ਸੂਰਤ : ਸੂਰਤ ਦੀ ਇਕ ਪ੍ਰਮੁੱਖ ਹੀਰਾ ਕੰਪਨੀ ਨੇ ਮੰਗਲਵਾਰ ਨੂੰ ਮੰਦੀ ਕਾਰਨ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿਚ ਪਾਲਿਸ਼ਡ ਹੀਰਿਆਂ ਦੀ ਘੱਟ ਮੰਗ ਦਾ ਹਵਾਲਾ ਦਿੰਦੇ ਹੋਏ ਆਪਣੇ 50,000 ਮੁਲਾਜ਼ਮਾਂ ਲਈ 17 ਤੋਂ 27 ਅਗਸਤ ਤੱਕ 10 ਦਿਨਾਂ ਦੀ ਛੁੱਟੀ ਦਾ ਐਲਾਨ ਕੀਤਾ ਹੈ। ਕਿਰਨ ਰਤਨ ਕੰਪਨੀ ਦੀ ਵੈੱਬਸਾਈਟ ਮੁਤਾਬਕ, ਇਹ 'ਕੁਦਰਤੀ ਹੀਰਿਆਂ ਦੀ ਦੁਨੀਆ ਦੀ ਸਭ ਤੋਂ ਵੱਡੀ ਨਿਰਮਾਤਾ' ਹੈ।
ਕਿਰਨ ਜੇਮਸ ਦੇ ਚੇਅਰਮੈਨ ਵੱਲਭਭਾਈ ਲਖਾਨੀ ਨੇ ਕਿਹਾ, “ਅਸੀਂ ਆਪਣੇ 50,000 ਮੁਲਾਜ਼ਮਾਂ ਲਈ 10 ਦਿਨਾਂ ਦੀ ਛੁੱਟੀ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ, ਅਸੀਂ ਕੁਝ ਰਕਮ ਕੱਟ ਲਵਾਂਗੇ, ਸਾਰੇ ਮੁਲਾਜ਼ਮਾਂ ਨੂੰ ਇਸ ਮਿਆਦ ਲਈ ਤਨਖਾਹ ਦਿੱਤੀ ਜਾਵੇਗੀ। ਮੰਦੀ ਕਾਰਨ ਸਾਨੂੰ ਇਸ ਛੁੱਟੀ ਦਾ ਐਲਾਨ ਕਰਨ ਲਈ ਮਜਬੂਰ ਹੋਣਾ ਪਿਆ ਹੈ। ਮੈਂ ਹੁਣ ਇਸ ਮੰਦੀ ਤੋਂ ਥੱਕ ਗਿਆ ਹਾਂ।” ਉਨ੍ਹਾਂ ਮੋਟੇ ਹੀਰਿਆਂ ਦੀ ਘੱਟ ਸਪਲਾਈ ਅਤੇ ਕੰਪਨੀ ਦੁਆਰਾ ਨਿਰਯਾਤ ਕੀਤੇ ਪਾਲਿਸ਼ਡ ਹੀਰਿਆਂ ਦੀ ਲੋੜੀਂਦੀ ਮੰਗ ਦੀ ਘਾਟ ਨੂੰ ਉਜਾਗਰ ਕਰਦਿਆਂ ਇਹ ਗੱਲ ਕਹੀ। ਲਖਾਨੀ ਨੇ ਕਿਹਾ, “ਡਿਮਾਂਡ ਵਿਚ ਇਸ ਗਿਰਾਵਟ ਨਾਲ ਹੋਰ ਖਿਡਾਰੀ ਵੀ ਪ੍ਰਭਾਵਿਤ ਹੋਏ ਹਨ, ਪਰ ਉਹ ਚੁੱਪ ਹਨ। ਅਸੀਂ ਇਸ ਦਾ ਐਲਾਨ ਸਰਗਰਮੀ ਨਾਲ ਕੀਤਾ ਹੈ, ਕਿਉਂਕਿ ਅਸੀਂ ਚਾਹੁੰਦੇ ਹਾਂ ਕਿ ਲੋਕ ਅਸਲੀਅਤ ਨੂੰ ਜਾਣ ਲੈਣ। ਮੁਲਾਜ਼ਮਾਂ ਲਈ ਇਹ ਛੁੱਟੀ ਸਾਨੂੰ ਸਾਡੇ ਉਤਪਾਦਨ ਨੂੰ ਇਕਸੁਰ ਕਰਨ ਵਿਚ ਮਦਦ ਕਰੇਗੀ। ਇਸ ਮੰਦੀ ਦਾ ਸਹੀ ਕਾਰਨ ਕਿਸੇ ਨੂੰ ਨਹੀਂ ਪਤਾ।
