ਜੌਨਪੁਰ— ਸਮਾਜਵਾਦੀ ਪਾਰਟੀ (ਸਪਾ) ਦੇ ਸੀਨੀਅਰ ਨੇਤਾ ਅਤੇ ਉੱਤਰ ਪ੍ਰਦੇਸ਼ 'ਚ ਜੌਨਪੁਰ ਦੇ ਬਰਸਠੀ ਖੇਤਰ 'ਚ ਸਾਬਕਾ ਵਿਧਾਇਕ ਰਹੇ ਸਚਿੰਦਰਾ ਨਾਥ ਤ੍ਰਿਪਾਠੀ ਦਾ ਸੋਮਵਾਰ ਦੇਰ ਰਾਤ ਲਖਨਊ ਸਥਿਤ ਰਾਮ ਮਨੋਹਰ ਲੋਹੀਆ ਹਸਪਤਾਲ 'ਚ ਮੌਤ ਹੋ ਗਈ। ਉਹ ਲਗਭਗ 75 ਸਾਲ ਦੇ ਸਨ। ਸ਼੍ਰੀ ਤ੍ਰਿਪਾਠੀ ਦੇ ਪਰਿਵਾਰ ਮੁਤਾਬਕ ਜੌਨਪੁਰ ਦੇ ਮਡੀਯਾਹੂ ਤਹਿਸੀਲ ਖੇਤਰ ਦੇ ਹਰਦਵਾਰੀ ਪਿੰਡ ਨਿਵਾਸੀ ਸ਼੍ਰੀ ਤ੍ਰਿਪਾਠੀ ਨੂੰ ਕੁਝ ਦਿਨ ਪਹਿਲਾਂ ਬ੍ਰੇਨ ਹੈਮਰੇਜ ਹੋ ਗਿਆ ਸੀ। ਉਨ੍ਹਾਂ ਦਾ ਇਲਾਜ ਲਖਨਊ ਦੇ ਐੱਸ. ਜੀ. ਪੀ. ਜੀ. ਆਈ. 'ਚ ਚਲਿਆ ਪਰ ਬਾਅਦ 'ਚ ਉਨ੍ਹਾਂ ਨੂੰ ਮਨੋਹਰ ਲੋਹੀਆ ਹਸਪਤਾਲ 'ਚ ਦਾਖਲ ਕਰਾ ਦਿੱਤਾ ਗਿਆ, ਜਿੱਥੇ ਦੇਰ ਰਾਤ 11 ਵਜੇ ਉਨ੍ਹਾਂ ਨੇ ਆਖਰੀ ਸਾਹ ਲਿਆ। ਸ਼੍ਰੀ ਤ੍ਰਿਪਾਠੀ 2002 'ਚ ਬਰਸਠੀ ਵਿਧਾਨ ਸਭਾ ਤੋਂ ਸਪਾ 'ਚ ਪਹਿਲੀ ਵਾਰ ਵਿਧਾਇਕ ਚੁਣੇ ਗਏ ਸਨ ਪਰ 2007 'ਚ ਚੋਣਾਂ ਹਾਰ ਗਏ ਸਨ। ਸਾਲ 2012 'ਚ ਜੌਨਪੁਰ ਜ਼ਿਲੇ ਦੇ ਵਿਧਾਨ ਸਭਾ ਜਫਰਾਬਾਦ 'ਚ ਸਪਾ 'ਚ ਵਿਧਾਇਕ ਚੁਣੇ ਗਏ ਸਨ। ਉਹ ਸਾਲ 2017 'ਚ ਚੋਣਾਂ ਲੜੇ ਪਰ ਸਫਲਤਾ ਨਹੀਂ ਮਿਲੀ। ਸਾਬਕਾ ਵਿਧਾਇਕ ਦੀ ਮੌਤ 'ਤੇ ਸਪਾ ਪ੍ਰਧਾਨ ਅਖਿਲੇਸ਼ ਯਾਦਵ ਸਮੇਤ ਪਾਰਟੀ ਨੇ ਨੇਤਾਵਾਂ ਨੇ ਦੁੱਖ ਜਤਾਇਆ ਹੈ। ਸ਼੍ਰੀ ਤ੍ਰਿਪਾਠੀ ਦਾ ਅੰਤਿਮ ਸੰਸਕਾਰ ਵਾਰਾਨਸੀ ਦੇ ਮਾਨਿਕਾਰੀਕਾ ਘਾਟ ਮੰਗਲਵਾਰ ਨੂੰ ਪੂਰੇ ਨਾਗਰਿਕ ਸਨਮਾਨ ਨਾਲ ਕਰ ਦਿੱਤਾ।
ਇੰਦਰਾ ਗਾਂਧੀ ਦੀ 'ਐਮਰਜੈਂਸੀ' ਦੇ ਖਿਲਾਫ ਆਵਾਜ਼ ਬੁਲੰਦ ਕਰਨ ਵਾਲਿਆਂ 'ਚ ਸ਼ਾਮਲ ਮੋਦੀ
NEXT STORY 
