ਨੈਸ਼ਨਲ ਡੈਸਕ : ਪਾਲੀ ਸ਼ਹਿਰ ਦੇ ਬਾਂਗਰ ਹਸਪਤਾਲ ਮੈਡੀਕਲ ਕਾਲਜ ਵਿੱਚ ਆਯੋਜਿਤ ਕੀਤੇ ਗਏ ਇੱਕ ਸੈਮੀਨਾਰ ਵਿੱਚ ਇੱਕ ਭਰਾ-ਭੈਣ ਨੇ ਆਪਣੀ ਸ਼ਾਨਦਾਰ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰਦੇ ਹੋਏ ਸਭ ਨੂੰ ਹੈਰਾਨ ਕਰ ਦਿੱਤਾ। ਦੋਹਾਂ ਭੈਣ-ਭਰਾ ਨੇ ਨਾ ਸਿਰਫ਼ ਅੱਖਾਂ 'ਤੇ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਕਿਤਾਬ ਪੜ੍ਹੀ, ਸਗੋਂ ਸ਼ਬਦਾਂ ਅਤੇ ਵਸਤੂਆਂ ਦੀ ਪਛਾਣ ਵੀ ਕੀਤੀ। ਇਸ ਦੇ ਨਾਲ ਹੀ ਉਹਨਾਂ ਨੇ ਬਿਨਾਂ ਦੇਖੇ ਤਸਵੀਰਾਂ ਦੇ ਰੰਗਾਂ ਦੀ ਪਛਾਣ ਵੀ ਕਰ ਦਿੱਤੀ। ਦੋਵਾਂ ਭੈਣ-ਭਰਾ ਦੇ ਇਸ ਅਨੋਖੇ ਪ੍ਰਦਰਸ਼ਨ ਨੂੰ ਦੇਖ ਕੇ ਉੱਥੇ ਮੌਜੂਦ ਡਾਕਟਰ ਅਤੇ ਨਰਸਿੰਗ ਸਟਾਫ ਹੈਰਾਨ ਹੋ ਗਏ, ਜੋ ਆਪਣੇ ਆਪ ਨੂੰ ਤਾੜੀਆਂ ਮਾਰਨ ਤੋਂ ਰੋਕ ਨਹੀਂ ਸਕੇ।
ਇਹ ਵੀ ਪੜ੍ਹੋ - ਵੱਡੀ ਖ਼ਬਰ : ਕੇਂਦਰ ਨੇ ਬਦਲਿਆ ਸਿੱਖਿਆ ਦਾ ਨਿਯਮ, ਹੁਣ 5ਵੀਂ ਤੇ 8ਵੀਂ ਦੇ ਵਿਦਿਆਰਥੀ ਹੋਣਗੇ ਫੇਲ੍ਹ
ਦੱਸ ਦੇਈਏ ਕਿ ਇਸ ਘਟਨਾ ਪਾਲੀ ਦੇ ਹਾਊਸਿੰਗ ਬੋਰਡ ਇਲਾਕੇ ਦੇ ਸੂਰਿਆ ਪ੍ਰਤਾਪ ਜੇਟਾਵਤ (10ਵੀਂ ਜਮਾਤ ਦੇ ਵਿਦਿਆਰਥੀ) ਅਤੇ ਉਸ ਦੀ ਭੈਣ ਯਸ਼ਸਵੀ ਸੈਨੀਮਾਨ ਵਲੋਂ ਕੀਤੀ ਗਈ ਸੀ। ਸੈਮੀਨਾਰ 'ਚ ਦੋਵਾਂ ਨੇ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਕਿਤਾਬ ਪੜ੍ਹੀ, ਸ਼ਬਦਾਂ ਅਤੇ ਵਸਤੂਆਂ ਦੀ ਪਛਾਣ ਕੀਤੀ ਅਤੇ ਕਿਤਾਬ ਵਿਚ ਮੌਜੂਦ ਰੰਗ ਵੀ ਦੱਸੇ, ਜਿਸ ਤੋਂ ਬਾਅਦ ਉੱਥੇ ਮੌਜੂਦ ਲੋਕ ਹੈਰਾਨ ਰਹਿ ਗਏ ਅਤੇ ਤਾੜੀਆਂ ਵਜਾਉਣ ਲੱਗੇ। ਇਸ ਪ੍ਰਦਰਸ਼ਨ ਦੇ ਪਿੱਛੇ ਦੋਵਾਂ ਦਾ ਧਿਆਨ ਦਾ ਪ੍ਰਭਾਵ ਸੀ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਦਾ ਕਾਰਨ ਦੋਵਾਂ ਦਾ ਧਿਆਨ ਅਭਿਆਸ ਵੀ ਸੀ।
ਇਹ ਵੀ ਪੜ੍ਹੋ - 12 ਸੂਬਿਆਂ 'ਚ ਤੂਫਾਨ-ਮੀਂਹ ਦੇ ਨਾਲ-ਨਾਲ ਪੈਣਗੇ ਗੜੇ, ਪਹਾੜਾਂ 'ਚ ਬਰਫ਼ਬਾਰੀ ਦਾ ਅਲਰਟ ਜਾਰੀ
