ਬਿਜ਼ਨੈੱਸ ਡੈਸਕ - ਅਮਰੀਕਾ-ਈਰਾਨ ਤਣਾਅ ਅਤੇ ਖਾੜੀ ਖੇਤਰ ਵਿਚ ਵਧਦੀਆਂ ਸੁਰੱਖਿਆ ਚਿੰਤਾਵਾਂ ਦਾ ਅਸਰ ਹੁਣ ਹਵਾਈ ਸੇਵਾਵਾਂ ’ਤੇ ਵੀ ਦਿਖਾਈ ਦੇਣ ਲੱਗਾ ਹੈ। ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.) ਦੇ ਹਵਾਈ ਅੱਡੇ ਆਮ ਵਾਂਗ ਚੱਲ ਰਹੇ ਹਨ ਪਰ ਕਈ ਏਅਰਲਾਈਨਜ਼ ਨੇ ਕੁਝ ਰੂਟਾਂ ’ਤੇ ਉਡਾਣਾਂ ਦਾ ਸਮਾਂ ਬਦਲ ਦਿੱਤਾ ਹੈ ਜਾਂ ਉਨ੍ਹਾਂ ਨੂੰ ਰੱਦ ਕਰ ਦਿੱਤਾ ਹੈ। ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਏਅਰਪੋਰਟ ਪਹੁੰਚਣ ਤੋਂ ਪਹਿਲਾਂ ਆਪਣੀ ਫਲਾਈਟ ਦੀ ਸਥਿਤੀ ਜ਼ਰੂਰ ਚੈੱਕ ਕਰ ਲੈਣ ਕਿਉਂਕਿ ਸ਼ੈਡਿਊਲ ਵਿਚ ਆਖਰੀ ਸਮੇਂ ’ਤੇ ਵੀ ਬਦਲਾਅ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਅਗਸਤ 'ਚ ਸਸਤਾ ਹੋਵੇਗਾ ਸੋਨਾ ਜਾਂ ਚੜ੍ਹੇਗਾ ਭਾਅ? ਇਹ 3 ਫੈਕਟਰ ਨਿਰਧਾਰਤ ਕਰਨਗੇ ਗੋਲਡ ਦੀ ਚਾਲ
ਕੁਵੈਤ ਅਤੇ ਸਾਊਦੀ ਲਈ ਸਭ ਤੋਂ ਵੱਧ ਅਸਰ
ਸਭ ਤੋਂ ਵੱਧ ਪ੍ਰਭਾਵਿਤ ਉਡਾਣਾਂ ਯੂ. ਏ. ਈ. ਅਤੇ ਕੁਵੈਤ ਵਿਚਾਲੇ ਚੱਲ ਰਹੀਆਂ ਹਨ। ਇਤਿਹਾਦ ਏਅਰਵੇਅਜ਼ ਨੇ 19 ਅਤੇ 20 ਜੁਲਾਈ ਦੀਆਂ ਅਾਬੂ ਧਾਬੀ-ਕੁਵੈਤ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਅਮੀਰਾਤਸ ਅਤੇ ਏਅਰ ਅਰੇਬੀਆ ਨੇ ਵੀ ਇਸ ਰੂਟ ’ਤੇ ਕਈ ਸੇਵਾਵਾਂ ਆਰਜ਼ੀ ਤੌਰ ’ਤੇ ਮੁਅੱਤਲ ਕਰ ਦਿੱਤੀਆਂ ਹਨ। ਸਾਊਦੀ ਅਰਬ ਦੇ ਅਭਹਾ ਸ਼ਹਿਰ ਲਈ ਵੀ ਕੁਝ ਉਡਾਣਾਂ ਨੂੰ ਰੱਦ ਕੀਤਾ ਗਿਆ ਹੈ। ਹਾਲਾਂਕਿ, ਸਾਊਦੀ ਅਰਬ ਦੇ ਜ਼ਿਆਦਾਤਰ ਹੋਰ ਘਰੇਲੂ ਅਤੇ ਅੰਤਰਰਾਸ਼ਟਰੀ ਰੂਟ ਆਮ ਵਾਂਗ ਚੱਲ ਰਹੇ ਹਨ।
