ਇੰਟਰਨੈਸ਼ਨਲ ਡੈਸਕ- 5 ਅਗਸਤ 2019 ਨੂੰ ਜੰਮੂ-ਕਸ਼ਮੀਰ ਤੋਂ ਧਾਰਾ 370 ਹਟਾਏ ਜਾਣ ਨੂੰ 7 ਸਾਲ ਦਾ ਸਮਾਂ ਪੂਰਾ ਹੋ ਗਿਆ ਹੈ। ਇਸ ਮੌਕੇ ਕੰਟਰੋਲ ਰੇਖਾ (LoC) ਦੇ ਦੋਵੇਂ ਪਾਸੇ ਭਾਰਤੀ ਜੰਮੂ-ਕਸ਼ਮੀਰ ਅਤੇ ਪਾਕਿਸਤਾਨ ਦੇ ਗੈਰ-ਕਾਨੂੰਨੀ ਕਬਜ਼ੇ ਵਾਲੇ ਕਸ਼ਮੀਰ (PoJK) ਦੇ ਹਾਲਾਤਾਂ 'ਚ ਇਕ ਬਹੁਤ ਵੱਡਾ ਤੇ ਸਾਫ਼ ਫ਼ਰਕ ਦੇਖਣ ਨੂੰ ਮਿਲ ਰਿਹਾ ਹੈ।
ਭਾਰਤ ਦੇ ਹਿੱਸੇ ਵਾਲੇ ਜੰਮੂ-ਕਸ਼ਮੀਰ 'ਚ ਲਗਾਤਾਰ ਵਿਕਾਸ ਹੋ ਰਿਹਾ ਹੈ। ਚਿਨਾਬ ਨਦੀ 'ਤੇ ਦੁਨੀਆ ਦੇ ਸਭ ਤੋਂ ਉੱਚੇ ਰੇਲਵੇ ਆਰਕ ਬ੍ਰਿਜ ਨਾਲ ਕਸ਼ਮੀਰ ਨੂੰ ਭਾਰਤੀ ਰੇਲ ਨੈੱਟਵਰਕ ਨਾਲ ਜੋੜਿਆ ਗਿਆ ਹੈ। ਇਸ ਤੋਂ ਇਲਾਵਾ 47 ਨੈਸ਼ਨਲ ਹਾਈਵੇਅ ਪ੍ਰੋਜੈਕਟਾਂ ਅਤੇ ਸੁਰੰਗਾਂ 'ਤੇ ਤੇਜ਼ੀ ਨਾਲ ਕੰਮ ਹੋਇਆ ਹੈ। ਇਸ ਤੋਂ ਇਲਾਵਾ 1.5 ਲੱਖ ਕਰੋੜ ਰੁਪਏ ਤੋਂ ਵੱਧ ਦੇ ਨਿਵੇਸ਼ ਪ੍ਰਸਤਾਵ ਵੀ ਆਏ ਹਨ, ਜਿਨ੍ਹਾਂ ਦਾ ਅਸਰ ਇਲਾਕੇ 'ਚ ਫੈਕਟਰੀਆਂ ਤੇ ਰੁਜ਼ਗਾਰ ਦੇ ਰੂਪ 'ਚ ਦਿਖ ਰਿਹਾ ਹੈ।
ਇਸ ਤੋਂ ਇਲਾਵਾ ਇੱਥੇ 1 ਸਾਲ 'ਚ ਰਿਕਾਰਡ 2 ਕਰੋੜ ਤੋਂ ਵੱਧ ਸੈਲਾਨੀ ਵੀ ਪਹੁੰਚੇ ਹਨ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਟੂਰਿਜ਼ਮ 'ਚ ਵੀ ਕਸ਼ਮੀਰ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਹੈ। ਟਿਊਲਿਪ ਗਾਰਡਨ, ਗੁਲਮਰਗ ਗੰਡੋਲਾ ਅਤੇ ਸ਼੍ਰੀਨਗਰ ਨੂੰ UNESCO ਕ੍ਰਾਫਟ-ਸਿਟੀ ਦਾ ਦਰਜਾ ਮਿਲਣ ਨਾਲ ਖੇਤਰ ਵਿੱਚ ਅਮਨ-ਸ਼ਾਂਤੀ ਅਤੇ ਖੁਸ਼ਹਾਲੀ ਪਰਤੀ ਹੈ।
ਇਹ ਵੀ ਪੜ੍ਹੋ- ''ਚਾਹੇ ਉਹ ਮੈਨੂੰ ਮਾਰ ਦੇਣ ਜਾਂ ਜੇਲ੍ਹ 'ਚ ਸੁੱਟ ਦੇਣ..!'' ਸ਼ੇਖ ਹਸੀਨਾ ਨੇ 2 ਸਾਲਾਂ 'ਚ ਪਹਿਲੀ ਵਾਰ ਕੀਤਾ ਸੰਬੋਧਨ
