ਗੁਰੂਗ੍ਰਾਮ- ਪੱਛਮੀ ਏਸ਼ੀਆ (ਮਿਡਲ ਈਸਟ) 'ਚ ਚੱਲ ਰਹੇ ਤਣਾਅ ਕਾਰਨ ਦੇਸ਼ ਭਰ ਵਿੱਚ LPG ਗੈਸ ਦੀ ਕਿੱਲਤ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਸੰਕਟ ਨਾਲ ਨਜਿੱਠਣ ਅਤੇ ਖਪਤਕਾਰਾਂ ਨੂੰ ਰਾਹਤ ਦੇਣ ਲਈ 'ਭਾਰਤ ਗੈਸ' (BPCL) ਨੇ ਇਕ ਕ੍ਰਾਂਤੀਕਾਰੀ ਕਦਮ ਚੁੱਕਿਆ ਹੈ। ਦਿੱਲੀ-NCR ਖੇਤਰ 'ਚ ਦੇਸ਼ ਦੀ ਪਹਿਲੀ ਆਟੋਮੈਟਿਕ LPG ਵੈਂਡਿੰਗ ਮਸ਼ੀਨ ਸ਼ੁਰੂ ਕੀਤੀ ਗਈ ਹੈ, ਜਿਸ ਨੂੰ ਲੋਕ 'ਗੈਸ ATM' ਦਾ ਨਾਂ ਦੇ ਰਹੇ ਹਨ।
ਕਿੱਥੇ ਲੱਗੀ ਹੈ ਇਹ ਮਸ਼ੀਨ?
ਇਹ 'ਗੈਸ ATM' ਗੁਰੂਗ੍ਰਾਮ ਦੇ ਸੋਹਣਾ ਸਥਿਤ ਸੈਕਟਰ-33 ਦੀ 'ਸੈਂਟਰਲ ਪਾਰਕ ਫਲਾਵਰ ਵੈਲੀ' 'ਚ ਇਕ ਪਾਇਲਟ ਪ੍ਰਾਜੈਕਟ ਵਜੋਂ ਸਥਾਪਿਤ ਕੀਤਾ ਗਿਆ ਹੈ। ਇਸ ਦਾ ਮੁੱਖ ਮਕਸਦ ਲੋਕਾਂ ਨੂੰ ਸਿਲੰਡਰ ਦੀ ਡਿਲੀਵਰੀ ਲਈ ਲੰਬਾ ਇੰਤਜ਼ਾਰ ਕਰਨ ਤੋਂ ਬਚਾਉਣਾ ਅਤੇ 24 ਘੰਟੇ ਗੈਸ ਦੀ ਉਪਲਬਧਤਾ ਯਕੀਨੀ ਬਣਾਉਣਾ ਹੈ।
ਕਿਵੇਂ ਕੰਮ ਕਰਦਾ ਹੈ 'ਗੈਸ ATM'?
ਇਸ ਮਸ਼ੀਨ ਰਾਹੀਂ ਸਿਲੰਡਰ ਲੈਣ ਦੀ ਪ੍ਰਕਿਰਿਆ ਬਹੁਤ ਹੀ ਸਰਲ ਹੈ ਅਤੇ ਇਸ 'ਚ ਸਿਰਫ 2 ਤੋਂ 3 ਮਿੰਟ ਦਾ ਸਮਾਂ ਲੱਗਦਾ ਹੈ:
OTP ਵੈਰੀਫਿਕੇਸ਼ਨ: ਗਾਹਕ ਨੂੰ ਸਭ ਤੋਂ ਪਹਿਲਾਂ ਆਪਣਾ ਰਜਿਸਟਰਡ ਮੋਬਾਈਲ ਨੰਬਰ ਦਰਜ ਕਰਨਾ ਪੈਂਦਾ ਹੈ, ਜਿਸ 'ਤੇ ਇਕ OTP ਆਵੇਗਾ।
ਖਾਲੀ ਸਿਲੰਡਰ ਜਮ੍ਹਾਂ ਕਰਨਾ: ਵੈਰੀਫਿਕੇਸ਼ਨ ਤੋਂ ਬਾਅਦ ਮਸ਼ੀਨ ਦਾ ਉੱਪਰਲਾ ਹਿੱਸਾ ਖੁੱਲ੍ਹੇਗਾ, ਜਿੱਥੇ ਗਾਹਕ ਆਪਣਾ ਖਾਲੀ ਸਿਲੰਡਰ ਰੱਖੇਗਾ। ਮਸ਼ੀਨ ਉਸ ਦਾ ਭਾਰ ਅਤੇ ਸਕੈਨਿੰਗ ਕਰੇਗੀ।
ਭੁਗਤਾਨ: ਸਕ੍ਰੀਨ 'ਤੇ ਪੇਮੈਂਟ ਦਾ ਆਪਸ਼ਨ ਆਵੇਗਾ। ਸਫਲ ਭੁਗਤਾਨ ਤੋਂ ਬਾਅਦ ਮਸ਼ੀਨ ਦਾ ਹੇਠਲਾ ਹਿੱਸਾ ਖੁੱਲ੍ਹੇਗਾ।
ਭਰਿਆ ਸਿਲੰਡਰ: ਗਾਹਕ ਨੂੰ ਭਰਿਆ ਹੋਇਆ ਸਿਲੰਡਰ ਮਿਲ ਜਾਵੇਗਾ, ਜਿਸ ਦਾ ਭਾਰ ਉਹ ਮਸ਼ੀਨ 'ਤੇ ਹੀ ਦੁਬਾਰਾ ਚੈੱਕ ਕਰ ਸਕਦਾ ਹੈ।
ਸਮਾਰਟ ਮਾਨੀਟਰਿੰਗ ਨਾਲ ਲੈੱਸ
ਇਸ ਮਸ਼ੀਨ ਦੀ ਸਮਰੱਥਾ ਫਿਲਹਾਲ 10 ਸਿਲੰਡਰਾਂ ਦੀ ਹੈ। ਇਹ ਸਮਾਰਟ ਸੈਂਸਰਾਂ ਨਾਲ ਲੈੱਸ ਹੈ, ਜੋ ਸਟਾਕ ਘੱਟ ਹੋਣ 'ਤੇ ਤੁਰੰਤ ਕੰਪਨੀ ਨੂੰ ਅਲਰਟ ਭੇਜਦੀ ਹੈ ਤਾਂ ਜੋ ਸਿਲੰਡਰ ਦੁਬਾਰਾ ਭਰੇ ਜਾ ਸਕਣ। ਫਿਲਹਾਲ ਇਸ ਰਾਹੀਂ 10 ਕਿਲੋ ਵਾਲੇ ਹਲਕੇ ਅਤੇ ਸੁਰੱਖਿਅਤ 'ਕੰਪੋਜ਼ਿਟ ਸਿਲੰਡਰ' ਦਿੱਤੇ ਜਾ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਵਪਾਰੀਆਂ ਲਈ Good News ! ਮੁੜ ਸ਼ੁਰੂ ਹੋਣ ਜਾ ਰਿਹਾ ਸ਼ਿਪਕੀ ਲਾ ਪਾਸ
NEXT STORY 
