ਮੁੰਬਈ - ਮਹਾਰਾਸ਼ਟਰ ਦੇ ਉੱਘੇ ਨੇਤਾ ਅਤੇ ਸਾਬਕਾ ਵਿਧਾਇਕ ਬਾਬਾ ਸਿੱਦੀਕੀ ਦਾ ਬੀਤੇ ਸ਼ਨੀਵਾਰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਸ਼ਨੀਵਾਰ ਦੀ ਰਾਤ ਤਿੰਨ ਅਣਪਛਾਤੇ ਲੋਕਾਂ ਨੇ ਉਨ੍ਹਾਂ ਉੱਤੇ ਤਾਬੜ-ਤੋੜ ਗੋਲੀਆਂ ਚਲਾ ਦਿੱਤੀਆਂ। ਇਸ ਤੋਂ ਬਾਅਦ ਤੁਰੰਤ ਉਨ੍ਹਾਂ ਨੂੰ ਮੁੰਬਈ ਦੇ ਲੀਲਾਵਤੀ ਹਸਪਤਾਲ 'ਚ ਲਜਾਇਆ ਗਿਆ। ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ।
ਪਟਨਾ ਵਿੱਚ ਹੋਇਆ ਸੀ ਜਨਮ
ਬਾਬਾ ਸਿੱਦੀਕੀ ਦਾ ਜਨਮ ਪਟਨਾ, ਬਿਹਾਰ ਵਿੱਚ ਹੋਇਆ ਸੀ। ਬਾਬਾ ਸਿੱਦੀਕੀ (ਜ਼ਿਆਉਦੀਨ ਸਿੱਦੀਕੀ) ਦਾ ਜਨਮ ਅਬਦੁਲ ਰਹੀਮ ਸਿੱਦੀਕੀ ਅਤੇ ਰਜ਼ੀਆ ਸਿੱਦੀਕੀ ਦੇ ਘਰ ਹੋਇਆ ਸੀ। ਬਾਬਾ ਸਿੱਦੀਕੀ ਦਾ ਵਿਆਹ ਸ਼ਾਹਜ਼ੀਨ ਸਿੱਦੀਕੀ ਨਾਲ ਹੋਇਆ ਹੈ। ਉਨ੍ਹਾਂ ਦੇ ਦੋ ਬੱਚੇ ਹਨ। ਉਨ੍ਹਾਂ ਦੀ ਇਕ ਬੇਟੀ ਡਾ: ਅਰਸ਼ੀਆ ਸਿੱਦੀਕੀ ਅਤੇ ਇਕ ਬੇਟਾ ਜੀਸ਼ਾਨ ਸਿੱਦੀਕੀ ਹੈ। ਬੇਟਾ ਜੀਸ਼ਾਨ ਸਿੱਦੀਕੀ ਵੀ ਵਿਧਾਇਕ ਹੈ।
ਵਿਵਾਦਾਂ ਵਿਚ ਰਹੇ
ਪਿਰਾਮਿਡ ਡਿਵੈਲਪਰਸ ਦੁਆਰਾ ਬਾਂਦਰਾ ਰੇਕਲੇਮੇਸ਼ਨ ਨੇੜੇ "ਜਮਾਤ-ਏ-ਜਮਹੂਰੀਆ" ਨਾਮਕ ਝੁੱਗੀ-ਝੌਂਪੜੀ ਦੇ ਪੁਨਰ ਵਿਕਾਸ ਪ੍ਰੋਜੈਕਟ ਵਿੱਚ ਬੇਨਿਯਮੀਆਂ ਤੋਂ ਬਾਅਦ ਸਿੱਦੀਕੀ 'ਤੇ ਮਨੀ ਲਾਂਡਰਿੰਗ ਰੋਕੂ ਕਾਨੂੰਨ ਦੇ ਤਹਿਤ ਦੋਸ਼ ਲਗਾਇਆ ਗਿਆ ਸੀ। ਸੀਨੀਅਰ ਸਰਕਾਰੀ ਅਧਿਕਾਰੀਆਂ ਮੁਤਾਬਕ ਡਿਵੈਲਪਰਾਂ ਨੇ ਇਹ ਪਲਾਟ ਸਤਰਾ ਗਰੁੱਪ ਨੂੰ 90 ਕਰੋੜ ਰੁਪਏ ਵਿੱਚ ਵੇਚ ਦਿੱਤਾ ਸੀ। ਸਿੱਦੀਕੀ ਦਾ ਕਥਿਤ ਤੌਰ 'ਤੇ ਇਸ ਵਿੱਚ ਹੱਥ ਸੀ ਕਿਉਂਕਿ ਉਸਨੇ ਮਹਾਰਾਸ਼ਟਰ ਹਾਊਸਿੰਗ ਐਂਡ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਮਹਾਡਾ) ਦੇ ਚੇਅਰਮੈਨ ਹੋਣ ਵੇਲੇ ਫਲੋਰ ਸਪੇਸ ਇੰਡੈਕਸ (ਐਫਐਸਆਈ) ਵਧਾਉਣ ਦਾ ਫੈਸਲਾ ਕੀਤਾ ਸੀ।
