ਨਵੀਂ ਦਿੱਲੀ— ਕੇਂਦਰੀ ਗ੍ਰਹਿ ਮੰਤਰੀ ਤੇ ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਸੁਤੰਤਰਤਾ ਦਿਵਸ ਦੇ ਅਗਲੇ ਦਿਨ ਭਾਵ 16 ਅਗਸਤ ਨੂੰ ਹਰਿਆਣਾ ਦੇ ਜੀਂਦ 'ਚ ਜਨਤਕ ਸਭਾ ਨੂੰ ਸੰਬੋਧਿਤ ਕਰਨਗੇ। ਹਰਿਆਣਾ 'ਚ ਇਸੇ ਸਾਲ ਵਿਧਾਨ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ ਤੇ ਚੋਣਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਅਮਿਤ ਸ਼ਾਹ ਦੀ ਰੈਲੀ ਜੀਂਦ 'ਚ ਹੋ ਜਾ ਰਹੀ ਹੈ।
2014 ਦੇ ਹਰਿਆਣਾ ਵਿਧਾਨ ਸਭਾ ਚੋਣਾਂ 'ਚ ਸੂਬੇ ਦੀ ਕੁਲ 90 ਵਿਧਾਨ ਸਭਾ ਸੀਟਾਂ 'ਚੋਂ ਭਾਰਤੀ ਜਨਤਾ ਪਾਰਟੀ ਨੇ 47 ਸੀਟਾਂ 'ਤੇ ਜਿੱਤ ਹਾਸਲ ਕੀਤੀ ਸੀ ਜਦਕਿ ਕਾਂਗਰਸ ਨੂੰ 15, ਇੰਡੀਅਨ ਨੈਸ਼ਨਲ ਲੋਕਦਲ ਨੂੰ 19, ਆਜ਼ਾਦ ਨੂੰ 5 ਤੇ ਹੋਰਾਂ ਨੂੰ 4 ਸੀਟਾਂ 'ਤੇ ਜਿੱਤ ਮਿਲੀ ਸੀ।
2012 'ਚ ਹੋਏ ਹਰਿਆਣਾ ਵਿਧਾਨ ਸਭਾ ਚੋਣਾਂ 'ਚ ਕੁਲ 1,63,03,742 ਵੋਟਰ ਸਨ, ਜਿਨ੍ਹਾਂ 'ਚ 87,96,794 ਪੁਰਸ਼ ਤੇ 75,06,938 ਮਹਿਲਾ ਵੋਟਰ ਸਨ। ਕੁਲ ਵੋਟਰਾਂ 'ਚੋਂ 1,24,12,195 ਵੋਟਰਾਂ ਨੇ ਆਪਣੇ ਵੋਟ ਅਧਿਕਾਰ ਦਾ ਇਸਤੇਮਾਲ ਕੀਤਾ ਸੀ ਅਤੇ ਇਸ 'ਚ 4224 ਵੋਟ ਰੱਦ ਹੋ ਗਏ ਸਨ। ਕੁਲ 16,352 ਵੋਟ ਕੇਂਦਰਾਂ 'ਤੇ ਵੋਟਾਂ ਹੋਈਆਂ ਸਨ। ਚੋਣ ਲੜਨ ਵਾਲੇ ਉਮੀਦਵਾਰਾਂ ਦੀ ਗੱਲ ਕਰੀਏ ਤਾਂ ਕੁਲ 1351 ਉਮੀਦਵਾਰਾਂ ਨੇ ਚੋਣ ਲੜੀ ਸੀ, ਜਿਸ 'ਚ 1235 ਪੁਰਸ਼ ਤੇ 116 ਮਹਿਲਾ ਉਮੀਦਵਾਰ ਸਨ। ਜਿੱਤਣ ਵਾਲੇ 90 ਵਿਧਾਇਕਾਂ 'ਚ 77 ਵਿਧਾਇਕ ਪੁਰਸ਼ ਤੇ 13 ਮਹਿਲਾ ਵਿਧਾਇਕ ਜਿੱਤ ਕੇ ਆਏ।
ਅੰਤਰਾਸ਼ਟਰੀ ਨਗਰ ਕੀਰਤਨ ਦੇ ਸਵਾਗਤ ਲਈ ਪੁੱਜੇ ਉਤਰਾਖੰਡ ਦੇ CM ਤ੍ਰਿਵੇਂਦਰ ਰਾਵਤ
NEXT STORY 