ਸੂਰਿਆ ਪ੍ਰਤਾਪ ਨੇ ਦੱਸਿਆ ਕਿ ਉਹਨਾਂ ਨੇ ਜੋਧਪੁਰ ਦੇ ਕੇਰੂ ਵਿੱਚ ਹਾਰਟਫੁੱਲਨੈਸ ਸੰਸਥਾ ਦੇ 9 ਦਿਨਾਂ ਕੈਂਪ ਵਿੱਚ ਹਿੱਸਾ ਲਿਆ ਸੀ। ਇਸ ਕੈਂਪ ਵਿੱਚ ਉਹਨਾਂ ਨੇ ਮੈਡੀਟੇਸ਼ਨ ਦੀਆਂ ਕਈ ਤਕਨੀਕਾਂ ਬਾਰੇ ਸਿੱਖਿਆ ਅਤੇ ਆਪਣੇ ਮਨ ਦੀ ਸਰਗਰਮੀ ਨੂੰ ਵਧਾਇਆ। ਇਸ ਅਭਿਆਸ ਤੋਂ ਬਾਅਦ ਉਹ ਦੋਵੇਂ ਦਿਨ ਵਿਚ ਜਲਦੀ ਉੱਠਣ ਅਤੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਧਿਆਨ ਕਰਨ ਲੱਗ ਪਏ। ਯਸ਼ਸਵੀ ਨੇ ਦੱਸਿਆ ਕਿ ਮੈਡੀਟੇਸ਼ਨ ਕਾਰਨ ਉਹਨਾਂ ਦਾ ਹੁਣ ਆਪਣੀ ਪੜ੍ਹਾਈ 'ਤੇ ਜ਼ਿਆਦਾ ਧਿਆਨ ਲੱਗਦਾ ਹੈ ਅਤੇ ਉਹਨਾਂ ਦਾ ਮਨ ਸ਼ਾਂਤ ਰਹਿੰਦਾ ਹੈ।
ਇਹ ਵੀ ਪੜ੍ਹੋ - ਬੁਰੀ ਖ਼ਬਰ! 1 ਜਨਵਰੀ ਤੋਂ ਇਨ੍ਹਾਂ Smartphones 'ਤੇ ਨਹੀਂ ਚਲੇਗਾ WhatsApp
ਮੈਡੀਟੇਸ਼ਨ ਦੇ ਫ਼ਾਇਦੇ
ਭੈਣ-ਭਰਾ ਨੇ ਦੱਸਿਆ ਕਿ ਧਿਆਨ ਦਾ ਅਭਿਆਸ ਕਰਨਾ ਮਾਨਸਿਕ ਸ਼ਾਂਤੀ ਅਤੇ ਬਿਹਤਰ ਫੋਕਸ ਲਈ ਲਾਭਦਾਇਕ ਹੈ। ਇਹ ਤਕਨੀਕ ਮਾਨਸਿਕ ਡੀਟੌਕਸ ਵਜੋਂ ਕੰਮ ਕਰਦੀ ਹੈ, ਜਿਸ ਨਾਲ ਨਕਾਰਾਤਮਕ ਭਾਵਨਾਵਾਂ ਨੂੰ ਬਾਹਰ ਕੱਢਿਆ ਜਾ ਸਕਦਾ ਹੈ ਅਤੇ ਤਣਾਅ ਨੂੰ ਘਟ ਕੀਤਾ ਜਾ ਸਕਦਾ ਹੈ। ਮੈਡੀਟੇਸ਼ਨ ਨਾਲ ਉਹਨਾਂ ਦਾ ਧਿਆਨ ਕੇਂਦਰਿਤ ਹੁੰਦੀ ਹੈ ਅਤੇ ਉਹ ਹਮੇਸ਼ਾ ਆਰਾਮਦਾਇਕ ਰਹਿੰਦੇ ਹਨ। ਇਸ ਪ੍ਰਦਰਸ਼ਨ ਨਾਲ ਸਾਬਤ ਹੁੰਦਾ ਹੈ ਕਿ ਧਿਆਨ ਨਾ ਸਿਰਫ਼ ਮਾਨਸਿਕ ਸ਼ਾਂਤੀ ਲਈ ਬਲਕਿ ਸਰੀਰਕ ਅਤੇ ਬੌਧਿਕ ਵਿਕਾਸ ਵਿੱਚ ਵੀ ਮਦਦਗਾਰ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ - ਖ਼ਾਸ ਖ਼ਬਰ: ਹੁਣ ਘਰ ਬੈਠੇ ਆਨਲਾਈਨ ਖਰੀਦ ਸਕਦੇ ਹੋ ਸਸਤੀਆਂ ਦਾਲਾਂ, ਜਾਣੋ ਕੀਮਤ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੰਸਦ 'ਚ ਧੱਕਾ-ਮੁੱਕੀ ਮਾਮਲਾ : ਭਾਜਪਾ ਸੰਸਦ ਮੈਂਬਰਾਂ ਨੂੰ ਹਸਪਤਾਲ ਤੋਂ ਮਿਲੀ ਛੁੱਟੀ
NEXT STORY 
