ਸ਼ਿਮਲਾ- ਰਸੋਈ ਗੈਸ ਦੀ ਕਮੀ ਕਾਰਨ 'ਚੁੱਲ੍ਹੇ' ਮੁੜ ਤੋਂ ਵਰਤੋਂ 'ਚ ਆ ਚੁੱਕੇ ਹਨ ਅਤੇ ਇੱਥੇ ਤੱਕ ਕਿ ਵਿਧਾਨ ਸਭਾ ਦੇ ਅਧਿਕਾਰਤ ਖਾਣ-ਪੀਣ (ਕੇਟਰਿੰਗ ਪ੍ਰਦਾਤਾ) ਸੇਵਾ ਪ੍ਰਦਾਤਾ 'ਹੋਟਲ ਹੋਲੀਡੇਅ ਹੋਮ' (ਐੱਚਐੱਚਐੱਚ) ਵੀ 'ਚੁੱਲ੍ਹੇ' ਦਾ ਸਹਾਰਾ ਲੈਣ ਲੱਗੇ ਹਨ। ਇਹ ਹੋਟਲ ਹਿਮਾਚਲ ਪ੍ਰਦੇਸ਼ ਸੈਰ-ਸਪਾਟਾ ਵਿਕਾਸ ਨਿਗਮ (ਐੱਚਪੀਟੀਡੀਸੀ) ਦੇ ਅਧੀਨ ਆਉਂਦਾ ਹੈ। ਇਹ ਤਬਦੀਲੀ ਰਸੋਈ ਗੈਸ ਦੀ ਸਪਲਾਈ 'ਚ ਆ ਰਹੀਆਂ ਪਰੇਸ਼ਾਨੀਆਂ ਕਾਰਨ ਹੋਈ ਹੈ, ਕਿਉਂਕਿ ਰਸੋਈ ਸਟਾਫ਼ ਖਾਣ ਦਾ ਸੁਆਦ ਬਣਾਏ ਰੱਖਣ ਲਈ ਖਾਣਾ ਪਕਾਉਣ 'ਚ ਅਜੇ ਜ਼ਿਆਦਾ ਸਮਾਂ ਲੈ ਰਹੇ ਹਨ। ਹੋਟਲ ਦੇ ਇਕ ਕਰਮਚਾਰੀ ਅਨੁਸਾਰ, ਰਸੋਈਏ ਸਵੇਰੇ 7 ਵਜੇ ਆਉਂਦੇ ਹਨ ਅਤੇ ਤਿਆਰੀਆਂ ਦੀ ਸ਼ੁਰੂਆਤ ਕਰਦੇ ਹਨ, 7 ਮੀਟਰ ਲੰਬੇ ਚੁੱਲ੍ਹੇ 'ਚ ਲੱਕੜ ਰੱਖਦੇ ਹਨ, ਜੋ ਇਕ ਸਮੇਂ 'ਚ ਚਾਰ ਭੋਜਨ ਪਕਾਉਂਦਾ ਹੈ। ਐੱਚਐੱਚਐੱਚ 'ਚ ਰਸੋਈ ਦੀ ਨਿਗਰਾਨੀ ਕਰਨ ਵਾਲੇ ਅਰੁਣ ਦੁਲਤਾ ਨੇ ਦੱਸਿਆ ਕਿ ਰਵਾਇਤੀ ਤਰੀਕੇ ਵੱਧ ਸਮਾਂ ਲੈਂਦੇ ਹਨ ਅਤੇ 600-700 ਲੋਕਾਂ ਲਈ ਖਾਣਾ ਤਿਆਰ ਕਰਨ 'ਚ ਤਿੰਨ ਘੰਟੇ ਵੱਧ ਲੱਗ ਜਾਂਦੇ ਹਨ। ਇਨ੍ਹਾਂ ਲੋਕਾਂ 'ਚ ਵਿਧਾਨ ਸਭਾ 'ਚ ਲੰਚ ਕਰਨ ਵਾਲੇ ਵੀ ਸ਼ਾਮਲ ਹਨ।''