ਇਹ ਵੀ ਪੜ੍ਹੋ : ਘਰ ਖ਼ਰੀਦਣ ਵਾਲਿਆਂ ਨੂੰ ਵੱਡੀ ਰਾਹਤ, ਪ੍ਰਾਪਰਟੀ ਟੈਕਸ ਪ੍ਰਸਤਾਵ 'ਚ ਬਦਲਾਅ ਕਰ ਸਕਦੀ ਹੈ ਕੇਂਦਰ ਸਰਕਾਰ
ਸੂਰਤ ਡਾਇਮੰਡ ਐਸੋਸੀਏਸ਼ਨ ਦੇ ਪ੍ਰਧਾਨ ਜਗਦੀਸ਼ ਖੰਟ ਨੇ ਲਖਾਨੀ ਦੇ ਵਿਚਾਰਾਂ ਨੂੰ ਦੁਹਰਾਉਂਦੇ ਹੋਏ ਕਿਹਾ ਕਿ ਮੰਦੀ ਨੇ ਸਥਾਨਕ ਹੀਰਾ ਉਦਯੋਗ ਨੂੰ ਪ੍ਰਭਾਵਿਤ ਕੀਤਾ ਹੈ, ਜੋ ਦੁਨੀਆ ਦੇ ਲਗਭਗ 90 ਫ਼ੀਸਦੀ ਹੀਰਿਆਂ ਨੂੰ ਪ੍ਰੋਸੈੱਸ ਕਰਦਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਕਿਰਨ ਜੇਮਸ ਨੇ (ਮੁਲਾਜ਼ਮਾਂ ਲਈ) ਅਜਿਹੀ ਛੁੱਟੀ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ, ਹੁਣ ਤੱਕ ਕਿਸੇ ਹੋਰ ਕੰਪਨੀ ਨੇ ਅਜਿਹਾ ਕਦਮ ਨਹੀਂ ਚੁੱਕਿਆ ਹੈ ਪਰ ਅਸਲੀਅਤ ਇਹ ਹੈ ਕਿ ਮੰਦੀ ਨੇ ਪਾਲਿਸ਼ ਕੀਤੇ ਹੀਰਿਆਂ ਦੀ ਵਿਕਰੀ ਨੂੰ ਘਟਾ ਦਿੱਤਾ ਹੈ, ਕਿਉਂਕਿ 95 ਫੀਸਦੀ ਪਾਲਿਸ਼ਡ ਹੀਰਿਆਂ ਦੀ ਬਰਾਮਦ ਕੀਤੀ ਜਾਂਦੀ ਹੈ, ਇਸ ਲਈ ਵਿਸ਼ਵ-ਵਿਆਪੀ ਕਾਰਕ ਹਮੇਸ਼ਾ ਕੀਮਤੀ ਪੱਥਰਾਂ ਦੀ ਵਿਕਰੀ ਨੂੰ ਪ੍ਰਭਾਵਿਤ ਕਰਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਜ਼ਹਿਰੀਲਾ ਖਾਣਾ ਮਾਮਲਾ : ਸਕੂਲ 'ਚ ਬੱਚਿਆਂ ਦੇ ਬਿਮਾਰ ਹੋਣ 'ਤੇ ਠੇਕੇਦਾਰ ਤੋਂ ਜਵਾਬ ਤਲਬ
NEXT STORY 
