ਮੋਹਾਲੀ (ਰਣਬੀਰ) : ਸ਼ਹਿਰ ਦੇ ਪ੍ਰਸਿੱਧ ਉਦਯੋਗਿਕ ਖੇਤਰ ਫੇਜ਼-8ਬੀ 'ਚ ਇੰਡਸਟਰੀਅਲ ਪਲਾਟਾਂ ਦੀਆਂ ਕੀਮਤਾਂ ਚ ਹੈਰਾਨ ਕਰਨ ਵਾਲਾ ਵਾਧਾ ਦਰਜ ਕੀਤਾ ਗਿਆ ਹੈ। ਸਿਰਫ਼ ਤਿੰਨ ਮਹੀਨਿਆਂ ਦੇ ਅੰਦਰ 500 ਵਰਗ ਗਜ਼ ਦੇ ਪਲਾਟਾਂ ਦੀ ਕੀਮਤ ਲਗਭਗ ਦੁੱਗਣੀ ਹੋ ਗਈ ਹੈ। ਜਿੱਥੇ ਪਿਛਲੇ ਸਾਲ ਜੂਨ ਮਹੀਨੇ ਦੌਰਾਨ ਇਹ ਪਲਾਟ ਕਰੀਬ 4.5 ਕਰੋੜ ਰੁਪਏ ਚ ਵਿਕੇ ਸਨ, ਉੱਥੇ ਹੁਣ ਨਵੀਂ ਨਿਲਾਮੀ ਚ ਇਹੀ ਪਲਾਟ 8.5 ਕਰੋੜ ਰੁਪਏ ਤੱਕ ਦੀ ਉੱਚੀ ਬੋਲੀ ਨਾਲ ਵੇਚੇ ਗਏ ਹਨ। ਬੁੱਧਵਾਰ ਦੇਰ ਸ਼ਾਮ ਪੰਜਾਬ ਲਘੂ ਉਦਯੋਗ ਅਤੇ ਨਿਰਯਾਤ ਨਿਗਮ (ਪੀ. ਐੱਸ. ਆਈ. ਈ. ਸੀ.) ਵੱਲੋਂ ਕਰਵਾਈ ਗਈ ਨਿਲਾਮੀ ਦੌਰਾਨ 500 ਵਰਗ ਗਜ਼ ਦੇ ਕੁੱਲ 16 ਇੰਡਸਟਰੀਅਲ ਪਲਾਟ 99 ਸਾਲਾਂ ਦੀ ਲੀਜ਼ ਆਧਾਰ ‘ਤੇ ਵੇਚੇ ਗਏ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਪਵੇਗੀ ਭਿਆਨਕ ਗਰਮੀ! ਟੁੱਟਿਆ 14 ਸਾਲਾਂ ਦਾ ਰਿਕਾਰਡ, ਮੌਸਮ ਵਿਭਾਗ ਨੇ ਜਾਰੀ ਕੀਤਾ ALERT
ਇਨ੍ਹਾਂ ਪਲਾਟਾਂ ਲਈ ਰਾਖਵਾਂ ਮੁੱਲ 1.90 ਕਰੋੜ ਰੁਪਏ ਰੱਖਿਆ ਗਿਆ ਸੀ ਪਰ ਬੋਲੀ ਪ੍ਰਕਿਰਿਆ ਦੌਰਾਨ ਮੁਕਾਬਲਾ ਕਾਫ਼ੀ ਤੇਜ਼ ਰਿਹਾ ਅਤੇ ਸਭ ਤੋਂ ਉੱਚੀ ਬੋਲੀ 8.5 ਕਰੋੜ ਰੁਪਏ ਤੱਕ ਪਹੁੰਚ ਗਈ। ਕਈ ਪਲਾਟ ਕਰੀਬ 7 ਕਰੋੜ ਰੁਪਏ ਦੇ ਆਸ-ਪਾਸ ਵੇਚੇ ਗਏ। ਦੱਸਣਯੋਗ ਹੈ ਕਿ ਪਿਛਲੇ ਸਾਲ ਜੂਨ 'ਚ ਹੋਈ ਨਿਲਾਮੀ 'ਚ ਵੀ ਸਭ ਤੋਂ ਉੱਚੀ ਬੋਲੀ 8.5 ਕਰੋੜ ਰੁਪਏ ਦਰਜ ਕੀਤੀ ਗਈ ਸੀ, ਜਦੋਂਕਿ ਬਹੁਤਰੇ ਪਲਾਟ ਲਗਭਗ 7 ਕਰੋੜ ਰੁਪਏ 'ਚ ਨਿਪਟਾਏ ਗਏ ਸਨ। ਹਾਲਾਂਕਿ ਇਸ ਵਾਰ ਮੁਕਾਬਲੇ ਦੀ ਤੀਬਰਤਾ ਅਤੇ ਨਿਵੇਸ਼ਕਾਂ ਦੀ ਦਿਲਚਸਪੀ ਨੇ ਕੀਮਤਾਂ ਨੂੰ ਹੋਰ ਉੱਚਾ ਧੱਕ ਦਿੱਤਾ ਹੈ। ਪੀ. ਐੱਸ. ਆਈ. ਈ. ਸੀ. ਦੀ ਮੈਨੇਜਿੰਗ ਡਾਇਰੈਕਟਰ ਸੁਰਭੀ ਮਲਿਕ ਨੇ ਕਿਹਾ ਕਿ ਨਿਲਾਮੀ ਨੂੰ ਉਦਯੋਗਪਤੀਆਂ ਵੱਲੋਂ ਬਹੁਤ ਹੀ ਉਤਸ਼ਾਹਜਨਕ ਪ੍ਰਤੀਕਿਰਿਆ ਮਿਲੀ ਹੈ। ਉਨ੍ਹਾਂ ਕਿਹਾ ਕਿ ਨਿਗਮ ਰਾਜ 'ਚ ਉਦਯੋਗਿਕ ਢਾਂਚੇ ਨੂੰ ਮਜ਼ਬੂਤ ਕਰਨ ਅਤੇ ਛੋਟੇ-ਵੱਡੇ ਉਦਯੋਗਾਂ ਨੂੰ ਉੱਚਿਤ ਥਾਂ ਮੁਹੱਈਆ ਕਰਵਾਉਣ ਲਈ ਲਗਾਤਾਰ ਯਤਨਸ਼ੀਲ ਹੈ। ਇਹ 500 ਵਰਗ ਗਜ਼ ਦੇ ਇੰਡਸਟਰੀਅਲ ਪਲਾਟਾਂ ਦੀ ਤੀਜੀ ਨਿਲਾਮੀ ਸੀ, ਜੋ 2019 ਦੀ ਉਦਯੋਗਿਕ ਨੀਤੀ ਤਹਿਤ ਕਰਵਾਈ ਗਈ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਪਵੇਗੀ ਭਿਆਨਕ ਗਰਮੀ! ਟੁੱਟਿਆ 14 ਸਾਲਾਂ ਦਾ ਰਿਕਾਰਡ, ਮੌਸਮ ਵਿਭਾਗ ਨੇ ਜਾਰੀ ਕੀਤਾ ALERT
5 ਫਰਵਰੀ ਤੋਂ ਸ਼ੁਰੂ ਹੋਈ ਨਿਲਾਮੀ ਮੁਹਿੰਮ ਦੇ ਅਧੀਨ ਹੁਣ ਤੱਕ ਸੂਬੇ ਭਰ 'ਚ ਕਰੀਬ 350 ਇੰਡਸਟਰੀਅਲ ਪਲਾਟ ਵੇਚੇ ਜਾ ਚੁੱਕੇ ਹਨ। ਇਨ੍ਹਾਂ 'ਚ ਮੋਹਾਲੀ ਅਤੇ ਲੁਧਿਆਣਾ ਸਮੇਤ ਕਈ ਮਹੱਤਵਪੂਰਨ ਉਦਯੋਗਿਕ ਸ਼ਹਿਰ ਸ਼ਾਮਲ ਹਨ। ਪਲਾਟਾਂ ਦਾ ਆਕਾਰ 240 ਵਰਗ ਗਜ਼ ਤੋਂ ਲੈ ਕੇ 44 ਏਕੜ ਤੱਕ ਰੱਖਿਆ ਗਿਆ ਹੈ, ਤਾਂ ਜੋ ਛੋਟੇ ਅਤੇ ਵੱਡੇ ਦੋਵੇਂ ਕਿਸਮ ਦੇ ਉਦਯੋਗਾਂ ਦੀਆਂ ਲੋੜਾਂ ਪੂਰੀਆਂ ਕੀਤੀਆਂ ਜਾ ਸਕਣ। ਉਦਯੋਗਿਕ ਮਾਹਿਰਾਂ ਦਾ ਮੰਨਣਾ ਹੈ ਕਿ ਮੋਹਾਲੀ ਦੀ ਸਥਿਤੀ, ਬਿਹਤਰ ਸੜਕ ਅਤੇ ਆਧਾਰਭੂਤ ਢਾਂਚੇ ਦੇ ਕਾਰਨ ਇੱਥੇ ਨਿਵੇਸ਼ ਦੀ ਮੰਗ ਲਗਾਤਾਰ ਵੱਧ ਰਹੀ ਹੈ, ਜਿਸ ਦਾ ਸਿੱਧਾ ਅਸਰ ਪਲਾਟਾਂ ਦੀਆਂ ਕੀਮਤਾਂ ‘ਤੇ ਪੈ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
CM ਭਗਵੰਤ ਮਾਨ ਤੇ ਕੈਪਟਨ ਨੇ ਖਿਡਾਰੀਆਂ ਦੀ ਕੋਈ ਸਾਰ ਨਹੀਂ ਲਈ : ਸੁਖਬੀਰ ਬਾਦਲ (ਵੀਡੀਓ)
NEXT STORY 