ਇਹ ਵੀ ਪੜ੍ਹੋ : ਸਾਈਬਰ ਧੋਖਾਧੜੀ ਦੇ ਅਜੀਬ ਤਰੀਕੇ ਨੇ ਉਡਾਏ ਹੋਸ਼, ਬੈਂਕ ਮੈਨੇਜਰ ਵਿਰੁੱਧ ਗ੍ਰਿਫਤਾਰੀ ਵਾਰੰਟ ਜਾਰੀ
UAE ਦੀਆਂ ਏਅਰਲਾਈਨਜ਼ ਦਾ ਜ਼ਿਆਦਾਤਰ ਨੈੱਟਵਰਕ ਚਾਲੂ
ਇਤਿਹਾਦ ਏਅਰਵੇਅਜ਼ ਨੇ ਕਿਹਾ ਹੈ ਕਿ ਉਸ ਦਾ ਜ਼ਿਆਦਾਤਰ ਉਡਾਣ ਨੈੱਟਵਰਕ ਆਮ ਵਾਂਗ ਚੱਲ ਰਿਹਾ ਹੈ, ਹਾਲਾਂਕਿ ਕੁਝ ਸੇਵਾਵਾਂ ਵਿਚ ਦੇਰੀ ਹੋ ਸਕਦੀ ਹੈ। ਅਮੀਰਾਤਸ ਨੇ ਵੀ ਜ਼ਿਆਦਾਤਰ ਨਿਰਧਾਰਿਤ ਉਡਾਣਾਂ ਜਾਰੀ ਰੱਖੀਆਂ ਹਨ ਅਤੇ ਪ੍ਰਭਾਵਿਤ ਮੁਸਾਫ਼ਰਾਂ ਨੂੰ ਰੀ-ਬੁਕਿੰਗ ਜਾਂ ਰਿਫੰਡ ਦੀ ਸਹੂਲਤ ਦੇਣ ਦੀ ਗੱਲ ਕਹੀ ਹੈ। ਫਲਾਈ ਦੁਬਈ ਨੇ ਮੁਸਾਫ਼ਰਾਂ ਨੂੰ ਗਰਮੀਆਂ ਦੇ ਵਿਅਸਤ ਸੀਜ਼ਨ ਨੂੰ ਦੇਖਦੇ ਹੋਏ ਉਡਾਣ ਤੋਂ ਘੱਟੋ-ਘੱਟ ਚਾਰ ਘੰਟੇ ਪਹਿਲਾਂ ਦੁਬਈ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਪਹੁੰਚਣ ਦੀ ਸਲਾਹ ਦਿੱਤੀ ਹੈ। ਉੱਥੇ ਹੀ ਏਅਰ ਅਰੇਬੀਆ ਨੇ ਕਿਹਾ ਕਿ ਉਸ ਦੇ ਸ਼ਾਰਜਾਹ, ਅਾਬੂ ਧਾਬੀ ਅਤੇ ਰਸ-ਅਲ-ਖ਼ੈਮਾਹ ਤੋਂ ਸੰਚਾਲਨ ਆਮ ਵਾਂਗ ਹਨ ਅਤੇ ਵਿਘਨ ਸਿਰਫ ਕੁਝ ਚੋਣਵੀਆਂ ਉਡਾਣਾਂ ਤੱਕ ਹੀ ਸੀਮਤ ਹੈ।
ਇਹ ਵੀ ਪੜ੍ਹੋ : ਬੰਦ ਹੋਣ ਵਾਲੇ ਹਨ 10-20 ਰੁਪਏ ਦੇ ਕਾਗਜ਼ ਦੇ ਨੋਟ! RBI ਨੇ ਜਾਰੀ ਕੀਤਾ ਟੈਂਡਰ
ਵਿਦੇਸ਼ੀ ਏਅਰਲਾਈਨਜ਼ ਨੇ ਵੀ ਬਦਲਿਆ ਸ਼ੈਡਿਊਲ
