ਨੋਇਡਾ— ਆਪਰੇਸ਼ਨ ਕਲੀਨ-10 'ਚ ਜ਼ਿਲਾ ਜੇਲ ਭੇਜੇ ਗਏ ਅਫਰੀਕੀ ਚਿਕਨ-ਮਟਨ ਅਤੇ ਵੋਡਕਾ ਦੀ ਮੰਗ ਕਰ ਰਹੇ ਹਨ। ਮੰਗ ਪੂਰੀ ਨਾ ਹੋਣ 'ਤੇ ਰੋਜ਼ ਹੰਗਾਮਾ ਕਰਦੇ ਹਨ। ਵਿਦੇਸ਼ੀਆਂ ਦੀ ਡਿਮਾਂਡ ਹੁਣ ਜੇਲ ਪ੍ਰਸ਼ਾਸਨ ਲਈ ਸਿਰਦਰਦ ਬਣ ਗਈ ਹੈ। ਰੋਜ਼-ਰੋਜ਼ ਦੇ ਹੰਗਾਮੇ ਤੋਂ ਤੰਗ ਆ ਕੇ ਪ੍ਰਸ਼ਾਸਨ ਨੇ ਉਨ੍ਹਾਂ ਨੂੰ ਵੱਖ ਬੈਰਕ 'ਚ ਰੱਖਿਆ ਹੈ। ਹੰਗਾਮੇ ਕਾਨਰ ਦੂਜੇ ਕੈਦੀ ਹਮਲਾ ਨਾ ਕਰ ਦੇਣ, ਇਸ ਲਈ ਉਨ੍ਹਾਂ ਦੀ ਸੁਰੱਖਿਆ ਵੀ ਵਧਾਈ ਗਈ ਹੈ। ਵਿਦੇਸ਼ੀ ਜੇਲ ਦੀ ਦਾਲ-ਰੋਟੀ ਅਤੇ ਆਰ.ਓ. ਦਾ ਪਾਣੀ ਵੀ ਨਹੀਂ ਪੀਣਾ ਚਾਅ ਰਹੇ ਹਨ। ਜਾਂਚ ਤੋਂ ਬਾਅਦ ਗ੍ਰਿਫਤਾਰ ਕੀਤੇ ਗਏ 30 ਵਿਦੇਸ਼ੀ ਨਾਗਰਿਕਾਂ ਨੂੰ ਜੇਲ ਭੇਜਿਆ ਗਿਆ ਸੀ।
60 ਵਿਦੇਸ਼ੀ ਨਾਗਰਿਕ ਲਏ ਸਨ ਹਿਰਾਸਤ 'ਚ
ਪੁਲਸ ਨੇ ਗ੍ਰੇਟਰ ਨੋਇਡਾ ਦੇ ਵੱਖ-ਵੱਖ ਸੈਕਟਰਾਂ ਅਤੇ ਸੋਸਾਇਟੀਆਂ 'ਚ ਆਪਰੇਸ਼ਨ ਕਲੀਨ ਚਲਾ ਕੇ 60 ਵਿਦੇਸ਼ੀ ਨਾਗਰਿਕਾਂ ਨੂੰ ਹਿਰਾਸਤ 'ਚ ਲਿਆ ਸੀ। ਹਿਰਾਸਤ 'ਚ ਲਏ ਗਏ ਵਿਦੇਸ਼ੀ ਨਾਗਰਿਕ ਆਪਣੇ ਪਾਸਪੋਰਟ ਅਤੇ ਵੀਜ਼ੇ ਆਦਿ ਨਹੀਂ ਦਿਖਾ ਸਕੇ ਸਨ। ਇਨ੍ਹਾਂ 'ਚੋਂ ਇਕ ਔਰਤ ਕੋਲ ਗਾਂਜਾ ਅਤੇ ਵੱਡੀ ਮਾਤਰਾ 'ਚ ਬੀਅਰ ਤੇ ਸ਼ਰਾਬ ਬਰਾਮਦ ਹੋਈ ਸੀ। ਪੁਲਸ ਲਾਈਨ ਤੋਂ ਇਨ੍ਹਾਂ 'ਚੋਂ 20 ਵਿਦੇਸ਼ੀ ਪੁਲਸ ਕਰਮਚਾਰੀਆਂ ਨਾਲ ਹੱਥੋਪਾਈ ਅਤੇ ਕੁੱਟਮਾਰ ਕਰਦੇ ਹੋਏ ਫਰਾਰ ਹੋ ਗਏ ਸਨ। ਇਨ੍ਹਾਂ 'ਚੋਂ 3 ਨੂੰ ਪੁਲਸ ਨੇ ਕੁਝ ਦੇਰ ਬਾਅਦ ਹੀ ਫੜ ਲਿਆ ਸੀ। ਇਨ੍ਹਾਂ 'ਚੋਂ 30 ਵਿਦੇਸ਼ੀਆਂ ਨੂੰ ਜ਼ਿਲਾ ਜੇਲ ਭੇਜਿਆ ਗਿਆ ਸੀ। ਹੁਣ ਜੇਲ 'ਚ ਵੀ ਉਹ ਵੋਡਕਾ ਅਤੇ ਮਟਨ-ਚਿਕਨ ਦੀ ਮੰਗ ਨੂੰ ਲੈ ਕੇ ਰੌਲਾ ਪਾਉਂਦੇ ਹਨ। ਅਜਿਹੇ 'ਚ ਜੇਲ ਪ੍ਰਸ਼ਾਸਨ ਉਨ੍ਹਾਂ ਨੂੰ ਸਮਝਾ ਕੇ ਵਿਸ਼ੇਸ਼ ਸੁਰੱਖਿਆ ਦਰਮਿਆਨ ਵੱਖ ਬੈਰਕ 'ਚ ਰੱਖ ਰਿਹਾ ਹੈ। ਹਾਲਾਂਕਿ ਜੇਲ 'ਚ ਬੰਦ ਇਨ੍ਹਾਂ ਵਿਦੇਸ਼ੀ ਨਾਗਰਿਕਾਂ 'ਚੋਂ 4 ਨੂੰ ਜਾਂਚ ਤੋਂ ਬਾਅਦ ਉਨ੍ਹਾਂ ਦੇ ਦੇਸ਼ ਭੇਜ ਦਿੱਤਾ ਗਿਆ ਹੈ। ਉੱਥੇ ਹੀ ਹੋਰ ਨੂੰ ਵੀ ਭੇਜੇ ਜਾਣ ਲਈ ਐੱਫ.ਆਰ.ਓ. ਅਤੇ ਐੱਲ.ਆਈ.ਯੂ. ਯੂਨਿਟ ਵਲੋਂ ਜਾਂਚ ਕਰਵਾਈ ਜਾ ਰਹੀ ਹੈ।
ਇਹ ਬਜ਼ੁਰਗ ਸਿੱਖ ਨਹੀਂ ਮੰਨਦਾ ਹਾਰ, ਹੌਸਲਾ ਦੇਖ ਕੇ ਹਰ ਨੌਜਵਾਨ ਹੋ ਜਾਵੇਗਾ ਮੁਰੀਦ
NEXT STORY