ਨਵੀਂ ਦਿੱਲੀ- ਭਾਰਤੀ ਰੇਲਵੇ ਦੇ ਬੁਨਿਆਦੀ ਅਤੇ ਤਕਨੀਕੀ ਢਾਂਚੇ 'ਚ ਔਰਤਾਂ ਪੁਰਸ਼ਾਂ ਦੇ ਸਦੀਆਂ ਪੁਰਾਣੇ ਦਬਦਬੇ ਨੂੰ ਹਰ ਪੱਧਰ 'ਤੇ ਚੁਣੌਤੀ ਦੇ ਰਹੀਆਂ ਹਨ। ਭਾਰੀ ਪੱਟੜੀਆਂ ਦੀ ਸਾਂਭ-ਸੰਭਾਲ, ਓਵਰਹੈੱਡ ਇਕਵਿਪਮੈਂਟ (ਓਐੱਚਈ) ਤਾਰਾਂ ਦੀ ਮੁਰੰਮਤ ਵਰਗੀਆਂ ਚੁਣੌਤੀਪੂਰਨ ਜ਼ਿੰਮੇਵਾਰੀਆਂ 'ਚ ਮਹਿਲਾ ਰੇਲ ਕਰਮਚਾਰੀ ਆਪਣੀ ਸਰਵਸ਼੍ਰੇਸ਼ਠ ਕੁਸ਼ਲਤਾ ਸਾਬਿਤ ਕਰ ਰਹੀਆਂ ਹਨ।
ਫੀਲਡ ਤੋਂ ਇਲਾਵਾ ਲੋਕੋ ਪਾਇਲਟ ਵਜੋਂ ਵੰਦੇ ਭਾਰਤ ਹਾਈ-ਸਪੀਡ ਟਰੇਨਾਂ ਦੌੜਾਉਣ, ਸਟੇਸ਼ਨ ਮਾਸਟਰ ਬਣ ਕੇ ਟਰੇਨ ਮੂਵਮੈਂਟ ਕੰਟਰੋਲ ਕਰਨ, ਟੀਟੀਈ ਅਤੇ ਆਰਪੀਐੱਫ ਕੈਡਰ 'ਚ ਸੁਰੱਖਿਆ ਅਤੇ ਯਾਤਰੀ ਸੇਵਾਵਾਂ ਸੰਭਾਲਣ 'ਚ ਵੀ ਔਰਤਾਂ ਪੁਰਸ਼ਾਂ ਤੋਂ ਬਿਹਤਰ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਰੇਲਵੇ ਬੋਰਡ ਨੇ ਸਤੰਬਰ 2026 ਦੀ ਰਿਪੋਰਟ 'ਚ ਇਹ ਜਾਣਕਾਰੀ ਦਿੱਤੀ।
ਇਸ ਦੇ ਅਨੁਸਾਰ, ਦਿਨ-ਰਾਤ ਗਸ਼ਤ ਦੇਣ ਵਾਲੀ ਰੇਲ ਸਖੀ (ਆਲ-ਵਿਮੈਨ ਮੈਂਟੇਨੈਂਸ ਗੈਂਗ) ਦੀ ਬਦੌਲਤ ਰੇਲ ਹਾਦਸਿਆਂ ਦੀ ਕਮੀ ਆਉਣ ਨਾਲ ਕ੍ਰਿਟਿਕਲ ਸੈਕਸ਼ਨਾਂ 'ਚ ਟਰੈਕ ਖਰਾਬੀ ਦੇ ਮਾਮਲਿਆਂ 'ਚ ਇਤਿਹਾਸ 'ਚ 12 ਤੋਂ 15 ਫੀਸਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਸਾਲ 2018-19 ਦੀ ਰੇਲਵੇ ਭਰਤੀ ਬੋਰਡ (ਆਰਆਰਬੀ) ਗਰੁੱਪ-ਡੀ ਪ੍ਰੀਖਿਆ ਤੋਂ ਸ਼ੁਰੂ ਸਫ਼ਰ ਤੋਂ ਬਾਅਦ ਅੱਜ 18 ਹਜ਼ਾਰ ਤੋਂ ਵੱਧ ਮਹਿਲਾ ਟਰੈਕ ਮੈਂਟੇਨਰਸ ਅਤੇ ਓਐੱਚਈ ਤਕਨੀਸ਼ੀਅਨ ਤਾਇਨਾਤ ਹਨ। ਇਸ 'ਚ ਦੱਖਣ-ਪੂਰਬ ਮੱਧ ਰੇਲਵੇ (ਬਿਲਾਸਪੁਰ ਅਤੇ ਰਾਏਪੁਰ), ਉੱਤਰ ਰੇਲਵੇ (ਦਿੱਲੀ ਤੇ ਲਖਨਊ) ਅਤੇ ਮੱਧ ਰੇਲਵੇ (ਮੁੰਬਈ) 'ਚ ਸਭ ਤੋਂ ਵੱਧ ਗਿਣਤੀ ਹੈ। ਮੌਜੂਦਾ ਸਮੇਂ 12,500 ਕਿਲੋਮੀਟਰ ਰੇਲ ਟਰੈਕ ਦੀ ਸੁਰੱਖਿਆ ਇਨ੍ਹਾਂ ਟੀਮਾਂ ਕੋਲ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹਰਿਆਣਾ ਪੁਲਸ ਦਾ ਨਸ਼ਾ ਤਸਕਰਾਂ 'ਤੇ ਸ਼ਿਕੰਜਾ, NDPS ਐਕਟ ਤਹਿਤ 2.09 ਕਰੋੜ ਰੁਪਏ ਦੀ ਜਾਇਦਾਦ ਫ੍ਰੀਜ਼
NEXT STORY 
