ਵੈੱਬ ਡੈਸਕ : ਅੱਜ ਅਸੀਂ ਸਾਰੇ ਖਾਣਾ ਪਕਾਉਣ ਲਈ ਐੱਲਪੀਜੀ (LPG) ਰਸੋਈ ਗੈਸ ਸਿਲੰਡਰ ਦੀ ਵਰਤੋਂ ਕਰ ਰਹੇ ਹਾਂ। ਅਜਿਹੇ 'ਚ ਖਾਣਾ ਬਣਾਉਣਾ ਬਹੁਤ ਸੁਵਿਧਾਜਨਕ ਹੋ ਗਿਆ ਹੈ। ਐੱਲਪੀਜੀ ਗੈਸ ਸਿਲੰਡਰ ਨਾਲ ਖਾਣਾ ਬਣਾਉਣਾ ਓਨਾ ਹੀ ਸੁਵਿਧਾਜਨਕ ਹੈ ਜਿੰਨਾ ਖਤਰਨਾਕ ਹੈ। ਤੁਸੀਂ ਐੱਲਪੀਜੀ ਰਸੋਈ ਗੈਸ ਸਿਲੰਡਰ 'ਚ ਧਮਾਕੇ ਦੇ ਮਾਮਲਿਆਂ ਬਾਰੇ ਸੁਣਿਆ ਹੋਵੇਗਾ।
ਇਸ ਦੇ ਨਾਲ ਹੀ, ਕੀ ਤੁਸੀਂ ਜਾਣਦੇ ਹੋ ਕਿ ਗੈਸ ਸਿਲੰਡਰ ਕਾਰਨ ਦੁਰਘਟਨਾ ਹੋਣ ਦੀ ਸਥਿਤੀ 'ਚ, ਗੈਸ ਕੰਪਨੀਆਂ ਦੁਆਰਾ ਬੀਮਾ ਦੀ ਸਹੂਲਤ ਵੀ ਦਿੱਤੀ ਜਾਂਦੀ ਹੈ। ਜੇਕਰ ਤੁਸੀਂ ਇਸ ਬਾਰੇ ਨਹੀਂ ਜਾਣਦੇ ਤਾਂ ਅੱਜ ਅਸੀਂ ਤੁਹਾਨੂੰ ਇਸ ਬਾਰੇ ਦੱਸਣ ਜਾ ਰਹੇ ਹਾਂ।
ਜਦੋਂ ਤੁਸੀਂ ਨਵਾਂ LPG ਗੈਸ ਕੁਨੈਕਸ਼ਨ ਲੈਂਦੇ ਹੋ ਤਾਂ ਇਸ ਦੇ ਨਾਲ ਹੀ ਤੁਹਾਨੂੰ ਨਿੱਜੀ ਦੁਰਘਟਨਾ ਕਵਰ ਵੀ ਦਿੱਤਾ ਜਾਂਦਾ ਹੈ। ਨਵੇਂ ਐੱਲਪੀਜੀ ਗੈਸ ਕੁਨੈਕਸ਼ਨ ਦੇ ਨਾਲ ਉਪਲਬਧ ਨਿੱਜੀ ਦੁਰਘਟਨਾ ਕਵਰ ਬਾਰੇ ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ ਹਨ।
ਇਸ ਕਵਰ ਦੇ ਤਹਿਤ ਜੇਕਰ ਧਮਾਕੇ ਜਾਂ ਗੈਸ ਦੇ ਲੀਕ ਹੋਣ ਕਾਰਨ ਅੱਗ ਲੱਗ ਜਾਂਦੀ ਹੈ ਤਾਂ ਭਾਰੀ ਨੁਕਸਾਨ ਹੋ ਸਕਦਾ ਹੈ। ਗੈਸ ਸਿਲੰਡਰ ਕਾਰਨ ਦੁਰਘਟਨਾ ਹੋਣ 'ਤੇ ਵੱਧ ਤੋਂ ਵੱਧ 50 ਲੱਖ ਰੁਪਏ ਦਿੱਤੇ ਜਾਂਦੇ ਹਨ। ਇਸ ਵਿੱਚ ਵੱਧ ਤੋਂ ਵੱਧ 10 ਲੱਖ ਰੁਪਏ ਪ੍ਰਤੀ ਵਿਅਕਤੀ ਹੁੰਦੇ ਹਨ। ਦੁਰਘਟਨਾ 'ਚ ਕਿਸੇ ਵਿਅਕਤੀ ਦੀ ਮੌਤ ਹੋਣ 'ਤੇ 5 ਲੱਖ ਰੁਪਏ ਦਾ ਮੁਆਵਜ਼ਾ ਦਿੱਤਾ ਜਾਂਦਾ ਹੈ।
ਇੰਨਾ ਹੀ ਨਹੀਂ, ਦੁਰਘਟਨਾ ਹੋਣ 'ਤੇ ਤੁਰੰਤ ਮਦਦ ਲਈ ਪ੍ਰਤੀ ਵਿਅਕਤੀ 25,000 ਰੁਪਏ ਦਿੱਤੇ ਜਾਂਦੇ ਹਨ। ਇਸ ਤੋਂ ਇਲਾਵਾ ਜਾਇਦਾਦ ਨੂੰ ਹੋਏ ਨੁਕਸਾਨ ਲਈ 1 ਲੱਖ ਰੁਪਏ ਦਾ ਮੁਆਵਜ਼ਾ ਵੀ ਉਪਲਬਧ ਹੈ। LPG ਗੈਸ ਸਿਲੰਡਰ 'ਤੇ ਨਿੱਜੀ ਦੁਰਘਟਨਾ ਬੀਮੇ ਦਾ ਦਾਅਵਾ ਕਰਨ ਲਈ, ਤੁਹਾਨੂੰ ਦੁਰਘਟਨਾ ਤੋਂ ਬਾਅਦ ਗੈਸ ਡੀਲਰ ਨੂੰ ਸੂਚਿਤ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਪੁਲਸ ਕੋਲ ਜਾ ਕੇ ਸ਼ਿਕਾਇਤ ਦਰਜ ਕਰਵਾਉਣੀ ਪੈਂਦੀ ਹੈ।
ਕਲਯੁੱਗੀ ਮਾਂ ਦਾ ਕਾਰਾ, ਨਾਨੀ ਨਾਲ ਮਿਲ ਵੇਚ 'ਤਾ ਪੁੱਤ, ਪਤਾ ਲੱਗਣ 'ਤੇ ਪਿਓ ਦੇ ਉੱਡੇ ਹੋਸ਼
NEXT STORY 
