ਨਵੀਂ ਦਿੱਲੀ : ਭਾਰਤ ਸ਼ਰਾਬ ਦੀ ਖਪਤ ਵਿੱਚ ਵਾਧੇ ਦੇ ਮਾਮਲੇ ਵਿੱਚ ਦੁਨੀਆ ਦਾ ਨੰਬਰ 1 ਦੇਸ਼ ਬਣ ਗਿਆ ਹੈ, ਜਿਸ ਨੇ 20 ਹੋਰ ਪ੍ਰਮੁੱਖ ਗਲੋਬਲ ਬਾਜ਼ਾਰਾਂ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਗਲੋਬਲ ਅਲਕੋਹਲ ਰਿਸਰਚ ਫਰਮ IWSR ਦੇ ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ, ਇੱਕ ਰਿਪੋਰਟ ਵਿੱਚ ਇਹ ਖੁਲਾਸਾ ਹੋਇਆ ਹੈ ਕਿ ਭਾਰਤ ਨੇ ਲਗਾਤਾਰ ਤੀਜੀ ਛਿਮਾਹੀ ਵਿੱਚ ਕੁੱਲ ਪੀਣ ਵਾਲੇ ਅਲਕੋਹਲ (TBA) ਦੀ ਖਪਤ ਵਿੱਚ ਸਭ ਤੋਂ ਵੱਧ ਵਾਧਾ ਦਰਜ ਕੀਤਾ ਹੈ।
ਜਨਵਰੀ-ਜੂਨ 2025 ਦੀ ਮਿਆਦ ਦੌਰਾਨ, ਭਾਰਤ ਵਿੱਚ TBA ਦੀ ਮਾਤਰਾ ਸਾਲ-ਦਰ-ਸਾਲ 7% ਵਧ ਕੇ 440 ਮਿਲੀਅਨ 9-ਲਿਟਰ ਕੇਸਾਂ ਨੂੰ ਪਾਰ ਕਰ ਗਈ। ਇਹ ਵਾਧਾ ਚੀਨ, ਅਮਰੀਕਾ, ਰੂਸ, ਜਰਮਨੀ ਅਤੇ ਯੂਕੇ ਸਮੇਤ IWSR ਦੁਆਰਾ ਟ੍ਰੈਕ ਕੀਤੇ ਗਏ 20 ਪ੍ਰਮੁੱਖ ਗਲੋਬਲ ਬਾਜ਼ਾਰਾਂ ਵਿੱਚ ਸਭ ਤੋਂ ਵੱਧ ਸੀ।
ਭਾਰਤੀ ਵ੍ਹਿਸਕੀ ਦਾ ਦਬਦਬਾ
ਸਪਿਰਟ ਸੈਕਟਰ ਵਿੱਚ, ਭਾਰਤੀ ਵ੍ਹਿਸਕੀ (Indian Whisky) ਨੇ ਮਾਰਕੀਟ 'ਤੇ ਆਪਣਾ ਦਬਦਬਾ ਬਰਕਰਾਰ ਰੱਖਿਆ, ਅਤੇ 7% ਦੀ ਗ੍ਰੋਥ ਦਰਜ ਕਰਦੇ ਹੋਏ 130 ਮਿਲੀਅਨ 9-ਲਿਟਰ ਕੇਸਾਂ ਤੱਕ ਪਹੁੰਚ ਗਈ। ਇਸੇ ਮਿਆਦ ਦੌਰਾਨ, ਵੋਡਕਾ ਵਿੱਚ 10%, ਰਮ ਵਿੱਚ 2% ਅਤੇ ਜਿਨ ਅਤੇ ਜੇਨੇਵਰ ਵਿੱਚ 3% ਦਾ ਵਾਧਾ ਦੇਖਿਆ ਗਿਆ। ਇਸ ਤੋਂ ਇਲਾਵਾ, ਰੈਡੀ-ਟੂ-ਡਰਿੰਕ ਪੀਣ ਵਾਲੇ ਪਦਾਰਥਾਂ ਵਿੱਚ 11% ਅਤੇ ਬੀਅਰ ਵਿੱਚ 7% ਦਾ ਵਾਧਾ ਹੋਇਆ, ਜਦੋਂ ਕਿ ਵਾਈਨ ਦੀ ਗ੍ਰੋਥ ਸਥਿਰ ਰਹੀ।
