ਨਵੀਂ ਦਿੱਲੀ : ਦੇਸ਼ ਵਿਚ ਸਭ ਤੋਂ ਵੱਧ ਪ੍ਰਤੀ ਵਿਅਕਤੀ ਆਮਦਨ ਦੇ ਮਾਮਲੇ ਵਿਚ ਦਿੱਲੀ ਸ਼ਹਿਰ ਤੀਜੇ ਸਥਾਨ 'ਤੇ ਪਹੁੰਚ ਗਿਆ ਹੈ। ਇਸ ਮਾਮਲੇ 'ਚ ਇਹ ਗੋਆ ਅਤੇ ਸਿੱਕਮ ਤੋਂ ਬਾਅਦ ਤੀਜੇ ਸਥਾਨ 'ਤੇ ਹੈ। ਤਾਜ਼ਾ ਅੰਕੜਾ ਹੈਂਡਬੁੱਕ ਮੁਤਾਬਕ 2023-24 ਵਿਚ ਦਿੱਲੀ ਦੀ ਪ੍ਰਤੀ ਵਿਅਕਤੀ ਆਮਦਨ 4,61,910 ਰੁਪਏ ਸੀ, ਜੋ ਕਿ 1,84,205 ਰੁਪਏ ਦੀ ਰਾਸ਼ਟਰੀ ਪ੍ਰਤੀ ਵਿਅਕਤੀ ਆਮਦਨ ਤੋਂ ਦੁੱਗਣੀ ਹੈ।
ਇਹ ਜਾਣਕਾਰੀ ਸਰਕਾਰ ਵੱਲੋਂ ਜਾਰੀ ਹੈਂਡਬੁੱਕ ਵਿਚ ਦਿੱਤੇ ਅੰਕੜਿਆਂ ਤੋਂ ਮਿਲੀ ਹੈ। ਹੈਂਡਬੁੱਕ, ਦਿੱਲੀ ਸਰਕਾਰ ਦੁਆਰਾ ਹਰ ਸਾਲ ਜਾਰੀ ਕੀਤੀ ਜਾਂਦੀ ਹੈ। ਰਾਸ਼ਟਰੀ ਰਾਜਧਾਨੀ ਦੇ ਵੱਖ-ਵੱਖ ਸਮਾਜਿਕ-ਆਰਥਿਕ, ਜਨਸੰਖਿਆ ਅਤੇ ਬੁਨਿਆਦੀ ਢਾਂਚੇ ਨਾਲ ਸਬੰਧਤ ਅੰਕੜਿਆਂ ਦਾ ਵੇਰਵਾ ਦਿੰਦੀ ਹੈ। ਕਿਤਾਬਚੇ ਮੁਤਾਬਕ ਸ਼ਹਿਰ ਦੀ ਪ੍ਰਤੀ ਵਿਅਕਤੀ ਆਮਦਨ ਵਿਚ 7.4 ਫੀਸਦੀ ਦਾ ਸਾਲਾਨਾ ਵਾਧਾ ਦਰਜ ਕੀਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਰਾਸ਼ਟਰੀ ਰਾਜਧਾਨੀ 'ਚ ਵਾਹਨਾਂ ਦੀ ਗਿਣਤੀ 'ਚ ਵੱਡੀ ਗਿਰਾਵਟ ਆਈ ਹੈ। ਇਹ ਸਾਲ 2020-21 ਵਿਚ 1.22 ਕਰੋੜ ਤੋਂ ਘੱਟ ਕੇ ਸਾਲ 2022-23 ਵਿਚ 79.45 ਲੱਖ ਰਹਿ ਗਿਆ ਹੈ।
ਇਹ ਵੀ ਪੜ੍ਹੋ : ਹੁਣ ਮਾਈਨਸ 60 ਡਿਗਰੀ 'ਚ ਵੀ ਦੇਸ਼ ਦੀ ਰੱਖਿਆ ਕਰ ਸਕਣਗੇ ਜਵਾਨ, DRDO ਨੇ ਤਿਆਰ ਕੀਤਾ 'ਹਿਮ ਕਵਚ'
ਅੰਕੜਿਆਂ ਮੁਤਾਬਕ ਦਿੱਲੀ ਵਿਚ ਸਕੂਲਾਂ ਦੀ ਗਿਣਤੀ ਵੀ ਘਟੀ ਹੈ। ਇਹ 2020-21 ਵਿਚ 5,666 ਤੋਂ ਘੱਟ ਕੇ 2023-24 ਵਿਚ 5,497 ਹੋ ਗਈ ਹੈ। ਹਾਲਾਂਕਿ, ਉਸੇ ਸਮੇਂ ਦੌਰਾਨ ਲੜਕਿਆਂ ਅਤੇ ਲੜਕੀਆਂ ਦੋਵਾਂ ਲਈ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ ਦੀ ਗਿਣਤੀ ਵਿਚ ਥੋੜ੍ਹਾ ਵਾਧਾ ਹੋਇਆ ਹੈ। 2020-21 ਵਿਚ ਲੜਕਿਆਂ ਅਤੇ ਲੜਕੀਆਂ ਦੀ ਗਿਣਤੀ 23.60 ਲੱਖ ਅਤੇ 21.19 ਲੱਖ ਸੀ। ਅੰਕੜੇ ਦੱਸਦੇ ਹਨ ਕਿ 2023-24 ਵਿਚ ਇਹ ਵੱਧ ਕੇ 23.70 ਲੱਖ ਅਤੇ 21.36 ਲੱਖ ਹੋ ਗਿਆ।
ਸ਼ਹਿਰ ਵਿਚ ਮੀਟਰ ਵਾਲੇ ਪਾਣੀ ਦੇ ਕੁਨੈਕਸ਼ਨਾਂ ਦੀ ਗਿਣਤੀ 2021-22 ਵਿਚ 25.4 ਲੱਖ ਸੀ, ਜੋ 2023-24 ਵਿਚ ਵੱਧ ਕੇ 27.2 ਲੱਖ ਹੋ ਗਈ। ਇਸੇ ਸਮੇਂ ਦੌਰਾਨ ਪਾਣੀ ਦੀ ਰੋਜ਼ਾਨਾ ਖਪਤ ਵੀ 6,894 ਲੱਖ ਕਿਲੋਲੀਟਰ ਤੋਂ ਵੱਧ ਕੇ 7,997 ਲੱਖ ਕਿਲੋਲੀਟਰ ਹੋ ਗਈ ਹੈ। ਸਾਲ 2023 ਵਿਚ ਦਿੱਲੀ 'ਚ ਸਿਨੇਮਾ ਸਕ੍ਰੀਨਾਂ ਦੀ ਗਿਣਤੀ 10 ਤੋਂ ਵੱਧ ਕੇ 147 ਹੋ ਗਈ, ਜਦੋਂਕਿ 2022 ਵਿਚ ਇਹ 137 ਸੀ। ਹੈਂਡਬੁੱਕ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਪ੍ਰਤੀ ਦਿਨ 10,000 ਦਰਸ਼ਕਾਂ ਦੇ ਨਾਲ ਸ਼ੋਅ ਦੀ ਔਸਤ ਸੰਖਿਆ ਵੀ 623 ਤੋਂ ਵੱਧ ਕੇ 740 ਹੋ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਾਜਗ ਸਹਿਯੋਗੀ ਅਜੀਤ ਪਵਾਰ ਦਿੱਲੀ ’ਚ ਵਿਖਾ ਰਹੇ ਹਨ ਤਾਕਤ, ਭਾਜਪਾ ਚੁੱਪ
NEXT STORY 