ਉੱਥੇ ਹੀ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ 'ਚ ਮਹਿੰਗਾਈ, ਪ੍ਰਦਰਸ਼ਨ ਤੇ ਫੌਜੀ ਕਾਰਵਾਈ ਆਮ ਗੱਲ ਹੋ ਗਈ ਹੈ। ਇਸੇ ਦੌਰਾਨ ਇੱਥੇ ਸਰਕਾਰ ਵਿਰੋਧੀ ਪ੍ਰਦਰਸ਼ਨ ਵੀ ਸਿਖ਼ਰਾਂ 'ਤੇ ਪਹੁੰਚੇ ਹੋਏ ਹਨ, ਜਿਸ ਦੀ ਅਗਵਾਈ 'ਜੁਆਇੰਟ ਅਵਾਮੀ ਐਕਸ਼ਨ ਕਮੇਟੀ' (JAAC) ਕਰ ਰਹੀ ਹੈ। ਇਸ ਕਮੇਟੀ 'ਚ ਵਪਾਰੀ, ਅਧਿਆਪਕ ਅਤੇ ਵਕੀਲ ਸ਼ਾਮਲ ਹਨ, ਜਿਨ੍ਹਾਂ ਨੇ ਕੋਈ ਆਜ਼ਾਦੀ ਜਾਂ ਵੱਖਵਾਦੀ ਮੰਗ ਨਹੀਂ ਰੱਖੀ। ਉਨ੍ਹਾਂ ਦੀਆਂ ਮੁੱਖ ਮੰਗਾਂ ਸਸਤਾ ਆਟਾ, ਬਿਜਲੀ ਦੇ ਜਾਇਜ਼ ਰੇਟ ਅਤੇ ਅਸੈਂਬਲੀ ਵਿੱਚ ਗੈਰ-ਨਿਵਾਸੀਆਂ ਲਈ ਰਾਖਵੀਆਂ ਸੀਟਾਂ ਦਾ ਖਾਤਮਾ ਹਨ, ਪਰ ਪਾਕਿਸਤਾਨੀ ਪ੍ਰਸ਼ਾਸਨ ਨੇ ਇਨ੍ਹਾਂ ਸ਼ਾਂਤਮਈ ਤੇ ਜਾਇਜ਼ ਮੰਗਾਂ ਦਾ ਜਵਾਬ ਵੀ ਗੋਲੀਬਾਰੀ, ਇੰਟਰਨੈੱਟ ਬੰਦੀ ਅਤੇ ਫੌਜੀ ਬਲ ਨਾਲ ਦਿੱਤਾ।
ਇਸ ਤੋਂ ਇਲਾਵਾ ਪ੍ਰਸ਼ਾਸਨ ਨੇ JAAC 'ਤੇ ਅੱਤਵਾਦ-ਵਿਰੋਧੀ ਕਾਨੂੰਨ ਤਹਿਤ ਪਾਬੰਦੀ ਲਗਾ ਦਿੱਤੀ। ਮੁਜ਼ੱਫਰਾਬਾਦ, ਰਾਵਲਾਕੋਟ ਅਤੇ ਮੀਰਪੁਰ 'ਚ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਹਿੰਸਕ ਕਾਰਵਾਈ 'ਚ ਦਰਜਨਾਂ ਆਮ ਨਾਗਰਿਕਾਂ ਦੀ ਜਾਨ ਜਾ ਚੁੱਕੀ ਹੈ, ਜਿਸ ਦੀ ਭਾਰਤ ਦੇ ਵਿਦੇਸ਼ ਮੰਤਰਾਲੇ ਨੇ ਵੀ ਸਖ਼ਤ ਨਿੰਦਾ ਕੀਤੀ ਹੈ।
ਇਸ ਤੋਂ ਸਾਫ਼ ਹੈ ਕਿ ਧਾਰਾ 370 ਹਟਾਏ ਜਾਣ ਦੇ 7 ਸਾਲਾਂ ਬਾਅਦ, LoC ਦੇ ਇੱਕ ਪਾਸੇ (ਜੰਮੂ-ਕਸ਼ਮੀਰ) ਬੁਨਿਆਦੀ ਢਾਂਚੇ, ਵਿਕਾਸ ਅਤੇ ਰੋਜ਼ਗਾਰ ਦੇ ਮੌਕੇ ਪੈਦਾ ਕੀਤੇ ਜਾ ਰਹੇ ਹਨ, ਜਦਕਿ ਦੂਜੇ ਪਾਸੇ (PoJK) ਰੋਟੀ ਅਤੇ ਬਿਜਲੀ ਵਰਗੀਆਂ ਬੁਨਿਆਦੀ ਲੋੜਾਂ ਦੀ ਮੰਗ ਰਹੇ ਆਮ ਨਾਗਰਿਕਾਂ 'ਤੇ ਗੋਲੀਆਂ ਚਲਾ ਕੇ ਤੇ ਪਾਬੰਦੀਆਂ ਲਗਾ ਕੇ ਉਨ੍ਹਾਂ ਦੀ ਆਵਾਜ਼ ਨੂੰ ਦਬਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਇਹ ਵੀ ਪੜ੍ਹੋ- ਆ ਗਿਆ 6.3 ਤੀਬਰਤਾ ਦਾ ਭੂਚਾਲ ! ਬੁਰੀ ਤਰ੍ਹਾਂ ਕੰਬ ਗਈ ਧਰਤੀ, ਫਿਲੀਪੀਨਜ਼ 'ਚ ਮਚੀ ਤੜਥੱਲੀ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਧਾਰਾ 370 ਨੂੰ ਰੱਦ ਕਰਨ ਦੀ ਵਰ੍ਹੇਗੰਢ: ਜੰਮੂ-ਕਸ਼ਮੀਰ 'ਚ ਸ਼ਾਂਤੀ ਤੇ ਵਿਕਾਸ, PoJK 'ਚ ਅਸ਼ਾਂਤੀ ਦੇ ਉਲਟ
NEXT STORY 
