ਮੁੰਬਈ, (ਭਾਸ਼ਾ)- ਕਤਲ ਦੀ ਕੋਸ਼ਿਸ਼ ਦੇ ਮਾਮਲੇ ਵਿਚ 16 ਸਾਲਾਂ ਤੋਂ ਫਰਾਰ ਚੱਲ ਰਹੇ ਛੋਟਾ ਰਾਜਨ ਗੈਂਗ ਦੇ ਇਕ ਮੈਂਬਰ ਨੂੰ ਇੱਥੋਂ ਦੇ ਪੂਰਬੀ ਉਪਨਗਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੇਵਨਾਰ ਥਾਣੇ ਦੀ ਟੀਮ ਨੇ ਮੁਲਜ਼ਮ ਵਿਲਾਸ ਬਲਰਾਮ ਪਵਾਰ ਉਰਫ਼ ਰਾਜੂ (62) ਨੂੰ ਚੈਂਬੂਰ ਇਲਾਕੇ ਤੋਂ ਫੜਿਆ। ਪਵਾਰ ਕਤਲ ਅਤੇ ਕਤਲ ਦੀ ਕੋਸ਼ਿਸ਼ ਵਰਗੇ ਗੰਭੀਰ ਅਪਰਾਧਾਂ ਵਿਚ ਸ਼ਾਮਲ ਹੈ ਅਤੇ ਉਸ ਦੇ ਖ਼ਿਲਾਫ ਅਸਲਾ ਐਕਟ ਤਹਿਤ ਕੇਸ ਦਰਜ ਹਨ।
ਉਸ ਨੇ 1992 ਵਿਚ ਪਿੰਡ ਘਾਟਲਾ ਵਿਚ ਕਥਿਤ ਤੌਰ ’ਤੇ ਇਕ ਵਿਅਕਤੀ ਨੂੰ ਗੋਲੀ ਮਾਰ ਕੇ ਜ਼ਖ਼ਮੀ ਕਰ ਦਿੱਤਾ ਸੀ ਅਤੇ ਇਸ ਕੇਸ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਪਰ 2008 ਵਿਚ ਜ਼ਮਾਨਤ ’ਤੇ ਰਿਹਾਅ ਹੋਣ ਤੋਂ ਬਾਅਦ ਉਹ ਫਰਾਰ ਹੋ ਗਿਆ ਸੀ। ਉਹ ਗ੍ਰਿਫਤਾਰੀ ਤੋਂ ਬਚਣ ਲਈ ਆਪਣਾ ਟਿਕਾਣਾ ਬਦਲਦਾ ਰਿਹਾ।
ਹੁਣ ROBOT ਸਾਫ ਕਰਨਗੇ ਗਲੀਆਂ ਤੇ ਨਾਲੀਆਂ! ਕੂੜਾ ਚੁੱਕਣ ਦਾ ਝੰਜਟ ਵੀ ਹੋਵੇਗਾ ਖ਼ਤਮ
NEXT STORY 
