ਨਵੀਂ ਦਿੱਲੀ- ਕਾਂਗਰਸ ਨੇ ਸੋਮਵਾਰ ਨੂੰ ਦੋਸ਼ ਲਗਾਇਆ ਕਿ ਮੋਦੀ ਸਰਕਾਰ ਦੀ 'ਸਮੁੰਦਰ ਮੰਥਨ' ਯੋਜਨਾ ਅਡਾਨੀ ਸਮੂਹ ਨੂੰ ਫਾਇਦਾ ਪਹੁੰਚਾਉਣ ਲਈ ਸ਼ੁਰੂ ਕੀਤੀ ਗਈ ਹੈ। ਮੁੱਖ ਵਿਰੋਧੀ ਦਿਲ ਨੇ ਇਹ ਵੀ ਕਿਹਾ ਕਿ ਇਸ ਯੋਜਨਾ ਨੂੰ ਰੱਦ ਕੀਤਾ ਜਾਵੇ ਜਾਂ ਇਸ ਲਈ ਅਲਾਟ ਪੂਰੀ ਰਾਸ਼ੀ ਸਰਕਾਰੀ ਖੇਤਰ ਦੀ ਊਰਜਾ ਕੰਪਨੀ ਓਐੱਨਜੀਸੀ ਨੂੰ ਦੇ ਕੇ ਰੁਜ਼ਗਾਰ ਸਿਰਜਣ ਅਤੇ ਤੇਲ-ਗੈਸ ਦੀ ਖੋਜ 'ਚ ਇਸਤੇਮਾਲ ਕੀਤੀ ਜਾਵੇ। ਕਾਂਗਰਸ ਬੁਲਾਰੇ ਸ਼ਕਤੀਸਿੰਘ ਗੋਇਲ ਨੇ ਇੱਥੇ ਇਕ ਪੱਤਰਕਾਰ ਸੰਮੇਲਨ 'ਚ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਵਾਲੀ ਕੇਂਦਰੀ ਕੈਬਨਿਟ ਨੇ ਪਿਛਲੇ ਮਹੀਨੇ 'ਸਮੁੰਦਰ ਮੰਥਨ' ਯੋਜਨਾ ਨੂੰ ਮਨਜ਼ੂਰੀ ਦਿੱਤੀ ਅਤੇ ਇਸ ਤੋਂ ਪਹਿਲੇ ਪੜਾਅ ਲਈ 84,084 ਕਰੋੜ ਰੁਪਏ ਦਾ ਅਲਾਟ ਕੀਤੇ। ਉਨ੍ਹਾਂ ਦੋਸ਼ ਲਗਾਇਆ,''ਨਰਿੰਦਰ ਮੋਦੀ ਸਰਕਾਰ ਨੇ ਅਜਿਹਾ ਢਾਂਚਾ ਤਿਆਰ ਕੀਤਾ ਹੈ, ਜਿਸ ਦੇ ਅਧੀਨ 'ਸਮੁੰਦਰ ਮੰਥਨ ਯੋਜਨਾ' ਦੇ ਮਾਧਿਅਮ ਨਾਲ ਅਡਾਨੀ ਨੂੰ ਮਦਦ ਦਿੱਤੀ ਜਾਵੇਗੀ।''
ਸ਼ਕਤੀਸਿੰਘ ਗੋਇਲ ਦੇ ਇਸ ਬਿਆਨ ਦਾ ਵੀਡੀਓ ਸ਼ੇਅਰ ਕਰਦੇ ਹੋਏ ਕਾਂਗਰਸ ਦੇ ਜਨਰਲ ਸਕੱਤਰ ਜੈਰਾਮ ਰਮੇਸ਼ ਨੇ ਕਿਹਾ,''ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜੀ ਨੇ ਆਪਣੇ ਦੋਸਤ ਪੂੰਜੀਪਤੀ ਅਡਾਨੀ ਨੂੰ ਫਾਇਦਾ ਪਹੁੰਚਾਉਣ ਲਈ ਇਕ ਅਨੋਖੀ ਸਮੁੰਦਰ ਮੰਥਨ ਯੋਜਨਾ ਲਾਂਚ ਕੀਤੀ ਹੈ, ਜਿਸ 'ਚ ਦੇਸ਼ ਦੀ ਜਨਤਾ ਦੇ ਹਿੱਸੇ 'ਚ ਜ਼ਹਿਰ ਅਤੇ ਅਡਾਨੀ ਦੇ ਹਿੱਸੇ 'ਚ ਸਿਰਫ਼ ਅੰਮ੍ਰਿਤ ਆਏਗਾ।'' ਉਨ੍ਹਾਂ ਕਿਹਾ,''ਜਨਤਕ ਖੇਤਰ ਦੀ ਕੰਪਨੀ ਓਐੱਨਜੀਸੀ ਦਾ ਬਿਹਾਤਰ ਟਰੈਕ ਰਿਕਾਰਡ ਹੈ ਪਰ ਉਸ ਨੂੰ ਕਿਨਾਰਾ ਕਰ ਕੇ ਅਡਾਨੀ ਨੂੰ ਫਾਇਦਾ ਪਹੁੰਚਾਉਣ ਲਈ 84,084 ਕਰੋੜ ਰੁਪਏ ਦੀ ਇਹ ਯੋਜਨਾ ਲਾਗੂ ਕੀਤੀ ਗਈ ਹੈ, ਜਿਸ ਦੇ ਅਧੀਨ ਸਰਕਾਰੀ ਪੈਸੇ ਨੂੰ ਡਕਾਰ ਘਾਟੇ 'ਚ ਚੱਲ ਰਹੀ ਅਡਾਨੀ ਵੇਲਸਪਨ ਐਕਸਪਲੋਰੇਸ਼ਨ ਲਿਮਟਿਡ ਨੂੰ ਫਾਇਦਾ ਪਹੁੰਚਾਇਆ ਜਾ ਰਿਹਾ ਹੈ। ਕਾਂਗਰਸ ਦੀ ਮੰਗ ਹੈ ਕਿ ਇਸ ਯੋਜਨਾ ਨੂੰ ਤੁਰੰਤ ਖ਼ਤਮ ਕੀਤਾ ਜਾਵੇ, ਤੇਲ ਤੇ ਗੈਸ ਖੋਜ ਲਈ ਇਹ ਰਾਸ਼ੀ ਓਐੱਨਜੀਸੀ ਨੂੰ ਦਿੱਤੀ ਜਾਵੇ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਖੰਡ ਦੀਆਂ ਕੀਮਤਾਂ 'ਚ ਵੱਡੀ ਗਿਰਾਵਟ; ਰੇਟ ਘਟਾਉਣ ਲਈ ਸਰਕਾਰ ਨੇ ਕੀਤੀ ਸਖ਼ਤੀ
NEXT STORY 
