ਨਵੀਂ ਦਿੱਲੀ- ਦਾਜ ਸੰਬੰਧੀ ਅਪਰਾਧਾਂ ਦੇ ਅਧੀਨ ਦਰਜ ਮਾਮਲਿਆਂ 'ਚ 2023 'ਚ 14 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ। ਇਹ ਜਾਣਕਾਰੀ ਰਾਸ਼ਟਰੀ ਅਪਰਾਧ ਰਿਕਾਰਡ ਬਿਊਰੋ (NCRB) ਦੀ ਰਿਪੋਰਟ 'ਚ ਸਾਹਮਣੇ ਆਈ ਹੈ। ਰਿਪੋਰਟ ਦੇ ਅਨੁਸਾਰ, 2023 'ਚ ਦੇਸ਼ ਭਰ 'ਚ 15,000 ਤੋਂ ਵੱਧ ਦਾਜ ਨਾਲ ਸਬੰਧਤ ਮਾਮਲੇ ਦਰਜ ਕੀਤੇ ਗਏ ਸਨ ਅਤੇ 6,100 ਤੋਂ ਵੱਧ ਔਰਤਾਂ ਦੀ ਮੌਤ ਹੋ ਗਈ ਸੀ। NCRB ਦੀ 'ਭਾਰਤ 'ਚ ਅਪਰਾਧ 2023' ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ 2023 'ਚ ਦਾਜ ਮਨਾਹੀ ਕਾਨੂੰਨ ਦੇ ਤਹਿਤ 15,489 ਮਾਮਲੇ ਦਰਜ ਕੀਤੇ ਗਏ ਸਨ, ਜਦੋਂ ਕਿ 2022 ਅਤੇ 2021 'ਚ ਇਹ ਗਿਣਤੀ ਕ੍ਰਮਵਾਰ 13,479 ਅਤੇ 13,568 ਸੀ।
ਇਹ ਵੀ ਪੜ੍ਹੋ : 160 ਦਿਨਾਂ ਤੱਕ Recharge ਦੀ ਟੈਨਸ਼ਨ ਖ਼ਤਮ, BSNL ਦਾ ਧਮਾਕੇਦਾਰ ਆਫ਼ਰ
ਰਿਪੋਰਟ ਅਨੁਸਾਰ ਇਸ ਐਕਟ ਦੇ ਅਧੀਨ ਸਭ ਤੋਂ ਵੱਧ 7,151 ਮਾਮਲੇ ਉੱਤਰ ਪ੍ਰਦੇਸ਼ 'ਚ ਦਰਜ ਕੀਤੇ ਗਏ, ਇਸ ਤੋਂ ਬਾਅਦ ਬਿਹਾਰ 'ਚ 3,665 ਅਤੇ ਕਰਨਾਟਕ 'ਚ 2,322 ਮਾਮਲੇ ਦਰਜ ਕੀਤੇ ਗਏ। ਇਸ ਅਨੁਸਾਰ ਪੱਛਮੀ ਬੰਗਾਲ, ਗੋਆ, ਅਰੁਣਾਚਲ ਪ੍ਰਦੇਸ਼, ਲੱਦਾਖ ਅਤੇ ਸਿੱਕਮ ਸਣੇ 13 ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ 'ਚ ਸਾਲ ਦੌਰਾਨ ਦਾਜ ਦੇ ਜ਼ੀਰੋ ਮਾਮਲੇ ਦਰਜ ਕੀਤੇ ਗਏ ਸਨ। ਸਾਲ 2023 'ਚ ਦਾਜ ਕਤਲ ਦੇ ਮਾਮਲਿਆਂ 'ਚ ਕੁੱਲ 6,156 ਲੋਕਾਂ ਦੀ ਜਾਨ ਗਈ ਸੀ। ਰਿਪੋਰਟ ਅਨੁਸਾਰ ਉੱਤਰ ਪ੍ਰਦੇਸ਼ 2,122 ਮੌਤਾਂ ਨਾਲ ਸਿਖ਼ਰ 'ਤੇ ਰਿਹਾ, ਇਸ ਤੋਂ ਬਾਅਦ ਬਿਹਾਰ 1,143 ਮੌਤਾਂ ਨਾਲ ਦੂਜੇ ਸਥਾਨ 'ਤੇ ਰਿਹਾ। ਦੇਸ਼ ਭਰ 'ਚ 2023 'ਚ ਕਤਲ ਦੇ 833 ਮਾਮਲਿਆਂ 'ਚ ਦਾਜ ਨੂੰ ਕਾਰਨ ਦੱਸਿਆ ਗਿਆ। ਇਸ ਅਨੁਸਾਰ ਦਾਜ ਮਨਾਹੀ ਐਕਟ ਦੇ ਅਧੀਨ 2023 'ਚ 83,327 ਮਾਮਲਿਆਂ ਦੀ ਸੁਣਵਾਈ ਹੋਈ। ਇਸ ਸਾਲ ਐਕਟ ਦੇ ਅਧੀਨ 27,154 ਗ੍ਰਿਫ਼ਤਾਰੀਆਂ ਵੀ ਹੋਈਆਂ, ਜਿਨ੍ਹਾਂ 'ਚ 22,316 ਅਤੇ 4,838 ਔਰਤਾਂ ਸ਼ਾਮਲ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
57 ਨਵੇਂ ਕੇਂਦਰੀ ਵਿਦਿਆਲਿਆ ਖੋਲ੍ਹਣ ਨੂੰ ਮਨਜ਼ੂਰੀ, ਖਰਚ ਕੀਤੇ ਜਾਣਗੇ 5900 ਕਰੋੜ ਰੁਪਏ
NEXT STORY 
