ਧੌਲਪੁਰ- ਤੇਜ਼ ਰਫ਼ਤਾਰ ਬੱਸ ਨੇ ਟੈਂਪੂ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ 'ਚ 12 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਬੱਸ ਦਾ ਡਰਾਈਵਰ ਜ਼ਖ਼ਮੀ ਹੋ ਗਿਆ। ਇਹ ਭਿਆਨਕ ਹਾਦਸਾ ਰਾਜਸਥਾਨ ਦੇ ਧੌਲਪੁਰ 'ਚ ਨੈਸ਼ਨਲ ਹਾਈਵੇਅ-11ਬੀ 'ਤੇ ਵਾਪਰਿਆ। ਜਾਣਕਾਰੀ ਅਨੁਸਾਰ ਸਾਰੇ ਲੋਕ ਵਿਆਹ ਸਮਾਰੋਹ ਤੋਂ ਪਰਤ ਰਹੇ ਸਨ। ਮਰਨ ਵਾਲਿਆਂ 'ਚ 8 ਬੱਚੇ ਦੱਸੇ ਜਾ ਰਹੇ ਹਨ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਸਾਰੀਆਂ ਲਾਸ਼ਾਂ ਨੂੰ ਬਾੜੀ ਹਸਪਤਾਲ ਦੇ ਮੁਰਦਾਘਰ 'ਚ ਰਖਵਾਇਆ।
ਹਾਦਸਾ ਸ਼ਨੀਵਾਰ ਰਾਤ ਕਰੀਬ 11 ਵਜੇ ਵਾਪਰਿਆ। ਜਾਣਕਾਰੀ ਅਨੁਸਾਰ ਬਾੜੀ ਸ਼ਹਿਰ ਦੇ ਕਰੀਮ ਗੁਮਟ ਦੇ ਰਹਿਣ ਵਾਲੇ ਕਰੀਬ 15 ਲੋਕ ਸਰਮਥੁਰਾ ਇਲਾਕੇ ਦੇ ਬਰੌਲੀ 'ਚ ਵਿਆਹ ਸਮਾਰੋਹ 'ਚ ਗਏ ਸਨ। ਇਨ੍ਹਾਂ 'ਚ ਜ਼ਿਆਦਾਤਰ ਬੱਚੇ ਸਨ। ਦੇਰ ਰਾਤ ਨੂੰ ਸਾਰੇ ਲੋਕ ਟੈਂਪੂ ਤੋਂ ਬਾੜੀ ਪਰਤ ਰਹੇ ਸਨ। ਰਾਤ ਕਰੀਬ 11 ਵਜੇ ਨੈਸ਼ਨਲ ਹਾਈਵੇਅ-11 ਬੀ 'ਤੇ ਸੁੰਨੀਪੁਰ ਪਿੰਡ ਕੋਲ ਧੌਲਪੁਰ ਤੋਂ ਜੈਪੁਰ ਜਾ ਰਹੀ ਤੇਜ਼ ਰਫ਼ਤਾਰ ਬੱਸ ਨੇ ਟੈਂਪੂ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਤੋਂ ਬਾਅਦ ਮੌਕੇ 'ਤੇ ਚੀਕ ਪੁਕਾਰ ਪੈ ਗਈ। ਇਸ ਦੌਰਾਨ ਹਾਈਵੇਅ ਤੋਂ ਲੰਘ ਰਹੇ ਦੂਜੇ ਵਾਹਨ ਸਵਾਰ ਮੌਕੇ 'ਤੇ ਰੁਕੇ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ। ਪੁਲਸ ਨੇ ਟੈਂਪੂ ਸਵਾਰ ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕਰਵਾਚੌਥ ’ਤੇ 22,000 ਕਰੋੜ ਦਾ ਬਿਜ਼ਨੈੱਸ ਹੋਣ ਦੀ ਉਮੀਦ
NEXT STORY 