ਸਿਆਸੀ ਸਫ਼ਰ
ਬਾਬਾ ਸਿੱਦੀਕੀ ਮਹਾਰਾਸ਼ਟਰ ਸਰਕਾਰ ਵਿੱਚ ਮੰਤਰੀ ਰਹਿ ਚੁੱਕੇ ਹਨ। ਬਾਬਾ ਸਿੱਦੀਕੀ ਮਹਾਰਾਸ਼ਟਰ ਕਾਂਗਰਸ ਦੇ ਦਿੱਗਜ ਨੇਤਾ ਰਹੇ ਹਨ। ਉਹ 48 ਸਾਲ ਕਾਂਗਰਸ ਨਾਲ ਜੁੜੇ ਰਹੇ। 1977 ਵਿੱਚ ਆਪਣੇ ਵਿਦਿਆਰਥੀ ਜੀਵਨ ਦੌਰਾਨ ਕਾਂਗਰਸ ਪਾਰਟੀ ਵਿੱਚ ਸ਼ਾਮਲ ਹੋਏ ਸਨ। ਉਹ 1999, 2004 ਅਤੇ 2009 ਵਿੱਚ ਤਿੰਨ ਵਾਰ ਬਾਂਦਰਾ ਪੱਛਮੀ ਵਿਧਾਨ ਸਭਾ ਹਲਕੇ ਤੋਂ ਕਾਂਗਰਸ ਦੇ ਵਿਧਾਇਕ ਰਹੇ। ਉਨ੍ਹਾਂ ਦਾ ਪੁੱਤਰ ਜੀਸ਼ਾਨ ਸਿੱਦੀਕੀ ਇਸ ਸਮੇਂ ਬਾਂਦਰਾ ਪੂਰਬੀ ਹਲਕੇ ਤੋਂ ਕਾਂਗਰਸ ਦਾ ਵਿਧਾਇਕ ਹੈ। ਪਰ ਇਸੇ ਸਾਲ ਉਹ ਕਾਂਗਰਸ ਛੱਡ ਕੇ ਅਜੀਤ ਪਵਾਰ ਦੀ ਅਗਵਾਈ ਵਾਲੀ ਐਨਸੀਪੀ ਵਿੱਚ ਸ਼ਾਮਲ ਹੋ ਗਏ ਸਨ। ਪਾਰਟੀ ਛੱਡਣ ਸਮੇਂ ਉਨ੍ਹਾਂ ਕਿਹਾ ਸੀ ਕਿ ਮੈਂ ਜਵਾਨੀ ਵਿੱਚ ਹੀ ਇੰਡੀਅਨ ਨੈਸ਼ਨਲ ਕਾਂਗਰਸ ਪਾਰਟੀ ਵਿੱਚ ਸ਼ਾਮਲ ਹੋਇਆ ਸੀ। ਪਿਛਲੇ 48 ਸਾਲਾਂ ਤੋਂ ਇਹ ਇੱਕ ਮਹੱਤਵਪੂਰਨ ਯਾਤਰਾ ਰਹੀ ਹੈ। ਉਨ੍ਹਾਂ ਦਾ ਪੁੱਤਰ ਜੀਸ਼ਾਨ ਸਿੱਦੀਕੀ ਇਸ ਸਮੇਂ ਬਾਂਦਰਾ ਪੂਰਬੀ ਤੋਂ ਕਾਂਗਰਸ ਦਾ ਵਿਧਾਇਕ ਹੈ।
ਇਫਤਾਰ ਪਾਰਟੀਆਂ
ਸਿੱਦੀਕੀ ਹਰ ਸਾਲ ਰਮਜ਼ਾਨ ਦੌਰਾਨ ਆਪਣੀਆਂ ਇਫਤਾਰ ਪਾਰਟੀਆਂ ਲਈ ਵੀ ਜਾਣੇ ਜਾਂਦੇ ਸਨ। ਉਨ੍ਹਾਂ ਦੀਆਂ ਇਫਤਾਰ ਪਾਰਟੀਆਂ ਵਿੱਚ ਸਲਮਾਨ ਖਾਨ, ਸ਼ਾਹਰੁਖ ਖਾਨ ਸਮੇਤ ਬਾਲੀਵੁੱਡ ਅਤੇ ਸਿਆਸੀ ਪਾਰਟੀਆਂ ਦੇ ਵੱਡੇ ਸਿਤਾਰੇ ਸ਼ਾਮਲ ਹੁੰਦੇ ਸਨ। ਸਿੱਦੀਕੀ ਨੂੰ ਸਲਮਾਨ ਅਤੇ ਸ਼ਾਹਰੁਖ ਦੇ ਬਹੁਤ ਕਰੀਬੀ ਵੀ ਮੰਨਿਆ ਜਾਂਦਾ ਸੀ। ਬਾਬਾ ਸਿੱਦੀਕੀ ਨੇ ਦੋਵਾਂ ਦੀ ਪੰਜ ਸਾਲ ਪੁਰਾਣੀ ਦੁਸ਼ਮਣੀ ਖਤਮ ਕਰਵਾਈ ਸੀ।
