ਨੈਸਨਲ ਡੈਸਕ- ਕਹਾਵਤ ਹੈ ਕਿ ਜੋ ਕਿਸਮਤ 'ਚ ਹੈ ਉਹ ਹੀ ਮਿਲਣਾ ਹੈ। ਇਹੋ ਜਿਹਾ ਮਾਮਲਾ ਮੱਧ ਪ੍ਰਦੇਸ਼ 'ਚ ਦੇਖਣ ਨੂੰ ਮਿਲਿਆ ਹੈ, ਜਿਸ 'ਚ 17 ਸਾਲਾਂ ਤੱਕ ਸਰਕਾਰੀ ਨੌਕਰੀ ਲਈ ਇਨਸਾਫ਼ ਲਈ ਲੜਨ ਤੋਂ ਬਾਅਦ, ਅੰਤ ਵਿੱਚ ਮੱਧ ਪ੍ਰਦੇਸ਼ ਹਾਈ ਕੋਰਟ ਨੇ ਬਿਨੈਕਾਰ ਨੂੰ ਅਧਿਆਪਕ ਬਣਨ ਦੀ ਇਜਾਜ਼ਤ ਦੇਣ ਦਾ ਹੁਕਮ ਪਾਸ ਕਰ ਦਿੱਤਾ। ਉਸ ਨੇ 40 ਸਾਲ ਦੀ ਉਮਰ ਵਿੱਚ ਇਨਸਾਫ ਲਈ ਕੇਸ ਕੀਤਾ ਸੀ , ਉਸਦਾ ਸੁਪਨਾ 57 ਸਾਲ ਦੀ ਉਮਰ ਵਿੱਚ ਜਾ ਕੇ ਸੱਚ ਗਿਆ, ਪਰ ਸੁਪਨਾ ਪੂਰਾ ਹੋਣ ਤੋਂ ਬਾਅਦ, ਬਿਨੈਕਾਰ ਇਸਦਾ ਨਤੀਜਾ ਨਹੀਂ ਦੇਖ ਸਕਿਆ।ਹੁਕਮ ਜਾਰੀ ਹੋਣ ਤੋਂ ਤਿੰਨ ਦਿਨ ਪਹਿਲਾਂ, ਬਿਨੈਕਾਰ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ ਅਤੇ ਪਰਿਵਾਰ ਵਿੱਚ ਖੁਸ਼ੀ ਦੀ ਲਹਿਰ ਸੋਗ ਵਿੱਚ ਬਦਲ ਗਈ। ਦਮੋਹ ਜ਼ਿਲ੍ਹੇ ਦੇ ਮਡੀਆਡੋ ਦਾ ਰਹਿਣ ਵਾਲਾ ਪਰਮਲਾਲ ਕੋਰੀ ਇੱਕ ਦਿਨ ਵੀ ਕੰਮ ਨਹੀਂ ਕਰ ਸਕਿਆ।
ਇੰਸਟ੍ਰਕਟਰ ਦੇ ਅਹੁਦੇ ਦੇ ਆਧਾਰ 'ਤੇ ਸਿੱਖਿਆ ਵਿਭਾਗ 'ਚ ਨੌਕਰੀ ਦਾ ਹੱਕਦਾਰ ਦੱਸ ਕੇ ਹਾਈ ਕੋਰਟ ਜਬਲਪੁਰ ਦੀ ਮਦਦ ਲਈ। ਅਦਾਲਤ ਨੇ ਜਨਵਰੀ 2025 ਵਿੱਚ ਪਰਮਲਾਲ ਦੇ ਹੱਕ ਵਿੱਚ ਫੈਸਲਾ ਦਿੱਤਾ। ਪਰਿਵਾਰ ਖੁਸ਼ ਸੀ ਕਿ ਸਰਕਾਰੀ ਨੌਕਰੀ ਮਿਲਣ ਨਾਲ ਗਰੀਬੀ ਦੂਰ ਹੋਵੇਗੀ ਅਤੇ ਪਰਿਵਾਰ ਵਿੱਚ ਖੁਸ਼ਹਾਲੀ ਆਵੇਗੀ, ਪਰ 12 ਅਪ੍ਰੈਲ ਨੂੰ ਪਰਮਲਾਲ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਇਸ ਘਟਨਾ ਨੇ ਕਿਸਮਤ ਨੂੰ ਬਦਕਿਸਮਤੀ ਵਿੱਚ ਬਦਲ ਦਿੱਤਾ।