IWSR ਦੀ ਏਸ਼ੀਆ-ਪੈਸੀਫਿਕ ਰਿਸਰਚ ਹੈੱਡ ਸਾਰਾ ਕੈਂਪਬੈਲ (Sara Campbell) ਨੇ ਕਿਹਾ ਕਿ ਭਾਰਤੀ ਵ੍ਹਿਸਕੀ ਭਾਰਤ ਵਿੱਚ ਸਪਿਰਟ ਸ਼੍ਰੇਣੀ ਲਈ ਮੁੱਖ ਵਿਕਾਸ ਇੰਜਣ ਬਣੀ ਹੋਈ ਹੈ, ਜੋ ਬਿਹਤਰ ਗੁਣਵੱਤਾ, ਵਧਦੇ ਖਪਤਕਾਰ ਆਧਾਰ ਅਤੇ ਅਨੁਕੂਲ ਆਰਥਿਕ ਹਾਲਾਤਾਂ ਕਾਰਨ ਸੰਭਵ ਹੋਇਆ ਹੈ। ਉਨ੍ਹਾਂ ਅਨੁਸਾਰ, ਭਾਰਤ “ਸਾਰੇ ਸ਼੍ਰੇਣੀਆਂ ਵਿੱਚ ਲਗਾਤਾਰ ਮੰਗ ਵਿੱਚ ਵਾਧੇ ਅਤੇ ਪ੍ਰੀਮੀਅਮੀਕਰਨ ਦੇ ਸਥਿਰ ਰੁਝਾਨਾਂ” ਕਾਰਨ ਪੀਣ ਵਾਲੇ ਅਲਕੋਹਲ ਉਦਯੋਗ ਲਈ ਸਭ ਤੋਂ ਮਹੱਤਵਪੂਰਨ ਗਲੋਬਲ ਬਾਜ਼ਾਰਾਂ ਵਿੱਚੋਂ ਇੱਕ ਬਣ ਰਿਹਾ ਹੈ।
2033 ਤੱਕ 5ਵਾਂ ਸਭ ਤੋਂ ਵੱਡਾ ਮਾਰਕੀਟ ਬਣਨ ਦੀ ਉਮੀਦ
IWSR ਦੇ ਲੰਬੇ ਸਮੇਂ ਦੇ ਅਨੁਮਾਨਾਂ ਅਨੁਸਾਰ, ਭਾਰਤ ਵਾਲਿਊਮ ਦੇ ਹਿਸਾਬ ਨਾਲ ਗਲੋਬਲ ਪੱਧਰ 'ਤੇ 5ਵਾਂ ਸਭ ਤੋਂ ਵੱਡਾ ਅਲਕੋਹਲ ਮਾਰਕੀਟ ਬਣਨ ਦੀ ਦਿਸ਼ਾ 'ਤੇ ਹੈ। ਉਮੀਦ ਹੈ ਕਿ ਭਾਰਤ 2027 ਤੱਕ ਜਾਪਾਨ ਅਤੇ 2033 ਤੱਕ ਜਰਮਨੀ ਤੋਂ ਅੱਗੇ ਨਿਕਲ ਜਾਵੇਗਾ। ਭਾਰਤ ਵਿੱਚ ਪ੍ਰੀਮੀਅਮ ਅਤੇ ਇਸ ਤੋਂ ਉੱਪਰ ਦੀਆਂ ਅਲਕੋਹਲ ਸ਼੍ਰੇਣੀਆਂ ਨੇ ਵੀ ਓਵਰਆਲ ਗ੍ਰੋਥ ਨੂੰ ਪਿੱਛੇ ਛੱਡ ਦਿੱਤਾ, 2025 ਦੀ ਪਹਿਲੀ ਛਿਮਾਹੀ ਵਿੱਚ ਵਾਲਿਊਮ ਅਤੇ ਵੈਲਯੂ ਦੋਵਾਂ ਵਿੱਚ 8% ਦਾ ਵਾਧਾ ਦਰਜ ਕੀਤਾ ਗਿਆ।
ਮਾਂ ਵੈਸ਼ਨੋ ਦੇਵੀ ਦੇ ਸ਼ਰਧਾਲੂਆਂ ਲਈ Good News! ਜਲਦ ਬਣਨ ਜਾ ਰਿਹੈ ਨਵਾਂ ਨੈਸ਼ਨਲ ਹਾਈਵੇਅ
NEXT STORY 
