ਨਵੀਂ ਦਿੱਲੀ- ਕਸ਼ਮੀਰ ਵਿਚ ਅਮਰਨਾਥ ਯਾਤਰਾ ਦੌਰਾਨ ਤਾਇਨਾਤੀ ਲਈ ਤ੍ਰਿਪੁਰਾ ਤੋਂ ਸੀਮਾ ਸੁਰੱਖਿਆ ਫੋਰਸ (ਬੀ. ਐੱਸ. ਐੱਫ.) ਦੇ ਜਵਾਨਾਂ ਨੂੰ ਲਿਆਉਣ ਲਈ ਖਰਾਬ ਅਤੇ ਗੰਦੀਆਂ ਬੋਗੀਆਂ ਵਾਲੀ ਟਰੇਨ ਦੇ ਪ੍ਰਬੰਧ ਨੂੰ ਲੈ ਕੇ ਪੈਦਾ ਹੋਏ ਵਿਵਾਦ ਦੇ ਵਿਚਾਲੇ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ 4 ਅਧਿਕਾਰੀਆਂ ਨੂੰ ਮੁਅੱਤਲ ਕਰ ਦਿੱਤਾ ਅਤੇ ਜਾਂਚ ਦੇ ਆਦੇਸ਼ ਦਿੱਤੇ ਹਨ। ਰੇਲ ਮੰਤਰਾਲਾ ਵੱਲੋਂ ਬੁੱਧਵਾਰ ਨੂੰ ਜਾਰੀ ਬਿਆਨ ਮੁਤਾਬਕ, ਮੰਤਰੀ ਨੇ ਕਿਹਾ ਕਿ ਸੁਰੱਖਿਆ ਫੋਰਸਾਂ ਦਾ ਮਾਣ-ਸਨਮਾਨ ਸਭ ਤੋਂ ਉੱਪਰ ਹੈ ਅਤੇ ਅਜਿਹੀ ਲਾਪਰਵਾਹੀ ਕਿਸੇ ਵੀ ਪੱਧਰ ’ਤੇ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ। ਇਹ ਕਾਰਵਾਈ ਉੱਤਰ-ਪੂਰਬੀ ਸਰਹੱਦੀ ਰੇਲਵੇ ਜ਼ੋਨ ਵੱਲੋਂ ‘ਐਕਸ’ ’ਤੇ ਇਕ ਪੋਸਟ ਵਿਚ ਦੋਸ਼ਾਂ ਨੂੰ ਰੱਦ ਕਰਨ ਤੋਂ ਇਕ ਦਿਨ ਬਾਅਦ ਕੀਤੀ ਗਈ ਹੈ ਜਿੱਥੇ ਸੋਸ਼ਲ ਮੀਡੀਆ ਖਪਤਕਾਰਾਂ ਨੇ ਆਨਲਾਈਨ ਸਾਹਮਣੇ ਆਈ ਟਰੇਨ ਦੀ ਇਕ ਵੀਡੀਓ ’ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕੋਚਾਂ ਦੀ ਸਥਿਤੀ ’ਤੇ ਰੇਲਵੇ ਦੀ ਆਲੋਚਨਾ ਕੀਤੀ ਸੀ।
ਇਹ ਵੀ ਪੜ੍ਹੋ : ਵੱਡੀ ਖ਼ਬਰ ; ਕਾਂਗਰਸ ਦੇ MP ਤੇ 3 ਵਿਧਾਇਕਾਂ 'ਤੇ ਪੈ ਗਈ ED ਦੀ ਰੇਡ
ਬੀ.ਐੱਸ.ਐੱਫ. ਦੀਆਂ 13 ਕੰਪਨੀਆਂ ਦੇ ਲੱਗਭਗ 1,200 ਜਵਾਨਾਂ ਨੇ 6 ਜੂਨ ਨੂੰ ਤ੍ਰਿਪੁਰਾ ਦੇ ਉਦੈਪੁਰ ਤੋਂ ਜੰਮੂ ਤਵੀ ਲਈ ਇਕ ਵਿਸ਼ੇਸ਼ ਰੇਲਗੱਡੀ ਵਿਚ ਸਵਾਰ ਹੋਣਾ ਸੀ। ਟਰੇਨ ਦਾ ਰਸਤੇ ਵਿਚ ਕੁਝ ਥਾਵਾਂ ’ਤੇ ਸਟਾਪ ਸੀ ਤੇ ਤ੍ਰਿਪੁਰਾ, ਆਸਾਮ ਅਤੇ ਪੱਛਮੀ ਬੰਗਾਲ ਵਿਚ ਚਾਰ ਥਾਵਾਂ ਤੋਂ ਹੋਰ ਜਵਾਨ ਸਵਾਰ ਹੋਣ ਵਾਲੇ ਸਨ। ਕਾਂਗਰਸ ਬੁਲਾਰੇ ਸ਼ਮਾ ਮੁਹੰਮਦ ਨੇ ‘ਐਕਸ’ ’ਤੇ ਕਿਹਾ ਕਿ ਇਹ ਓਦੋਂ ਹੁੰਦਾ ਹੈ ਜਦੋਂ ਸਰਕਾਰ ਦਾ ਪੂਰਾ ਧਿਆਨ ਕੁਝ ਆਕਰਸ਼ਕ ਟਰੇਨ ਦੇ ਪ੍ਰਚਾਰ ’ਤੇ ਹੁੰਦਾ ਹੈ ਜਦਕਿ ਆਮ ਜਨਤਾ ਜਾਨਵਰਾਂ ਵਾਂਗ ਯਾਤਰਾ ਕਰਨ ਨੂੰ ਮਜਬੂਰ ਹੁੰਦੀ ਹੈ। ਉਨ੍ਹਾਂ ਕਿਹਾ ਕਿ ਅਮਰਨਾਥ ਯਾਤਰਾ ਦੀ ਤਾਇਨਾਤੀ ’ਤੇ ਜਾ ਰਹੇ ਸਾਡੇ ਬੀ. ਐੱਸ. ਐੱਫ. ਜਵਾਨਾਂ ਲਈ ਗੰਦਗੀ, ਕਾਕਰੋਚ ਅਤੇ ਟੁੱਟੀਆਂ ਸੀਟਾਂ ਨਾਲ ਭਰੀ ਇਕ ਗੰਦੀ ਟਰੇਨ ਮੁਹੱਈਆ ਕਰਾਉਣ ਲਈ ਪ੍ਰਧਾਨ ਮੰਤਰੀ ਮੋਦੀ ਅਤੇ ਰੇਲ ਮੰਤਰੀ ਅਸ਼ਵਨੀ ਵੈਸ਼ਵਨ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : Heatwave ਜਾਂ ਕੁਝ ਹੋਰ! ਬੋਹੜ ਦੇ ਦਰੱਖਤ ਹੇਠਾਂ ਮਰੇ ਮਿਲੇ ਸੈਂਕੜੇ ਚਮਗਿੱਦੜ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਾਏ ਗਰਮੀ! 12,13,14 ਜੂਨ ਤੱਕ IMD ਦਾ ਰੈੱਡ ਅਲਰਟ
NEXT STORY 