ਖੇਤਰੀ ਤਣਾਅ ਨੂੰ ਦੇਖਦੇ ਹੋਏ ਕਈ ਅੰਤਰਰਾਸ਼ਟਰੀ ਏਅਰਲਾਈਨਜ਼ ਨੇ ਵੀ ਆਪਣੇ ਉਡਾਣ ਪ੍ਰੋਗਰਾਮ ਵਿਚ ਬਦਲਾਅ ਕੀਤਾ ਹੈ। ਸਿੰਗਾਪੁਰ ਏਅਰਲਾਈਨਜ਼, ਬ੍ਰਿਟਿਸ਼ ਏਅਰਵੇਅਜ਼, ਏਅਰ ਕੈਨੇਡਾ, ਲੁਫਥਾਂਸਾ ਗਰੁੱਪ, ਸਵਿਸ, ਕੈਥੇ ਪੈਸੀਫਿਕ, ਕੇ.ਐੱਲ.ਐੱਮ., ਏਅਰ ਫਰਾਂਸ, ਆਈ.ਟੀ.ਏ. ਏਅਰਵੇਜ਼ ਅਤੇ ਵਿਜ਼ ਏਅਰ ਨੇ ਦੁਬਈ ਅਤੇ ਖਾੜੀ ਖੇਤਰ ਦੇ ਕੁਝ ਟਿਕਾਣਿਆਂ ਲਈ ਉਡਾਣਾਂ ਆਰਜ਼ੀ ਤੌਰ ’ਤੇ ਮੁਅੱਤਲ ਜਾਂ ਸੋਧੀਆਂ ਕਰ ਦਿੱਤੀਆਂ ਹਨ। ਕਈ ਏਅਰਲਾਈਨਜ਼ ਪ੍ਰਭਾਵਿਤ ਮੁਸਾਫ਼ਰਾਂ ਨੂੰ ਰੀ-ਬੁਕਿੰਗ ਅਤੇ ਰਿਫੰਡ ਦਾ ਬਦਲ ਵੀ ਦੇ ਰਹੀਆਂ ਹਨ।
ਇਹ ਵੀ ਪੜ੍ਹੋ : UPI 'ਤੇ ਲੱਗੇਗਾ ਚਾਰਜ! ਜਾਣੋ ਕੌਣ ਕਰੇਗਾ ਭੁਗਤਾਨ ਤੇ ਤੁਹਾਡੇ 'ਤੇ ਕੀ ਪਵੇਗਾ ਪ੍ਰਭਾਵ
ਲੰਬਾ ਹੋ ਸਕਦਾ ਹੈ ਸਫ਼ਰ
ਮਿਡਲ ਈਸਟ ਦੇ ਕਈ ਹਿੱਸਿਆਂ ਵਿਚ ਹਵਾਈ ਖੇਤਰ ’ਤੇ ਪਾਬੰਦੀਆਂ ਕਾਰਨ ਜਹਾਜ਼ ਬਦਲਵੇਂ ਰੂਟਾਂ ਤੋਂ ਉਡਾਣ ਭਰ ਰਹੇ ਹਨ। ਇਸ ਨਾਲ ਯਾਤਰਾ ਦਾ ਸਮਾਂ ਵਧ ਸਕਦਾ ਹੈ। ਨਾਲ ਹੀ ਟ੍ਰਾਂਜ਼ਿਟ ਵਿਚ ਦੇਰੀ, ਸਾਮਾਨ ਪਹੁੰਚਣ ’ਚ ਦੇਰੀ ਅਤੇ ਆਖਰੀ ਸਮੇਂ ’ਤੇ ਉਡਾਣਾਂ ਦੇ ਸਮੇਂ ਵਿਚ ਬਦਲਾਅ ਵਰਗੀਆਂ ਸਮੱਸਿਆਵਾਂ ਵੀ ਸਾਹਮਣੇ ਆ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : ਬਦਰੀਨਾਥ ਮੰਦਿਰ ਚੜ੍ਹਾਵਾ ਘਪਲਾ : BKTC ਦੇ ਸਾਬਕਾ ਅਧਿਕਾਰੀ ਗ੍ਰਿਫ਼ਤਾਰ, ਇੰਝ ਖੁੱਲ੍ਹਿਆ ਭੇਤ
ਯਾਤਰੀਆਂ ਲਈ ਏਅਰਲਾਈਨਜ਼ ਦੀ ਸਲਾਹ