ਵਿੱਤੀ ਤੌਰ 'ਤੇ ਕਮਜ਼ੋਰ ਪਰਮਲਾਲ ਕੋਰੀ ਨੇ 1988 ਵਿੱਚ ਰਸਮੀ ਕੇਤਰ ਵਿਦਿਆਲਿਆ ਸ਼ਿਵਪੁਰ ਵਿੱਚ ਇੱਕ ਇੰਸਟ੍ਰਕਟਰ ਵਜੋਂ ਕੰਮ ਕੀਤਾ। ਇਹ ਸਕੂਲ ਤਿੰਨ ਸਾਲ ਕੰਮ ਕਰਨ ਤੋਂ ਬਾਅਦ ਬੰਦ ਕਰ ਦਿੱਤੇ ਗਏ ਸਨ। ਸਿੱਖਿਆ ਵਿਭਾਗ ਵੱਲੋਂ ਕੁਝ ਇੰਸਟ੍ਰਕਟਰਾਂ ਅਤੇ ਸੁਪਰਵਾਈਜ਼ਰਾਂ ਨੂੰ ਗੁਰੂ ਜੀ ਦਾ ਦਰਜਾ ਦੇ ਕੇ ਸ਼ਾਮਲ ਕਰ ਲਿਆ, ਜਦੋਂ ਕਿ ਕੁਝ ਨੂੰ ਛੁਟ ਗਿਆ। ਪਰਮਲਾਲ ਨੇ 2008 ਵਿੱਚ ਗੁਰੂਜੀ ਯੋਗਤਾ ਪ੍ਰੀਖਿਆ ਪਾਸ ਕੀਤੀ।
ਜ਼ਿਲ੍ਹਾ ਸਿੱਖਿਆ ਕੇਂਦਰ, ਦਮੋਹ ਦੇ ਜ਼ਿਲ੍ਹਾ ਕੋਆਰਡੀਨੇਟਰ ਨੇ 15 ਅਪ੍ਰੈਲ ਨੂੰ ਪਰਮਲਾਲ ਨੂੰ ਇੱਕ ਪੱਤਰ ਜਾਰੀ ਕੀਤਾ ਕਿ ਉਹ ਆਪਣੇ ਸਾਰੇ ਦਸਤਾਵੇਜ਼ ਜ਼ਿਲ੍ਹਾ ਸਿੱਖਿਆ ਕੇਂਦਰ, ਦਮੋਹ ਲੈ ਕੇ ਆਉਣ, ਤਾਂ ਜੋ ਰਿਕਾਰਡਾਂ ਦੀ ਤਸਦੀਕ ਕੀਤੀ ਜਾ ਸਕੇ ਅਤੇ ਉਸਨੂੰ ਕੰਟਰੈਕਟ ਐਜੂਕੇਸ਼ਨ ਕਲਾਸ ਤੀਜੀ ਵਿੱਚ ਨਿਯੁਕਤ ਕੀਤਾ ਜਾ ਸਕੇ। ਉਸੇ ਦਿਨ, ਜਦੋਂ ਪਰਮਲਾਲ ਕੋਰੀ ਦਾ ਪੁੱਤਰ ਸ਼ੁਭਮ ਆਪਣੇ ਪਿਤਾ ਦੇ ਦਸਤਾਵੇਜ਼ ਅਤੇ ਆਪਣੇ ਪਿਤਾ ਦੇ ਮੌਤ ਸਰਟੀਫਿਕੇਟ ਨਾਲ ਜ਼ਿਲ੍ਹਾ ਸਿੱਖਿਆ ਕੇਂਦਰ ਪਹੁੰਚਿਆ, ਤਾਂ ਸਾਰੇ ਹੈਰਾਨ ਹੋ ਗਏ ਅਤੇ ਉਨ੍ਹਾਂ ਦੀਆਂ ਅੱਖਾਂ ਭਰ ਆਈਆ।
ਪਹਿਲਗਾਮ ਹਮਲਾ : 'ਭੜਕਾਊ' ਪੋਸਟਾਂ ਕਰਨ ਵਾਲਿਆਂ 'ਤੇ ਸਖਤੀ! 6 ਜਣੇ ਗ੍ਰਿਫਤਾਰ
NEXT STORY 
