ਨਵੀਂ ਦਿੱਲੀ - ਭਾਰਤ ਸਰਕਾਰ ਨੇ ਸਪੇਸ ਸਟਾਰਟ-ਅੱਪਸ ਨੂੰ ਸਮਰਥਨ ਦੇਣ ਲਈ $119 ਮਿਲੀਅਨ (1,000 ਕਰੋੜ ਰੁਪਏ) ਦੇ ਇੱਕ ਉੱਦਮ ਪੂੰਜੀ (VC) ਫੰਡ ਨੂੰ ਮਨਜ਼ੂਰੀ ਦਿੱਤੀ ਹੈ। ਕੇਂਦਰੀ ਮੰਤਰੀ ਮੰਡਲ ਨੇ ਪਿਛਲੇ ਜੁਲਾਈ ਮਹੀਨੇ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਸੀ। ਫੰਡ ਦਾ ਪ੍ਰਬੰਧਨ ਇੰਡੀਅਨ ਨੈਸ਼ਨਲ ਸਪੇਸ ਪ੍ਰਮੋਸ਼ਨ ਐਂਡ ਆਥੋਰਾਈਜ਼ੇਸ਼ਨ ਸੈਂਟਰ (IN-SPACE) ਦੁਆਰਾ ਕੀਤਾ ਜਾਵੇਗਾ।
ਭਾਰਤ ਦੁਨੀਆ ਦੇ ਚੋਟੀ ਦੇ ਪੰਜ ਪੁਲਾੜ ਦੇਸ਼ਾਂ 'ਚੋਂ ਇੱਕ ਹੈ ਪਰ ਇਹ ਪੁਲਾੜ ਅਰਥਵਿਵਸਥਾ 'ਚ ਸਿਰਫ਼ 2 ਪ੍ਰਤੀਸ਼ਤ ਦਾ ਹਿੱਸਾ ਹੈ। ਨਰਿੰਦਰ ਮੋਦੀ ਸਰਕਾਰ ਇਸ ਨੂੰ ਬਦਲਣਾ ਚਾਹੁੰਦੀ ਹੈ ਅਤੇ ਇਹ ਵੀਸੀ ਫੰਡ ਉਸ ਦਿਸ਼ਾ 'ਚ ਇੱਕ ਕਦਮ ਹੈ। 2019-20 ਤੋਂ ਭਾਰਤੀ ਪੁਲਾੜ ਉਦਯੋਗ ਤੇਜ਼ੀ ਨਾਲ ਵਧਿਆ ਹੈ ਕਿਉਂਕਿ ਸਰਕਾਰ ਨੇ ਇਸ ਖ਼ੇਤਰ ਨੂੰ ਹੋਰ ਨਿੱਜੀ ਗਤੀਵਿਧੀਆਂ ਲਈ ਖੋਲ੍ਹਿਆ ਹੈ।
ਪ੍ਰਧਾਨ ਮੰਤਰੀ ਮੋਦੀ ਦਾ ਬਿਆਨ
ਪ੍ਰਧਾਨ ਮੰਤਰੀ ਮੋਦੀ ਨੇ ਟਵਿੱਟਰ 'ਤੇ ਕਿਹਾ ਕਿ ਫੰਡ ਦਾ ਨੌਜਵਾਨਾਂ 'ਤੇ ਸ਼ਾਨਦਾਰ ਪ੍ਰਭਾਵ ਪਵੇਗਾ। ਉਸ ਨੇ ਇਹ ਵੀ ਕਿਹਾ ਕਿ ਇਹ ਬਹੁਤ ਸਾਰੇ ਨਵੀਨਤਾਕਾਰੀ ਦਿਮਾਗਾਂ ਨੂੰ ਮੌਕੇ ਪ੍ਰਦਾਨ ਕਰੇਗਾ ਅਤੇ ਸਾਡੇ ਪੁਲਾੜ ਪ੍ਰੋਗਰਾਮ ਨੂੰ ਹੁਲਾਰਾ ਦੇਵੇਗਾ।
ਫੰਡਾਂ ਦੀ ਵਰਤੋਂ ਕਿਵੇਂ ਕੀਤੀ ਜਾਵੇਗੀ?
