ਪ੍ਰਯਾਗਰਾਜ : ਪ੍ਰਯਾਗਰਾਜ 'ਚ ਮਹਾਕੁੰਭ 'ਚ ਇਕ ਔਰਤ ਨੇ ਸੰਗਮ 'ਚ ਇਸ਼ਨਾਨ ਕਰਨ ਦਾ ਇਕ ਵੱਖਰਾ ਹੀ ਅੰਦਾਜ਼ ਦਿਖਾ ਦਿੱਤਾ। ਦਰਅਸਲ, ਕੁੰਭ 'ਚ ਇਸ਼ਨਾਨ ਕਰਨ ਆਈ ਔਰਤ ਆਪਣੇ ਪਤੀ ਨਾਲ ਵੀਡੀਓ ਕਾਲ ਰਾਹੀਂ ਫੋਨ 'ਤੇ ਗੱਲਬਾਤ ਕਰ ਰਹੀ ਸੀ ਅਤੇ ਫਿਰ ਉਸ ਨੂੰ ਸੰਗਮ 'ਚ ਇਸ਼ਨਾਨ ਕਰਨ ਦਾ ਲਾਭ ਦੇਣ ਲਈ ਉਸ ਨੇ ਆਪਣਾ ਫੋਨ ਸੰਗਮ ਦੇ ਪਾਣੀ 'ਚ ਡੁਬੋ ਦਿੱਤਾ। ਪਤੀ ਤੋਂ ਬਿਨਾਂ ਸੰਗਮ ਵਿੱਚ ਇਸ਼ਨਾਨ ਕਰਨ ਆਈ ਔਰਤ ਨੇ ਆਪਣੇ ਪਤੀ ਨੂੰ ਵੀ ਇਸ ਧਾਰਮਿਕ ਕਾਰਜ ਦਾ ਹਿੱਸਾ ਬਣਾਉਣ ਲਈ ਅਜਿਹਾ ਕੀਤਾ। ਔਰਤ ਫੋਨ ਦੀ ਸਕਰੀਨ ਵੀ ਦਿਖਾਉਂਦੀ ਨਜ਼ਰ ਆ ਰਹੀ ਹੈ, ਜਿਸ ਵਿਚ ਉਸ ਦਾ ਪਤੀ ਬਿਸਤਰ 'ਤੇ ਲੇਟ ਕੇ ਇਹ ਸਭ ਦੇਖ ਰਿਹਾ ਹੈ।
ਵਾਇਰਲ ਹੋ ਰਿਹਾ ਵੀਡੀਓ
ਇਸ ਵੀਡੀਓ ਨੂੰ @adityachauhan7338 ਨਾਂ ਦੇ ਹੈਂਡਲ ਨਾਲ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ 'ਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਫੋਨ ਨੂੰ ਪਾਣੀ 'ਚ ਡੁਬੋਣ ਤੋਂ ਪਹਿਲਾਂ ਉਹ ਉਸ ਨੂੰ ਆਪਣੇ ਸਾਹਮਣੇ ਦਿਖਾਉਂਦੀ ਹੈ, ਜਿਸ 'ਚ ਉਸ ਦਾ ਪਤੀ ਵੀਡੀਓ ਕਾਲ 'ਤੇ ਹੈ।
5 ਵਾਰ ਪਾਣੀ 'ਚ ਫੋਨ ਨੂੰ ਲਗਵਾਈ ਡੁਬਕੀ
ਇਸ ਤੋਂ ਬਾਅਦ ਔਰਤ ਸੰਗਮ 'ਚ ਆ ਜਾਂਦੀ ਹੈ ਅਤੇ ਇਕ ਤੋਂ ਬਾਅਦ ਇਕ 5 ਵਾਰ ਮੋਬਾਈਲ ਫੋਨ ਡੁਬੋ ਦਿੰਦੀ ਹੈ। ਵੀਡੀਓ 'ਚ ਸਾਫ ਨਜ਼ਰ ਆ ਰਿਹਾ ਹੈ ਕਿ ਫੋਨ ਨੂੰ ਪੰਜ ਵਾਰ ਪਾਣੀ 'ਚ ਡੁਬੋਣ ਤੋਂ ਬਾਅਦ ਵੀ ਇਕ ਵਿਅਕਤੀ ਸਕ੍ਰੀਨ 'ਤੇ ਦਿਖਾਈ ਦੇ ਰਿਹਾ ਹੈ ਅਤੇ ਫੋਨ ਨੂੰ ਕੁਝ ਨਹੀਂ ਹੋਇਆ ਹੈ। ਇਸ ਤੋਂ ਬਾਅਦ ਕਾਲ ਡਿਸਕਨੈਕਟ ਹੋ ਜਾਂਦੀ ਹੈ ਅਤੇ ਵੀਡੀਓ ਖਤਮ ਹੋ ਜਾਂਦੀ ਹੈ।
ਆ ਰਹੇ ਮਜ਼ਾਕੀਆ ਕੁਮੈਂਟਸ
ਸੋਸ਼ਲ ਮੀਡੀਆ ਯੂਜ਼ਰਸ ਇਸ ਵੀਡੀਓ 'ਤੇ ਕਾਫੀ ਕੁਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਮਜ਼ਾਕ 'ਚ ਕਿਹਾ ਕਿ ਜੇਕਰ ਫੋਨ ਉਸ ਦੇ ਹੱਥ ਤੋਂ ਫਿਸਲ ਗਿਆ ਸੀ। ਜਦਕਿ ਇਕ ਹੋਰ ਯੂਜ਼ਰ ਨੇ ਚੁਟਕੀ ਲਈ ਕਿ ਉਸ ਦੇ ਭਰਾ (ਉਸਦੇ ਪਤੀ) ਨੂੰ ਕਹੋ ਕਿ ਉਹ ਆਪਣੇ ਕੱਪੜੇ ਬਦਲਣ ਅਤੇ ਆਪਣੇ ਵਾਲਾਂ ਨੂੰ ਚੰਗੀ ਤਰ੍ਹਾਂ ਸੁਕਾਵੇ। ਜਦਕਿ ਦੂਜੇ ਨੇ ਦੱਸਿਆ ਕਿ ਅੱਜ ਕੁੰਭ ਵਿੱਚ ਆਨਲਾਈਨ ਇਸ਼ਨਾਨ ਕਰਕੇ ਉਨ੍ਹਾਂ ਦੇ ਪਾਪ ਧੋਤੇ ਹਨ।
ਇਹ ਵੀ ਪੜ੍ਹੋ : ਸਾਈਲੈਂਟ ਹਾਰਟ ਅਟੈਕ ਦੇ ਇਹ 5 ਲੱਛਣ ਜਿਹੜੇ ਤੁਹਾਡੇ ਲਈ ਹੋ ਸਕਦੇ ਨੇ ਖ਼ਤਰਨਾਕ, ਜਾਣੋ ਮਾਹਿਰਾਂ ਦੀ ਰਾਏ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਓ. ਬੀ. ਸੀ. ’ਤੇ ਰਾਸ਼ਟਰਪਤੀ ਦੀ ਚਿੱਠੀ ਨਾਲ ਕਈਆਂ ਦੇ ਮੱਥੇ ’ਤੇ ਪਏ ਵੱਟ
NEXT STORY 
