ਨਵੀਂ ਦਿੱਲੀ- ਬਿਜਲੀ ਮੰਤਰਾਲਾ ਦੇ ਸਕੱਤਰ ਸ਼੍ਰੀ ਪੰਕਜ ਅਗਰਵਾਲ ਨੇ ਨਵੀਂ ਦਿੱਲੀ 'ਚ ਫਰਾਂਸ ਦੀ ਈਡੀਐੱਫ ਦੇ ਚੇਅਰਮੈਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਸ਼੍ਰੀ ਬਰਨਾਰਡ ਫੋਂਟਾਨਾ ਨਾਲ ਬੈਠਕ ਕੀਤੀ। ਇਸ ਬੈਠਕ 'ਚ ਭਾਰਤ 'ਚ ਪ੍ਰਸਤਾਵਿਤ ਈਪੀਆਰ ਰਿਐਕਟਰਾਂ ਦੀ ਸਥਾਪਨਾ ਨੂੰ ਲੈ ਕੇ ਈਡੀਐੱਫ ਵਿਚਾਲੇ ਚੱਲ ਰਹੀ ਗੱਲਬਾਤ ਦੀ ਸਮੀਖਿਆ ਕੀਤੀ ਗਈ। ਬੈਠਕ 'ਚ ਭਾਰਤ ਵਲੋਂ ਬਿਜਲੀ ਮੰਤਰਾਲਾ, ਵਿਦੇਸ਼ ਮੰਤਰਾਲਾ, ਕੇਂਦਰੀ ਬਿਜਲੀ ਅਥਾਰਟੀ (ਸੀਈਏ), ਐੱਨਟੀਪੀਸੀ ਲਿਮਟਿਡ ਅਤੇ ਐੱਨਪੀਸੀਆਈਐੱਲ ਦੇ ਅਧਿਕਾਰੀ ਮੌਜੂਦ ਸਨ, ਜਦੋਂ ਕਿ ਫਰਾਂਸੀਸੀ ਪੱਖ ਤੋਂ ਈਡੀਐੱਫ ਅਤੇ ਭਾਰਤ 'ਚ ਫਰਾਂਸੀਸੀ ਦੂਤਘਰ ਦੇ ਅਧਿਕਾਰੀ ਮੌਜੂਦ ਸਨ। ਚਰਚਾ ਦਾ ਕੇਂਦਰ ਬਿੰਦੂ ਈਪੀਆਰ ਤਕਨੀਕ ਦੀ ਤਾਇਨਾਤੀ, ਪਰਮਾਣੂ ਖੇਤਰ ਲਈ ਭਾਰਤ ਦੇ ਰੈਗੂਲੇਟਰੀ ਸੁਧਾਰ, ਪੰਪਡ ਹਾਈਡ੍ਰੋ ਸਟੋਰੇਜ ਪ੍ਰਾਜੈਕਟਾਂ 'ਤੇ ਸਹਿਯੋਗ ਹੋਰ ਮਜ਼ਬੂਤ, ਆਪਸੀ ਲਾਭਕਾਰੀ ਸਾਂਝੇਦਾਰੀ ਸੀ।
ਈਡੀਐੱਫ ਨੇ ਭਾਰਤ 'ਚ ਵੱਡੇ ਪੈਮਾਨੇ 'ਤੇ ਸਥਾਈਕਰਨ ਲਈ ਇਕ ਈਕੋਸਿਸਟਮ ਅਤੇ ਸਪਲਾਈ ਚੇਨ ਬਣਾਉਣ ਦੀਆਂ ਆਪਣੀਆਂ ਕੋਸ਼ਿਸ਼ਾਂ ਬਾਰੇ ਭਾਰਤੀ ਪੱਖ ਜਾਣੂ ਕਰਵਾਇਆ ਅਤੇ ਦੋਹਰਾਇਆ ਕਿ ਕਈ ਪਰਮਾਣੂ ਰਿਐਕਟਰਾਂ ਵਾਲਾ ਇਕ ਵੱਡਾ ਪ੍ਰੋਗਰਾਮ ਸਪਲਾਈਕਰਤਾਵਾਂ ਨੂੰ ਭਰੋਸਾ ਦਿਵਾਏਗਾ ਅਤੇ ਭਾਰਤੀ ਉਦਯੋਗ ਦੀਆਂ ਸਮਰੱਥਾਵਾਂ ਦਾ ਲਾਭ ਚੁੱਕ ਕੇ ਵੱਡੇ ਪੈਮਾਨੇ 'ਤੇ ਅਰਥਵਿਵਸਥਾਵਾਂ ਨੂੰ ਸਮਰੱਥ ਕਰੇਗਾ।
ਬਿਜਲੀ ਸਕੱਤਰ ਨੇ ਫਰਾਂਸੀਸੀ ਪੱਖ ਨੂੰ ਭਾਰਤੀ ਪਰਮਾਣੂ ਖੇਤਰ ਦੇ ਰੈਗੂਲੇਟਰੀ ਢਾਂਚੇ ਨੂੰ ਅੰਤਿਮ ਰੂਪ ਦੇਣ 'ਚ ਹੋਈ ਤਰੱਕੀ ਬਾਰੇ ਜਾਣਕਾਰੀ ਦਿੱਤੀ, ਜਿਸ 'ਚ ਪਰਮਾਣੂ ਊਰਜਾ ਵਿਭਾਗ ਵਲੋਂ ਹਿੱਤਧਾਰਕਾਂ ਦੀ ਸਲਾਹ ਲਈ ਜਨਤਕ ਰੂਪ ਨਾਲ ਜਾਰੀ ਕੀਤੇ ਗਏ ਸ਼ਾਂਤੀ (ਭਾਰਤ ਦੇ ਪਰਿਵਰਤਨ ਲਈ ਪਰਮਾਣੂ ਊਰਜਾ ਦਾ ਟਿਕਾਊ ਵਿਕਾਸ) ਨਿਯਮਾਂ ਦਾ ਮਸੌਦਾ ਵੀ ਸ਼ਾਮਲ ਹੈ। ਇਹ ਨਿਯਮ ਇਕ ਸੁਚਾਰੂ, ਸਮਾਂਬੱਧ ਲਾਇਸੈਂਸਿੰਗ ਢਾਂਚਾ ਪ੍ਰਦਾਨ ਕਰਦੇ ਹਨ ਅਤੇ ਭਾਰਤ ਦੇ ਪਰਮਾਣੂ ਊਰਜਾ ਪ੍ਰੋਗਰਾਮ 'ਚ ਨਿੱਜੀ ਅਤੇ ਵਿਦੇਸ਼ੀ ਭਾਈਵਾਲਾਂ ਦੀ ਹਿੱਸੇਦਾਰੀ ਨੂੰ ਸਮਰੱਥ ਬਣਾਉਂਦੇ ਹਨ। ਦੋਵਾਂ ਪੱਖਾਂ ਨੇ ਇਸ ਖੇਤਰ 'ਚ ਪ੍ਰਸਤਾਵਿਤ ਐੱਨਟੀਪੀਐੱਸ-ਈਡੀਐੱਫ ਸੰਯੁਕਤ ਉੱਦਮ ਦੇ ਆਧਾਰ 'ਤੇ ਪੰਪਡ ਹਾਈਡ੍ਰੋ ਸਟੋਰੇਜ ਪ੍ਰਾਜੈਕਟ 'ਤੇ ਸਹਿਯੋਗ 'ਤੇ ਵੀ ਚਰਚਾ ਕੀਤੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਜ਼ਹਿਰੀਲੀ ਸ਼ਰਾਬ ਨੇ ਉਜਾੜ 'ਤੇ ਹੱਸਦੇ ਵੱਸਦੇ ਘਰ, 19 ਲੋਕਾਂ ਦੀ ਮੌਤ, ਨਾਗਾਲੈਂਡ 'ਚ ਮਚੀ ਹਾਹਾਕਾਰ
NEXT STORY 
