ਨਵੀਂ ਦਿੱਲੀ- ਵਧਦੀ ਜਾ ਰਹੀ ਮੋਬਾਈਲ ਫੋਨਾਂ ਤੇ ਇੰਟਰਨੈੱਟ ਦੀ ਵਰਤੋਂ ਨੇ ਭਾਰਤ 'ਚ ਇੰਟਰਨੈੱਟ ਦੀ ਵਰਤੋਂ 'ਚ ਵੀ ਵਾਧਾ ਕੀਤਾ ਹੈ। ਇਕ ਰਿਪੋਰਟ ਅਨੁਸਾਰ ਸਾਲ 2020 'ਚ ਇਕ ਮੋਬਾਇਲ 'ਤੇ ਔਸਤਨ 13.5 ਜੀ.ਬੀ. ਇੰਟਰਨੈੱਟ ਡਾਟਾ ਖਪਤ ਹੁੰਦੀ ਸੀ, ਜੋ ਕਿ ਸਾਲ 2023 'ਚ ਵਧ ਕੇ 24.1 ਜੀ.ਬੀ. ਤੇ ਸਾਲ 2024 ਦੇ ਅੰਤ ਤੱਕ 27.5 ਜੀ.ਬੀ. ਤੱਕ ਪਹੁੰਚ ਗਈ।
ਇਸ ਇੰਟਰਨੈੱਟ ਦੀ 65 ਫ਼ੀਸਦੀ ਤੱਕ ਵਰਤੋਂ ਵੀਡੀਓਜ਼ ਦੇਖਣ ਲਈ ਕੀਤੀ ਗਈ, ਜਦਕਿ 15 ਫ਼ੀਸਦੀ ਇੰਟਰਨੈੱਟ ਸੋਸ਼ਲ ਮੀਡੀਆ ਸਾਈਟਸ ਲਈ ਵਰਤਿਆ ਗਿਆ। ਇਸ ਤੋਂ ਇਲਾਵਾ 8 ਫ਼ੀਸਦੀ ਇੰਟਰਨੈੱਟ ਆਨਲਾਈਨ ਗੇਮਿੰਗ ਲਈ ਖਰਚਿਆ ਗਿਆ। ਇਸ ਤੋਂ ਬਾਅਦ 7 ਫ਼ੀਸਦੀ ਸਿੱਖਿਆ ਖੇਤਰ ਤੇ ਕੰਮ ਲਈ, ਜਦਕਿ 5 ਫ਼ੀਸਦੀ ਇੰਟਰਨੈੱਟ ਈ-ਕਾਮਰਸ ਕੰਪਨੀਆਂ ਲਈ ਵਰਤਿਆ ਗਿਆ।
ਇਹ ਵੀ ਪੜ੍ਹੋ- Momos ਖਾ ਰਹੇ ਨੌਜਵਾਨ ਨੂੰ ਪੈ ਗਈਆਂ ਭਾਜੜਾਂ, ਪਲਾਂ 'ਚ ਹੋ ਗਿਆ ਅਜਿਹਾ ਕਾਂਡ ਕਿ ਉੱਡ ਗਏ ਹੋਸ਼
ਇਸ ਟ੍ਰੈਂਡ ਨੂੰ ਦੇਖਦੇ ਹੋਏ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ 2026 ਦੀ ਸ਼ੁਰੂਆਤ 'ਚ ਹੀ 5ਜੀ. ਡਾਟਾ ਟ੍ਰੈਫ਼ਿਕ 4ਜੀ ਨੂੰ ਪਛਾੜ ਦੇਵੇਗਾ, ਜਿਸ ਦਾ ਸਭ ਤੋਂ ਵੱਡਾ ਕਾਰਨ ਹੈ ਯੂਜ਼ਰਜ਼ ਦਾ 4ਜੀ ਮੋਬਾਈਲ ਫ਼ੋਨਾਂ ਤੋਂ 5ਜੀ ਫੋਨਾਂ 'ਤੇ ਅਪਗ੍ਰੇ਼ਡ ਕਰਨਾ। ਇਸ ਮੁਤਾਬਕ ਸਾਲ 2025 ਦੌਰਾਨ ਤਕਰੀਬਨ 90 ਫ਼ੀਸਦੀ ਲੋਕ ਆਪਣੇ ਸਮਾਰਟਫੋਨ ਨੂੰ 5ਜੀ 'ਤੇ ਅਪਗ੍ਰੇਡ ਕਰ ਲੈਣਗੇ।
ਭਾਰਤ 'ਚ ਪਿਛਲੇ ਪੰਜ ਸਾਲਾਂ ਦੌਰਾਨ ਹਰ ਸਾਲ ਔਸਤਨ 20 ਫ਼ੀਸਦੀ ਇੰਟਰਨੈੱਟ ਖ਼ਪਤ 'ਚ ਵਾਧਾ ਹੋਇਆ ਹੈ। ਇਸ ਤੋਂ ਇਲਾਵਾ ਭਾਰਤ ਸਭ ਤੋਂ ਤੇਜ਼ੀ ਨਾਲ 5ਜੀ ਵੱਲ ਵਧ ਰਹੇ ਦੇਸ਼ਾਂ 'ਚੋਂ ਇਕ ਹੈ, ਜਿੱਥੇ ਤਕਰੀਬਨ 99 ਫ਼ੀਸਦੀ ਜ਼ਿਲ੍ਹਿਆਂ 'ਚ 5ਜੀ ਸੇਵਾ ਪਹੁੰਚ ਰਹੀ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਭਲਕੇ ਸ਼ੁਰੂ ਹੋਵੇਗਾ ਦਿੱਲੀ ਵਿਧਾਨ ਸਭਾ ਦਾ ਬਜਟ ਸੈਸ਼ਨ
NEXT STORY 