ਇਕ ਹੋਰ ਹੋਟਲ ਕਰਮਚਾਰੀ ਨੇ ਦੱਸਿਆ ਕਿ ਰਸੋਈ ਗੈਸ ਸੰਕਟ ਦਾ ਸਭ ਤੋਂ ਮੁੱਖ ਅਸਰ ਚੀਨੀ ਭੋਜਨਾਂ 'ਤੇ ਪਿਆ ਹੈ, ਜਿਨ੍ਹਾਂ ਨੂੰ ਭੋਜਨ ਸੂਚੀ (ਮੈਨਿਊ) ਤੋਂ ਹਟਾ ਦਿੱਤਾ ਗਿਆ ਹੈ, ਕਿਉਂਕਿ ਇਨ੍ਹਾਂ ਨੂੰ ਤੇਜ਼ ਸੇਕ 'ਤੇ ਪਕਾਉਣਾ ਪੈਂਦਾ ਹੈ। ਉਨ੍ਹਾਂ ਕਿਹਾ ਕਿ ਫਿਲਹਾਲ ਧਿਆਨ ਭਾਰਤੀ ਪਕਵਾਨਾਂ ਜਿਵੇਂ ਰਾਜਮਾ, ਦਾਲ, ਮਸ਼ਰੂਮ, ਪਨੀਰ ਅਤੇ ਸਬਜ਼ੀਆਂ, ਨਾਲ ਹੀ ਰੋਟੀ ਅਤੇ ਚੌਲਾਂ 'ਤੇ ਹੈ। ਦੁਲਤਾ ਅਨੁਸਾਰ, ਹੋਟਲ ਦੇ ਵਿਧਾਨ ਸਭਾ ਦੇ ਬਜਟ ਸੈਸ਼ਨ ਲਈ ਲਗਭਗ ਇਕ ਦਰਜਨ ਵੱਧ ਰਸੋਈਏ ਅਤੇ ਸਹਾਇਕਾਂ ਨੂੰ ਕੰਮ 'ਤੇ ਰੱਖਿਆ ਹੈ। ਇਸ ਵਿਚ, ਰਸੋਈਏ ਧਨੀ ਰਾਮ ਸ਼ਰਮਾ ਨੇ ਕਿਹਾ ਕਿ ਚੁੱਲ੍ਹੇ 'ਤੇ ਪਕਾਇਆ ਗਿਆ ਖਾਣਾ, ਜਿਸ ਨੂੰ ਸਥਾਨਕ ਬੋਲੀ 'ਚ 'ਚਾਰ' ਵੀ ਕਿਹਾ ਜਾਂਦਾ ਹੈ, ਹਲਕੀ ਪ੍ਰਕਿਰਿਆ ਕਾਰਨ ਬਿਹਤਰ ਸਵਾਦ ਅਤੇ ਖੁਸ਼ਬੂ ਵਾਲਾ ਹੁੰਦਾ ਹੈ। ਉਨ੍ਹਾਂ ਕਿਹਾ,''ਤੇਜ਼ ਗੈਸ ਚੁੱਲ੍ਹਿਆਂ ਦੀ ਤੁਲਨਾ 'ਚ, ਚੁੱਲ੍ਹੇ 'ਤੇ ਪਕਾਇਆ ਗਿਆ ਖਾਣਾ ਕਦੇ ਪੇਟ ਦੀਆਂ ਸਮੱਸਿਆਵਾਂ ਨਹੀਂ ਪੈਦਾ ਕਰਦਾ।'' ਹੋਟਲ ਖਾਣਾ ਬਣਾਉਣ ਲਈ ਲੱਕੜ ਡਿਪੋ ਤੋਂ ਪ੍ਰਾਪਤ ਕਰ ਰਿਹਾ ਹੈ। ਖਾਣਾ ਬਣਾਉਣ ਵਾਲੇ ਇਕ ਹੋਰ ਵਿਅਕਤੀ ਬੇਲੀ ਰਾਮ ਨੇ ਕਿਹਾ ਕਿ ਉਹ ਪੂਰੀ ਮਿਹਨਤ ਕਰ ਰਹੇ ਹਨ ਤਾਂ ਕਿ ਵਿਧਾਨ ਸਭਾ ਦੀ ਕਾਰਵਾਈ 'ਤੇ ਕੋਈ ਅਸਰ ਨਾ ਪਵੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਗਲੇ 3 ਦਿਨ ਬੇਹੱਦ ਖ਼ਾਸ! ਕਈ ਸੂਬਿਆਂ 'ਚ ਧੂੜ ਭਰੀ ਹਨ੍ਹੇਰੀ ਦੇ ਨਾਲ ਬਿਜਲੀ ਡਿੱਗਣ ਦੀ ਸੰਭਾਵਨਾ
NEXT STORY 