ਤੁਸੀਂ ਇਸ ਗੱਲ ਤੋਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਬਾਬਾ ਸਿੱਦੀਕੀ ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਦੇ ਦਿਲਾਂ ਦੇ ਕਿੰਨੇ ਕਰੀਬ ਸਨ, ਕਾਫੀ ਸਮਾਂ ਪਹਿਲਾਂ ਸਲਮਾਨ ਅਤੇ ਸ਼ਾਹਰੁਖ ਵਿਚਾਲੇ ਦੁਸ਼ਮਣੀ ਦੀ ਅਜਿਹੀ ਕੰਧ ਖੜ੍ਹੀ ਹੋ ਗਈ ਸੀ, ਜਿਸ ਨੂੰ ਤੋੜਨਾ ਮੁਸ਼ਕਿਲ ਸੀ। ਮਾਮਲਾ ਇੰਨਾ ਵੱਧ ਗਿਆ ਸੀ ਕਿ ਜੇਕਰ ਕੋਈ ਕਿਸੇ ਪਾਰਟੀ 'ਚ ਜਾਂਦਾ ਸੀ ਤਾਂ ਦੂਜਾ ਉਸ ਪਾਰਟੀ 'ਚ ਸ਼ਾਮਲ ਨਹੀਂ ਹੁੰਦਾ ਸੀ ਪਰ ਸਾਲ 2013 'ਚ ਬਾਬਾ ਸਿੱਦੀਕੀ ਦੀ ਇਫਤਾਰ ਪਾਰਟੀ 'ਚ ਦੋਵਾਂ ਨੇ ਇਕ-ਦੂਜੇ ਨੂੰ ਜੱਫੀ ਪਾ ਲਈ ਸੀ ਅਤੇ ਸਾਰੀਆਂ ਰੰਜਿਸ਼ਾਂ ਦੂਰ ਹੋ ਗਈਆਂ ਸਨ।ਖਬਰਾਂ ਅਨੁਸਾਰ, ਆਪਣੀ ਇਫਤਾਰ ਪਾਰਟੀ ਵਿੱਚ, ਉਸਨੇ ਦੋਵਾਂ ਸਿਤਾਰਿਆਂ ਵਿੱਚ ਸੁਲ੍ਹਾ ਕਰਵਾਈ ਸੀ
ਲੰਮਾ-ਚੌੜਾ ਸਿਆਸੀ ਕਰੀਅਰ
ਬਾਬਾ ਸਿੱਦੀਕੀ ਨੂੰ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਅਜੀਤ ਪਵਾਰ ਦੇ ਪ੍ਰਮੁੱਖ ਰਣਨੀਤੀਕਾਰਾਂ ਵਿੱਚੋਂ ਇੱਕ ਵਜੋਂ ਦੇਖਿਆ ਜਾ ਰਿਹਾ ਸੀ। ਬਾਬਾ ਸਿੱਦੀਕੀ 1999, 2004 ਅਤੇ 2009 ਵਿੱਚ ਲਗਾਤਾਰ ਤਿੰਨ ਵਾਰ ਵਿਧਾਇਕ ਰਹੇ ਅਤੇ ਖੁਰਾਕ ਅਤੇ ਸਿਵਲ ਸਪਲਾਈ, ਲੇਬਰ ਅਤੇ ਐਫਡੀਏ ਦੇ ਰਾਜ ਮੰਤਰੀ ਵਜੋਂ ਵੀ ਸੇਵਾ ਨਿਭਾਈ। ਇਸ ਤੋਂ ਪਹਿਲਾਂ ਉਹ ਲਗਾਤਾਰ ਦੋ ਵਾਰ (1992-1997) ਲਈ ਨਗਰ ਨਿਗਮ ਕੌਂਸਲਰ ਵੀ ਰਹੇ। ਕਾਂਗਰਸ ਛੱਡਣ ਤੋਂ ਪਹਿਲਾਂ ਉਹ ਮੁੰਬਈ ਖੇਤਰੀ ਕਾਂਗਰਸ ਕਮੇਟੀ ਅਤੇ ਮਹਾਰਾਸ਼ਟਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਸੰਸਦੀ ਬੋਰਡ ਦੇ ਪ੍ਰਧਾਨ ਅਤੇ ਸੀਨੀਅਰ ਮੀਤ ਪ੍ਰਧਾਨ ਵਜੋਂ ਸੇਵਾਵਾਂ ਨਿਭਾ ਰਹੇ ਸਨ। ਸ਼ੁਰੂਆਤੀ ਦਿਨਾਂ ਵਿੱਚ ਉਹ ਵਿਦਿਆਰਥੀ ਲਹਿਰ ਵਿੱਚ ਸਨ। 1980 ਵਿੱਚ ਉਹ ਬਾਂਦਰਾ ਯੂਥ ਕਾਂਗਰਸ ਦੇ ਜਨਰਲ ਸਕੱਤਰ ਬਣੇ।
ਸਿੱਦੀਕੀ ਇਸ ਤੋਂ ਪਹਿਲਾਂ ਲਗਾਤਾਰ ਦੋ ਵਾਰ (1992-1997) ਲਈ ਮਿਉਂਸਪਲ ਕੌਂਸਲਰ ਵੀ ਰਹਿ ਚੁੱਕੇ ਹਨ। 08 ਫਰਵਰੀ 2024 ਨੂੰ, ਉਸਨੇ ਇੰਡੀਅਨ ਨੈਸ਼ਨਲ ਕਾਂਗਰਸ ਦੀ ਮੁੱਢਲੀ ਮੈਂਬਰਸ਼ਿਪ ਤੋਂ ਅਸਤੀਫਾ ਦੇ ਦਿੱਤਾ, ਬਾਅਦ ਵਿੱਚ ਉਹ 12 ਫਰਵਰੀ 2024 ਨੂੰ ਅਜੀਤ ਪਵਾਰ ਦੀ ਅਗਵਾਈ ਵਾਲੀ ਨੈਸ਼ਨਲਿਸਟ ਕਾਂਗਰਸ ਪਾਰਟੀ ਵਿੱਚ ਸ਼ਾਮਲ ਹੋ ਗਿਆ।
ਜਾਣਕਾਰੀ ਮੁਤਾਬਕ ਬਾਬਾ ਸਿੱਦੀਕੀ 1977 'ਚ ਜਵਾਨੀ ਸਮੇਂ ਦੇ ਵਿੱਚ ਇੰਡੀਅਨ ਨੈਸ਼ਨਲ ਕਾਂਗਰਸ (ਆਈ.ਐੱਨ.ਸੀ.) 'ਚ ਸ਼ਾਮਲ ਹੋਏ ਸਨ। ਉਨ੍ਹਾਂ ਨੇ ਵੱਖ-ਵੱਖ ਵਿਦਿਆਰਥੀ ਅੰਦੋਲਨਾਂ ਵਿੱਚ ਹਿੱਸਾ ਲਿਆ। ਬਾਅਦ ਵਿੱਚ ਉਹ 1980 ਵਿੱਚ ਬਾਂਦਰਾ ਯੂਥ ਕਾਂਗਰਸ ਦੇ ਬਾਂਦਰਾ ਤਾਲੁਕਾ ਦਾ ਜਨਰਲ ਸਕੱਤਰ ਬਣੇ ਅਤੇ ਅਗਲੇ ਦੋ ਸਾਲਾਂ ਵਿੱਚ ਇਸ ਦਾ ਪ੍ਰਧਾਨ ਚੁਣੇ ਗਏ। 1988 ਵਿੱਚ ਉਹ ਮੁੰਬਈ ਯੂਥ ਕਾਂਗਰਸ ਦੇ ਪ੍ਰਧਾਨ ਬਣੇ। ਚਾਰ ਸਾਲ ਬਾਅਦ ਉਹ ਮੁੰਬਈ ਨਗਰ ਨਿਗਮ ਵਿੱਚ ਮਿਉਂਸਪਲ ਕੌਂਸਲਰ ਚੁਣੇ ਗਏ ਅਤੇ ਪੰਜ ਸਾਲ ਬਾਅਦ ਮੁੜ ਇਸ ਅਹੁਦੇ ਲਈ ਚੁਣੇ ਗਏ। ਉਹ 1999 ਵਿੱਚ ਬਾਂਦਰਾ ਪੱਛਮੀ ਵਿਧਾਨ ਸਭਾ ਹਲਕੇ ਤੋਂ ਵਿਧਾਇਕ ਬਣੇ।
ਬਾਬਾ ਸਿੱਦੀਕੀ ਦੀ ਮੌ.ਤ ਕਾਰਨ ਟੁੱਟੇ ਸਲਮਾਨ ਨੇ ਅੱਧ ਵਿਚਾਲੇ ਛੱਡੀ 'Big Boss 18' ਦੀ ਸ਼ੂਟਿੰਗ
NEXT STORY 
