ਸ਼੍ਰੀਨਗਰ : ਸਰਹੱਦ ਸੁਰੱਖਿਆ ਬਲ (ਬੀ.ਐੱਸ.ਐੱਫ.) ਨੇ ਸੋਮਵਾਰ ਨੂੰ ਕਿਹਾ ਕਿ ਜੰਮੂ-ਕਸ਼ਮੀਰ 'ਚ ਕੰਟਰੋਲ ਲਾਈਨ 'ਤੇ ਮਾਛਿਲ ਸੈਕਟਰ 'ਚ ਇਹ ਯਕੀਨੀ ਕਰਨ ਲਈ ਮੁਹਿੰਮ ਅਜੇ ਵੀ ਜਾਰੀ ਹੈ ਕਿ ਖੇਤਰ 'ਚ ਕਿਤੇ ਕੋਈ ਹੋਰ ਅੱਤਵਾਦੀ ਤਾਂ ਮੌਜੂਦ ਨਹੀਂ ਹੈ। ਉੱਤਰੀ ਕਸ਼ਮੀਰ 'ਚ ਕੁਪਵਾੜਾ ਜ਼ਿਲ੍ਹੇ ਦੇ ਮਾਛਿਲ ਸੈਕਟਰ 'ਚ ਐਤਵਾਰ ਨੂੰ ਅੱਤਵਾਦੀਆਂ ਦੀ ਘੁਸਪੈਠ ਨੂੰ ਅਸਫਲ ਕਰਦੇ ਸਮੇਂ ਇੱਕ ਅਧਿਕਾਰੀ ਸਮੇਤ ਤਿੰਨ ਫੌਜੀ ਜਵਾਨ ਅਤੇ ਬੀ.ਐੱਸ.ਐੱਫ. ਦਾ ਇੱਕ ਕਾਂਸਟੇਬਲ ਸ਼ਹੀਦ ਹੋ ਗਿਆ ਸੀ। ਸੁਰੱਖਿਆ ਬਲਾਂ ਨੇ ਇਸ ਦੌਰਾਨ ਤਿੰਨ ਅੱਤਵਨਾਦੀਆਂ ਨੂੰ ਮਾਰ ਗਿਰਾਇਆ ਸੀ।
ਬੀ.ਐੱਸ.ਐੱਫ. ਤੋਂ ਇਲਾਵਾ ਜਨਰਲ ਡਾਇਰੈਕਟਰ ਸੁਰਿੰਦਰ ਪਵਾਰ ਨੇ ਕਿਹਾ, ਮੁਹਿੰਮ ਅਜੇ ਵੀ ਜਾਰੀ ਹੈ। ਖੇਤਰ ਪਹੁੰਚ ਤੋਂ ਬਾਹਰ ਅਤੇ ਉੱਚਾ-ਨੀਵਾਂ ਹੈ। ਅਸੀਂ ਖੁਦ ਨੂੰ ਇਸ ਬਾਰੇ ਸੰਤੁਸ਼ਟ ਕਰਨਾ ਚਾਹਾਂਗੇ ਕਿ ਉੱਥੇ ਕੋਈ ਅੱਤਵਾਦੀ ਨਹੀਂ ਹੈ। ਉਹ ਸ਼ਹਿਰ ਦੇ ਬਾਹਰੀ ਇਲਾਕੇ 'ਚ ਬੀ.ਐੱਸ.ਐੱਫ. ਐੱਸ.ਟੀ.ਸੀ., ਹੁਮਹਾਮਾ 'ਚ ਕਾਂਸਟੇਬਲ ਸੁਦੀਰ ਸਰਕਾਰ ਨੂੰ ਸ਼ਰਧਾਂਜਲੀ ਦੇਣ ਦੇ ਪ੍ਰੋਗਰਾਮ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਪਵਾਰ ਨੇ ਕਿਹਾ ਕਿ ਇਹ ਘੁਸਪੈਠ ਦੀ ਕੋਸ਼ਿਸ਼ ਸੀ, ਨਾ ਕਿ ਪਾਕਿਸਤਾਨ ਦੀ ਬਾਰਡਰ ਐਕਸ਼ਨ ਟੀਮ (ਬੈਟ) ਦਾ ਹਮਲਾ।
ਉਨ੍ਹਾਂ ਦੱਸਿਆ ਕਿ ਸੁਰੱਖਿਆ ਬਲਾਂ ਨੂੰ ਇੱਕ ਪੰਦਰਵਾੜੇ ਪਹਿਲਾਂ ਘੁਪਸੈਠ ਦੇ ਅੱਤਵਾਦੀਆਂ ਦੀ ਕੋਸ਼ਿਸ਼ ਬਾਰੇ ਸੂਚਨਾ ਮਿਲੀ ਸੀ। ਪਵਾਰ ਨੇ ਕਿਹਾ, ਸਾਨੂੰ ਲੱਗਭੱਗ 15 ਦਿਨ ਪਹਿਲਾਂ ਸੂਚਨਾ ਮਿਲੀ ਸੀ ਕਿ ਅੱਤਵਾਦੀ ਘੁਸਪੈਠ ਦੀ ਕੋਸ਼ਿਸ਼ ਕਰਨਗੇ। ਇਸ ਲਈ ਸਾਡੀ ਘਾਤ ਲਗਾ ਕੇ ਕਾਰਵਾਈ ਕਰਨ ਵਾਲੀ ਅਤੇ ਗਸ਼ਤੀ ਟੀਮ ਨੇ ਖੇਤਰ 'ਚ ਰਾਤ ਦੇ ਸਮੇਂ ਪਹਿਰੇਦਾਰੀ ਕੀਤੀ। ਰਾਤ (ਐਤਵਾਰ ਨੂੰ) ਲੱਗਭੱਗ 1 ਵਜੇ ਗਸ਼ਤੀ ਟੀਮ ਨੂੰ ਕੁੱਝ ਸ਼ੱਕੀ ਸਰਗਰਮੀਆਂ ਦਿਖੀਆਂ ਅਤੇ ਉਸ ਨੇ ਅੱਤਵਾਦੀਆਂ ਨੂੰ ਚੁਣੌਤੀ ਦਿੱਤੀ। ਅੱਤਵਾਦੀਆਂ ਨੇ ਗੋਲੀਬਾਰੀ ਕਰ ਦਿੱਤੀ ਜਿਸ ਨਾਲ ਕਾਂਸਟੇਬਲ ਬੁਰੀ ਤਰ੍ਹਾਂ ਜਖ਼ਮੀ ਹੋ ਗਏ। ਉਹ ਬਹਾਦਰੀ ਨਾਲ ਲੜੇ ਅਤੇ ਸ਼ਹੀਦ ਹੋਣ ਤੋਂ ਪਹਿਲਾਂ ਇੱਕ ਅੱਤਵਾਦੀ ਨੂੰ ਮਾਰ ਗਿਰਾਇਆ। ਉਨ੍ਹਾਂ ਕਿਹਾ ਕਿ ਦੋ ਹੋਰ ਅੱਤਵਾਦੀ ਘਟਨਾ ਵਾਲੇ ਸਥਾਨ ਤੋਂ ਭੱਜ ਗਏ ਅਤੇ ਬੀ.ਐੱਸ.ਐੱਫ. ਨੇ ਇਸ ਦੀ ਸੂਚਨਾ ਆਪਣੀਆਂ ਹੋਰ ਚੌਕੀਆਂ ਅਤੇ ਫੌਜ ਨੂੰ ਦਿੱਤੀ।
ਕੋਵਿਡ-19 ਨੂੰ ਮਾਤ ਦੇਣ ਨੂੰ ਤਿਆਰ ਰਾਜੋਰੀ, 200 ਬੈਡ ਵਾਲੇ ਹਸਪਤਾਲ ਦਾ ਕੰਮ ਜ਼ੋਰਾਂ 'ਤੇ
NEXT STORY 
