ਲਖਨਊ (ਵਾਰਤਾ)— ਜਿਸ ਘਰ 'ਚ ਸ਼ਗਨਾਂ ਦੇ ਗੀਤ ਗਾਏ ਜਾ ਰਹੇ ਸਨ, ਅੱਜ ਉਸ ਘਰ 'ਚ ਕੀਰਨੇ ਪੈ ਰਹੇ ਹਨ। ਦਰਅਸਲ ਉੱਤਰ ਪ੍ਰਦੇਸ਼ 'ਚ ਲਖਨਊ ਦੇ ਗੋਸਾਈਗੰਜ ਖੇਤਰ 'ਚ ਵਿਆਹ ਦੇ ਇਕ ਦਿਨ ਬਾਅਦ ਹੀ ਲਾੜੇ ਨੇ ਫਾਹਾ ਲਾ ਕੇ ਖ਼ੁਦਕੁਸ਼ੀ ਕਰ ਲਈ। ਪੁਲਸ ਸੂਤਰਾਂ ਨੇ ਅੱਜ ਇੱਥੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਰਕੀਬਾਬਾਦ ਵਾਸੀ ਰਾਮਦੁਲਾਰੇ ਦੇ 25 ਸਾਲਾ ਪੁੱਤਰ ਮਹਿੰਦਰ ਦਾ 26 ਨਵੰਬਰ ਨੂੰ ਵਿਆਹ ਹੋਇਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਵਿਆਹ ਤੋਂ ਬਾਅਦ ਕੱਲ੍ਹ ਦੇਰ ਰਾਤ ਸਮੂਹਿਕ ਭੋਜ ਦਾ ਪ੍ਰੋਗਰਾਮ ਚੱਲ ਰਿਹਾ ਸੀ ਅਤੇ ਸਾਰੇ ਰਿਸ਼ਤੇਦਾਰ ਤੇ ਪਰਿਵਾਰ ਦੇ ਲੋਕ ਰੁੱਝੇ ਹੋਏ ਸਨ।
ਇਹ ਵੀ ਪੜ੍ਹੋ: ਜ਼ਮੀਨ ਖ਼ਾਤਰ ਪੁੱਤਰ ਨੇ ਕਮਾਇਆ ਕਹਿਰ, ਪਿਓ ਨੂੰ ਦਰੱਖ਼ਤ ਨਾਲ ਬੰਨ੍ਹ ਦਿੱਤੀ ਦਰਦਨਾਕ ਮੌਤ
ਪਰਿਵਾਰ ਵਾਲਿਆਂ ਨੇ ਦੱਸਿਆ ਪ੍ਰੋਗਰਾਮ ਦੌਰਾਨ ਮਹਿੰਦਰ ਲਾਪਤਾ ਹੋ ਗਿਆ। ਕਾਫੀ ਭਾਲ ਮਗਰੋਂ ਪਿੰਡ ਦੇ ਬਾਹਰ ਅੰਬ ਦੇ ਦਰੱਖ਼ਤ 'ਤੇ ਰੱਸੀ ਦਾ ਫੰਦਾ ਬਣਾ ਕੇ ਫਾਹਾ ਲਾ ਕੇ ਉਸ ਨੇ ਖ਼ੁਦਕੁਸ਼ੀ ਕਰ ਲਈ। ਉਨ੍ਹਾਂ ਨੇ ਦੱਸਿਆ ਕਿ ਖ਼ੁਦਕੁਸ਼ੀ ਦੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ। ਪੁਲਸ ਮੁਤਾਬਕ ਮਹਿੰਦਰ ਖੇਤੀ ਕਰਦਾ ਸੀ। ਪੁਲਸ ਮਾਮਲੇ ਦੀ ਛਾਣਬੀਨ ਕਰ ਰਹੀ ਹੈ। ਮਹਿੰਦਰ ਵਲੋਂ ਖ਼ੁਦਕੁਸ਼ੀ ਕੀਤੇ ਜਾਣ ਕਾਰਨ ਪੂਰੇ ਪਿੰਡ 'ਚ ਮਾਤਮ ਪਸਰਿਆ ਹੋਇਆ ਹੈ।
ਇਹ ਵੀ ਪੜ੍ਹੋ: ਲਾੜੇ ਨੇ ਲਾੜੀ ਦੇ ਪੁਗਾਏ ਬੋਲ, ਹੈਲੀਕਾਪਟਰ 'ਤੇ ਲਿਆਇਆ ਘਰ, ਦੇਖਣ ਲਈ ਇਕੱਠਾ ਹੋਇਆ ਪੂਰਾ ਪਿੰਡ
ਕੋਰੋਨਾ ਦੇ ਵੱਧਦੇ ਮਾਮਲਿਆਂ ਕਾਰਨ ਹਰਿਆਣਾ 'ਚ 10 ਦਿਨ ਹੋਰ ਬੰਦ ਰਹਿਣਗੇ ਸਕੂਲ
NEXT STORY 