1. 40 ਸਟਾਰਟ-ਅੱਪਸ ਦਾ ਸਮਰਥਨ : ਇਹ 1,000 ਕਰੋੜ ਰੁਪਏ ਦਾ ਫੰਡ ਅਗਲੇ 5 ਸਾਲਾਂ 'ਚ ਲਗਭਗ 40 ਸਪੇਸ ਸਟਾਰਟ-ਅੱਪਸ ਨੂੰ ਸਮਰਥਨ ਦੇਵੇਗਾ। ਔਸਤ ਨਿਵੇਸ਼ ਰਾਸ਼ੀ 150-250 ਕਰੋੜ ਰੁਪਏ ਸਾਲਾਨਾ ਹੋ ਸਕਦੀ ਹੈ।
2. ਗੁਣਕ ਪ੍ਰਭਾਵ : ਸਟਾਰਟ-ਅੱਪਸ 'ਚ ਪੂੰਜੀ ਨਿਵੇਸ਼ ਦਾ ਭਾਰਤੀ ਪੁਲਾੜ ਉਦਯੋਗ 'ਚ ਬਹੁਪੱਖੀ ਪ੍ਰਭਾਵ ਪਵੇਗਾ। ਇਸ ਨਿਵੇਸ਼ ਤੋਂ ਹੋਰ ਵਿਕਾਸ ਲਈ ਵਾਧੂ ਫੰਡ ਲਿਆਉਣ ਦੀ ਵੀ ਉਮੀਦ ਹੈ।
3. 'ਸਵੈ-ਨਿਰਭਰ' ਭਾਰਤ ਵੱਲ ਤਰੱਕੀ : ਫੰਡ ਭਾਰਤ ਦੀਆਂ ਸਵੈ-ਨਿਰਭਰਤਾ ਦੀਆਂ ਇੱਛਾਵਾਂ ਨੂੰ ਵੀ ਹੁਲਾਰਾ ਦੇਵੇਗਾ, ਖਾਸ ਕਰਕੇ ਪੁਲਾੜ ਵਰਗੇ ਨਾਜ਼ੁਕ ਖੇਤਰਾਂ 'ਚ। ਇਸ ਨਾਲ ਭਾਰਤੀ ਕੰਪਨੀਆਂ ਨੂੰ ਦੇਸ਼ 'ਚ ਰੱਖਣ 'ਚ ਮਦਦ ਮਿਲੇਗੀ।
4. 5 ਗੁਣਾ ਵਿਕਾਸ ਨੂੰ ਨਿਸ਼ਾਨਾ ਬਣਾਉਣਾ : ਭਾਰਤ ਦੀ ਸਪੇਸ ਅਰਥਵਿਵਸਥਾ ਇਸ ਸਮੇਂ ਲਗਭਗ 8.4 ਬਿਲੀਅਨ ਡਾਲਰ ਹੈ ਅਤੇ ਮੋਦੀ ਸਰਕਾਰ ਅਗਲੇ ਦਹਾਕੇ 'ਚ ਇਸ ਨੂੰ ਵਧਾ ਕੇ 44 ਬਿਲੀਅਨ ਡਾਲਰ ਕਰਨਾ ਚਾਹੁੰਦੀ ਹੈ। ਇਹ ਵੀਸੀ ਫੰਡ ਇਸ ਵਾਧੇ ਵੱਲ ਇੱਕ ਅਹਿਮ ਕਦਮ ਹੋਵੇਗਾ।
5. ਰੁਜ਼ਗਾਰ ਅਤੇ ਖੋਜ 'ਚ ਵਾਧਾ : ਇਹ VC ਫੰਡ ਭਾਰਤੀ ਪੁਲਾੜ ਖੇਤਰ ਦੀ ਸਮੁੱਚੀ ਸਪਲਾਈ ਲੜੀ ਦਾ ਸਮਰਥਨ ਕਰੇਗਾ। ਇਹ ਕਾਰੋਬਾਰਾਂ ਨੂੰ ਵਧਣ, ਖੋਜ ਅਤੇ ਵਿਕਾਸ ਵਿੱਚ ਨਿਵੇਸ਼ ਕਰਨ ਅਤੇ ਕਰਮਚਾਰੀਆਂ ਨੂੰ ਵਧਾਉਣ 'ਚ ਮਦਦ ਕਰੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤ ਦੇ 'ਮੇਕ ਇਨ ਇੰਡੀਆ' ਫੌਜੀ ਜਹਾਜ਼ਾਂ ਦਾ ਸਾਕਾਰ ਹੋ ਰਿਹਾ ਸੁਪਨਾ
NEXT STORY 
