਼ਹਿਰਯਾਰ ਨੇ ਕਿਹਾ ਕਿ ਇਸ ਪਹਿਲ ਨਾਲ ਭਾਰਤ ਦੇ ਸੰਦੇਸ਼ ਨੂੰ ਜ਼ਿਆਦਾ ਪ੍ਰਭਾਵੀ ਤਰੀਕੇ ਨਾਲ ਵਿਦੇਸ਼ੀ ਦਰਸ਼ਕਾਂ ਤੱਕ ਪਹੁੰਚਾਉਣ 'ਚ ਮਦਦ ਮਿਲੇਗੀ। ਮਜੂਮਦਾਰ ਨੇ ਦੱਸਿਆ ਕਿ ਪ੍ਰਸਾਰ ਭਾਰਤੀ ਦੇ ਸੀ.ਈ.ਓ. ਸ਼ਸ਼ੀ ਸ਼ੇਖਰ ਵੇਮਪਤੀ ਦੀਆਂ ਕੋਸ਼ਿਸ਼ਾਂ ਦੇ ਨਤੀਜੇ ਵਜੋਂ ਇਸ ਸਾਲ ਈ.ਐੱਸ.ਡੀ. ਪੂਰੇ ਭਾਸ਼ਣ ਦਾ ਪ੍ਰਸਾਰਨ ਕਰ ਸਕਿਆ। ਉਨ੍ਹਾਂ ਨੇ ਦੱਸਿਆ ਕਿ ਪ੍ਰਸਾਰ ਭਾਰਤੀ ਅਤੇ ਆਕਾਸ਼ਵਾਣੀ ਦੇ ਈ.ਐੱਸ.ਡੀ. ਦੀ ਯੋਜਨਾ ਅਗਸਤ ਮਹੀਨੇ 'ਚ ਹੀ ਪ੍ਰਧਾਨ ਮੰਤਰੀ ਦੇ ਮਹੀਨਾਵਾਰ ਸੰਬੋਧਨ 'ਮਨ ਕੀ ਬਾਤ' ਦਾ ਵਿਦੇਸ਼ੀ ਭਾਸ਼ਾਵਾਂ 'ਚ ਅਨੁਵਾਦ ਕਰ ਕੇ ਪ੍ਰਸਾਰਿਤ ਕਰਨ ਦੀ ਵੀ ਹੈ।
ਮਹਾਰਾਸ਼ਟਰ : ਬੱਸ ਅਤੇ ਕੰਟੇਨਰ ਦੀ ਟੱਕਰ 'ਚ 15 ਲੋਕਾਂ ਦੀ ਮੌਤ, 35 ਜ਼ਖਮੀ
NEXT STORY