ਏਅਰਲਾਈਨਜ਼ ਨੇ ਯਾਤਰੀਆਂ ਨੂੰ ਕਿਹਾ ਹੈ ਕਿ ਉਹ ਯਾਤਰਾ ਤੋਂ ਪਹਿਲਾਂ ਏਅਰਲਾਈਨ ਦੀ ਵੈੱਬਸਾਈਟ ਜਾਂ ਮੋਬਾਈਲ ਐਪ ’ਤੇ ਫਲਾਈਟ ਸਟੇਟਸ ਜ਼ਰੂਰ ਚੈੱਕ ਕਰਨ। ਇਸ ਦੇ ਨਾਲ ਹੀ ਆਪਣਾ ਮੋਬਾਈਲ ਨੰਬਰ ਅਤੇ ਈ-ਮੇਲ ਅਪਡੇਟ ਰੱਖਣ ਤਾਂ ਜੋ ਕਿਸੇ ਵੀ ਬਦਲਾਅ ਦੀ ਸੂਚਨਾ ਤੁਰੰਤ ਮਿਲ ਸਕੇ। ਵਿਅਸਤ ਸਮਰ ਸੀਜ਼ਨ ਅਤੇ ਸੁਰੱਖਿਆ ਕਾਰਨਾਂ ਨੂੰ ਦੇਖਦੇ ਹੋਏ ਆਮ ਸਮੇਂ ਤੋਂ ਪਹਿਲਾਂ ਏਅਰਪੋਰਟ ਪਹੁੰਚਣ ਦੀ ਵੀ ਸਲਾਹ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : 10 ਸਾਲਾਂ ਤੋਂ US 'ਚ ਰਹਿ ਰਹੇ ਭਾਰਤੀ ਨੇ ਦੱਸੀ ਡਰਾਵਨੀ ਸੱਚਾਈ, ਬਣਨਾ ਪਵੇਗਾ 'ਹੱਸਲਰ'
ਸਫ਼ਰ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਉਡਾਣ ਦਾ ਸਟੇਟਸ ਏਅਰਲਾਈਨ ਦੀ ਵੈੱਬਸਾਈਟ ਜਾਂ ਐਪ ’ਤੇ ਜ਼ਰੂਰ ਚੈੱਕ ਕਰੋ
ਏਅਰਪੋਰਟ ਆਮ ਸਮੇਂ ਤੋਂ ਪਹਿਲਾਂ ਪਹੁੰਚੋ
ਰੀ-ਬੁਕਿੰਗ ਅਤੇ ਰਿਫੰਡ ਦੀਆਂ ਸ਼ਰਤਾਂ ਪਹਿਲਾਂ ਪੜ੍ਹ ਲਓ
ਮੋਬਾਈਲ ਨੰਬਰ ਅਤੇ ਈ-ਮੇਲ ਅਪਡੇਟ ਰੱਖੋ
ਲੰਬੀ ਯਾਤਰਾ ਅਤੇ ਟ੍ਰਾਂਜ਼ਿਟ ਵਿਚ ਦੇਰੀ ਲਈ ਤਿਆਰ ਰਹੋ
ਆਖਰੀ ਸਮੇਂ ਵਿਚ ਸ਼ੈਡਿਊਲ ਬਦਲਣ ਦੀ ਸੰਭਾਵਨਾ ਨੂੰ ਧਿਆਨ ਵਿਚ ਰੱਖ ਕੇ ਯਾਤਰਾ ਦੀ ਯੋਜਨਾ ਬਣਾਓ
ਇਹ ਵੀ ਪੜ੍ਹੋ : ਹੁਣ ਜ਼ਿਆਦਾ ਮਹਿੰਗਾ ਨਹੀਂ ਹੋਵੇਗਾ ਸੋਨਾ, ਰਿਪੋਰਟ 'ਚ ਸਾਹਮਣੇ ਆਈ ਵੱਡੀ ਵਜ੍ਹਾ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਜੰਤਰ-ਮੰਤਰ 'ਤੇ ਆਈਸਾ ਨੇਤਾਵਾਂ ਨੇ 23 ਦਿਨਾਂ ਦੀ ਭੁੱਖ-ਹੜਤਾਲ ਕੀਤੀ ਖ਼ਤਮ
NEXT STORY 
